Контакт

Македонија

Спасовски: Кривичното дело „злоупотреба на службата“ е во пораст на ниво на цела држава

Објавено пред

Безбедносната состојба на подрачјето на Битола е стабилна и се бележи намалување на криминалитетот, рече министерот Оливер Спасовски во изјавата за медиумите по денешната посета на секторот за внатрешни работи во овој град, како и на полициските станици во Ресен и Прилеп.

Притоа, Спасовски оствари и средби со градоначалниците Наташа Петровска, Живко Гошаревски и Илија Јованоски.

Како што рече министерот, безбедносна состојбата е стабилна на ниво на цела држава, а се бележи зголемување на кривичното дело „злоупотреба на службената положба и овластување“ и тоа за 111 проценти, податок кој, како што рече Спасовски, треба да биде јасна порака за сите функционери во оваа држава.

Покрај ова, министерот најави враќање на т.н. маалски полицаец на подрачјето на Битола.

„Дел од стратегијата на ова раководство на МВР е кога ги посетуваме полициските станици да разговараме и со локалната самоуправа и заеднички да ја вратиме врската меѓу граѓанинот и полицијата. Денеска разговаравме за неколку теми. Едната е давањето насоки за воспоставување на позорната служба, односно маалскиот полицаец на подрачјето на Битола“, рече Спасовски.

Втората мерка која ја најави министерот е активирање на советите за превенција со конкретен акционен план за посета на сите месни заедници во општините заедно со припадници на МВР, да се разговара за проблемите на граѓаните и на тој начин да се придонесе, за како што рече, враќање на довербата во полицијата кај граѓаните.

Спасовски потенцира дека еден од приоритетите кој ќе се реализира во соработка со локалната самоуправа е средување на состојбите во сообраќајот во градовите.

Македонија

(Видео) Заев: 200 милиони евра годишна финансиска поддршка за земјоделството и руралниот развој

Објавено пред

Три години СДСМ преку владата што ја предводи покажува што значи вистинска грижа за земјоделците, оцени лидерот на СДСМ, Зоран Заев.

Тој образложи дека за три години финансиската поддршка во земјоделството стигнала до рекорден износ од 430 милиони евра и стигнува до вистинските индивидуални земјоделци.

„Субвенциите ги зголемивме и нивната исплата денес е неселективна, редовна и што е најважно навремена, земјоделците парите ги добиваат тогаш кога им се најпотребни.

За производството на тутун по кое е позната општина Кривогаштани, но и целиот Прилепски регион обезбедивме зголемување на субвенциите и тоа 80 денари за прва класа, 70 денари за втора и 60 денари за трета,четврта и дополнителните класи.

Тоа значи повеќе пари кај земјоделците кои ја одгледуваат оваа култура, но и мотив да одгледуваат поквалитетни класи на тутун.

Оваа година земјоделците вкупно кои произведуваа тутун инкасираа во своите семејни буџети повеќе од 125 милиони евра.

Заложбата на СДСМ во следните 4 години е јасна, поддршката кон тутунопроизводителите, но и кон сите земјоделци, градинари и сточари ќе продолжи да расте уште повеќе.

Обезбедуваме годишна финансиска поддршка за земјоделството и руралниот развој од 200 милиони евра.

Воведуваме целосно субвенционирање на „зелената нафта“ за нашите земјоделци.

За да обезбедиме сигурен пласман градиме три нови откупно-дистрибутивни центри во државата.

Поддршката кон младите земјоделци, кон жените земјоделки продолжува уште повеќе и уште подобро.

Обезбедуваме и субвенционирање на платите од 3.000 денари на нововработени работници во земјоделско стопанство помлади од 25 години.

Важно ни е земјоделството, важни ни се земјоделците, затоа, грижата за нив во следните четири години продолжува уште повеќе.

Убедени сме дека земјоделците гледаат кој навистина се грижи за нив, а кој 11 години како власт и 3 години како опозиција ги манипулира и го погазува нивниот труд.

Затоа, на 15 јули земјоделците ќе изберат повисоки субвенции, сигурен пласман и повеќе пари во своите буџети и нема да дозволат повторно ВМРО-ДПМНЕ да гази врз нивниот труд“, истакна Заев.

Прикажи повеќе...

Македонија

Меѓаши: Партиите да ги повлечат спотовите со деца, а Обвинителството да постапи

Објавено пред

Првата детска амбасада во светот Меѓаши упати апел до политичките партии, Основното јавно обвинителство, Државната изборна комисија и медиумите дека децата треба да се третираат сериозно, а не да се користат како инструмент во кампања.

„Крајно сме разочарани и револтирани од неодговорниот однос на сите политички и институционални чинители кон децата и нивните права за време на предизборната кампања. По трет пат апелираме до сите политички партии, до Државната изборна комисија, до Основното јавно обвинителство и до медиумите да го сменат својот однос и покажат дека децата се важни за нив, секој во рамки на своите надлежности“, велат од детската амбасада.

Во текот на вчерашниот ден, Меѓаши до Основното јавно обвинителство (ОЈО) достави информација за инволвирање на децата во политички кампањи и неколкукратно прекршување на нивните права. Во доставената информација дадени се линкови, на конкретни примери на злоупотреба на деца во политичката кампања, на увид на ОЈО, па се очекува Обвинителството соодветно да реагира.

Исто така, во текот на вчерашниот ден, апелирале и до Државната изборна комисија (ДИК) упатувајќи ги нивните согледувања за прекршување на правата на децата во кампањите на политичките партии, како и злоупотребана децата и детскиот свет.

„Како институција што е одговорна за обезбедување услови за демократско и слободно спроведување на целиот процес на предвремените парламентарни избори – од предизборната кампања, се до денот на изборите, очекуваме дека ДИК ќе преземе соодветни мерки кон политичките партии во насока на заштита на правата на детето и најдобриот негов интерес. Од медиумите очекуваме да бидат главни актери во подигнување на свеста за заштита на правата на детето, да отвораат теми и дебати од едукативен и информативен карактер со цел подобро разбирање на тоа што значи злоупотреба на правата на децата во политички кампањи. Ги потсетуваме дека е забрането емитување на политички рекламни спотови во кои се вклучени деца“, велат од Меѓаши.

Оттука порачаа до сите политички партии што учествуваат во изборниот процес, да ги повлечат сите рекламни спотови во кои на кој било начин ги злоупотребуваат децата со цел постигнување политички поени.

„Во ова ги вклучуваме и политичките спотови во кои на експлицитен начин се злоупотребени лични податоци на малолетници – нивни ликови, и политичките спотови во кои е засегнат животот и светот на децата иако отсуствуваат слики и ликови на деца. Без разлика дали децата се појавуваат со свој лик во спотот или само се злоупотребува контекстот на детскиот свет, злоупотребата е еднакво иста и се искористува истата манипулативна техника, а тоа е емоционалната манипулација со чувствата на гласачите кон децата, симбол на иднината на едно општество. И повторно ги повикуваме: со истиот ентузијазам и енергија да пристапувате кон прашањата поврзани со децата и заштита на нивните права во текот на вашите мандати на кое било ниво на власт! Будно го следиме процесот на предизборната кампања и однесувањето на сите чинители во овој процес кон децата и заштитата на нивните права!“, додава Првата детска амбасада.

Прикажи повеќе...

Македонија

Хоџа: Секогаш кога им слабее поддршката, ВМРО-ДПМНЕ и ДУИ поттикнуваат тензии

Објавено пред

ВМРО-ДПМНЕ и ДУИ имаат реторика што  ни ја враќа меморијата од владеењето на режимот, изјави генералниот секретар на Движењето Беса, Арјанит Хоџа.

Секогаш кога ќе ослабнат, вели Хоџа, тие го обновуваат политичкиот фолклор, популизмот и јазикот на поделба, омраза и поттикнувањето тензии.

„Граѓаните добро го препознаваат ваквиот вид манипулација наметнат од страна на поранешниот режим и од секоја средба со нив, ние сме помотивирани и уште повеќе сме убедени дека коалицијата ‘Можеме’ е подобра, побезбедна и покорисна опција за државата и општеството. Оние што денес продаваат патриотизам, мораме да ги потсетиме за спомениците, стиропорните фасади, прислушувањата, политички монтираните случаи, нерасчистените случаи на корупција и криминал и, што е најважно, мора да запомниме колку млади ја напуштија земјата, токму затоа што режимот на ВМРО-ДУИ им ја уби надежта и ги остави без никаква перспектива и ги натера да ја напуштат државата“, вели генералниот секретар на Беса.

Тој истакна дека коалицијата „Можеме“ спроведува позитивна кампања и за разлика од опонентите, за време на средбите со граѓаните се придржуваат до здравствените препораки.

„За разлика од другите политички партии кои немаат јасна политичка понуда, се служат со фолклорна реторика и популизам, па дури и го загрозуваат здравјето на граѓаните со тоа што не ги почитуваат препораките на здравствените институции за одржување дистанца и носење маски, а за разлика од нив, ние нудиме инклузивна програма, заснована врз конкретните потреби и барања на граѓаните. Ние дневно одржуваме многу средби, директно се среќаваме со граѓаните, го слушаме нивниот глас и нормално се грижиме да не го загрозиме нивното здравјете. Придржувањето кон здравствените препораки за одржување  дистанца и носење маски е многу поважно од која било политичка агенда, здравјето на граѓаните е поважно од  какво било масовно собирање без маски и социјална дистанца“, додаде Хоџа.

Прикажи повеќе...

Најново

Регион2 часа

Граничниот премин Евзони повторно затворен

Граничниот премин Евзони требаше да биде отворен од денес, но сепак, во краток временски период овој граничен премин беше затворен,...

Македонија2 часа

Кривична пријава и државен карантин за синот на починатата кој учествуваше во инцидентот пред „8 Септември“

Обид насилно да се изнесе тело на почината од коронавирус е причината за инцидентот што вчера се случи во болницата...

Економија2 часа

Игротеките бараат поддршка и протоколи за почеток со работа

Три конкретни мерки за што поскоро отворање и почеток со работа предложи Групацијата на забавни, рекреативни и едукативни дејности и...

Свет3 часа

Претреси во Ватикан поради сомнеж за корупција

Ватиканската полиција изврши претрес во одделението задолжено за одржување и реставрација на базиликата Свети Петар и заплени документи и компјутери...

Македонија4 часа

Ременски бара обвинителката Русковска да биде изземена од судењето за „Меѓународен сојуз“

Фросина Ременски, третообвинета во случајот „Меѓународен сојуз“, заедно со Бојан Јовановски-Боки 13, бара да се изземе обвинителката Вилма Русковска од...

Македонија4 часа

Лицата со Ковид-19, во самоизолација и хронично болните можат да се пријавуваат за гласање за изборите

Почнува пријавувањето до општинските изборни комисии на лицата со Ковид-19 и во самоизолација, на болните, немоќните и хронично болните за...

Македонија5 часа

Бројот на починати од коронавирус во земјава надмина 300, границите на ЕУ остануваат затворени за македонските граѓани

Земјата со недели се соочува со троцифрени бројки на новозаразени од Ковид-19 на дневна основа, а бројот на починати од...

Свет5 часа

САД ги купија сите залихи на ремдесивир

Сите залихи на лекот ремдесивир, кој е еден од ретките што покажаа позитивни резултати во лекувањето на коронавирусот, се откупени...

Македонија5 часа

Повторно летови од аеродромите во Скопје и во Охрид

Двата аеродрома, во Скопје и во Охрид, од денеска се отвораат за патници, но со строго почитување на протоколите. Заштитните...

Македонија6 часа

Снимател од МРТ ја загуби битката со коронавирусот

Синоќа од коронавирус почина долгогодишниот снимател во албанската редакција на Македонската радио- телевизија, Шенол Ахмети. Неговите колеги на социјалните мрежи...

Забава7 часа

(Видео) Италијански нуркачи два часа спасувале кит заплеткан во нелегални рибарски мрежи

Припадниците на италијанската крајбрежна стража и нуркачите успеале да го ослободат китот што се заплеткал во рибарските мрежи во близина...

Македонија15 часа

Филипче за инцидентот во „8 Септември“: Ова е чин на непочитување на здравствените работници кои се борат за секој човечки живот

Вечерва во Градската општа болница „8 Септември“, докторка беше нападната од семејство на пациентка која по неколку дена болничко лекување...

Топ17 часа

Шестмина приведени поради закани кон докторка во Ковид-центарот во „8 Септември“

Шестмина се приведени вечерва поради закани кон докторка во Ковид-центарот во болницата „8 Септември“ во Скопје. Меѓу нив е и...

Македонија18 часа

Милошоски хоспитализиран на Инфективната клиника поради висока температура

Кандидатот за пратеник од ВМРО-ДПМНЕ, Антонијо Милошоски е примен на Инфективната клиника откако неколку дена имал покачена телесна температура, иако...

Регион20 часа

(Видео) Група лекари ѝ свртеа грб на Брнабиќ во знак на протест во Нови Пазар

Група лекари и медицински персонал во општата болница во Нови Пазар им завртеа грб на српската премиерка Ана Брнабиќ и...

Спорт20 часа

Чистка во Олимпијакос, четворица Американци отпуштени во ист ден!

Грчкиот кошаркарски клуб, Олимпијакос одлучи да ослободи од обврските четири американски кошаркари, во ист ден. Тоа е уште една потврда...

Македонија20 часа

За три пати се зголемува опфатот на граѓани за вакцинирање од сезонски грип

На оваа своја седница Владата ја разгледа и усвои Информацијата и го усвои Акцискиот план за проектот „Бесплатна вакцинација против...

Македонија21 час

Укината забраната – спортски натпревари ќе има, но без публика

На денешната седница Владата донесе одлука за престанок на важењето на забраната за одржување спортски натпревари во колективните спортови. Како...

Македонија22 часа

ЕУ ќе ги отвори границите за 15 земји, но не и за Македонија

Европската Унија објави список на 15 земји чии жители се сметаат за безбедни и ќе им биде дозволен влез во...

Македонија23 часа

Регистрирани 126 случаи на коронавирус во земјава, оздравени се 48 пациенти, починаа 4 лица

Министерството за здравство информира дека во последните 24 часа се направени 1.140 тестирања, а регистрирани се 126 нови случаи на...

Досие