Контакт

Македонија

Спасовски: Потребни се реформи за справување со организираниот криминал

Објавено пред

Организираниот криминал и корупцијата се две клучни области каде што Европската Унија со години ни дава забелешки. Потребни се понатамошни реформи во справувањето со определени видовиа организиран криминал како што се перењето пари и финансискиот криминал, како и подобрување на евиденцијата за истраги, обвиненија и пресуди во борбата против организираниот криминал. Oва го истакна министерот за внатрешни работи, Оливер Спасовски, во своето денешно обраќање по повод завршувањето на проектот – „Јакнење на националните капацитети за борба против организираниот криминал и корупција“, што во рамки на ИПА-програмата на ЕУ се реализираше во изминатриот период.

„Сметам дека спроведувањето на овој проект дојде во вистинско време. Истиот имаше за цел да ја зголеми оперативната ефикасност на институциите за спроведување на законот за спречување сериозен и организиран криминал и подобрување на механизмите и меѓуинституционалната соработка во превенција и сузбивање на корупцијата“, потенцираше министерот Спасовски, кој наедно се осврна и на сработеното во делот од проектот насочен кон ресорот внатрешните работи.

Според Спасовски, беа подготвени повеќе документи и спроведени голем број обуки во делот на организираниот криминал, финансиските истраги и компјутерскиот криминал. Тој истовремено изрази надеж дека институциите ќе ја сфатат својата сериозност и одговорност и ќе бидат ефикасни спроведувачи на овие проекти.

„Најважно е да покажеме одлучна борба – а јас во тоа сум решен – против организираниот криминал и корупција, заради тоа што тоа ја јаде Република Македонија и иднината на нашите генерации“, нагласи Спасовски.

Инаку, носители на овој проект беа Министерството за правда, координатор во имплементација на компонента 1 (Превенција и спречување на корупцијата вклучително и подобрување на меѓуинституционалната соработка) и Министерството за внатрешни работи како координатор во имплементација на компонента 2 (Понатамошно зајакнување на капацитетите за борба против сериозен и организиран криминал). Покрај нив во имплементацијата на активностите предвидени со овој проект беа вклучени и Јавното обвинителство, Државната комисија за спречување корупција, Управата за финансиско разузнавање, Управата за финансиска полиција, Царинската управа и Агенцијата за управување со одземен имот.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Почна есенската дератизација во Карпош

Објавено пред

Општина Карпош ја почна редовната, есенска дератизација и дезинсекција на целата своја територија.

„Овластената фирма која ја ангажираше локалната самоуправа треба да помине околу 5.000 шахти во кои ќе фрли средства за уништување на штетните глодари и инсекти во сите населби на Општината“, се наведува во соопштението.

Дератизацијата и дезинсекцијата во Карпош ќе се одвива сукцесивно во следните четири до пет недели.

Прикажи повеќе...

Македонија

Здруженијата бараат легализација на канабисот за лична употреба

Објавено пред

Македонски здруженија бараат со измените на Законот за опојни дроги, кој е во собраниска процедура, да се декриминализира употребата и поседувањето на канабис на лична употреба.

„Јас одговорно ви тврдам дека повеќето од луѓето кои ги носат законите кај нас веќе користат канабис. Се случувало полицаец кој користи канабис ме апси за канабис, тоа мора да престане. Властодршците мора да знаат дека марихуана во Македонија се користи и тоа на ангро“, изјави Филип Достовски од Зелена алтернатива.

Драгана Дрндаревска од Коалиција Маргини вели дека декриминализацијата ќе биде начин да престане повредата на човековите права на луѓето кои употребуваат канабис.

„Се прави голема неправда, спротивно е на принципот на владеење на право една група на луѓе која има доволно средства да го произведува и извезува да прави профит, а друга да оди во затвор“, вели Дрндаревска.

Огнен Узуновски од „Операција Ослободување“ вели дека нивната цел е да се прекинат сите негативни полемики околу канабисот.

Прикажи повеќе...

Македонија

(Видео) Османи – Логар: Словенија со поддршка за старт на преговорите до крајот на годината

Објавено пред

Министерот за надворешни работи, Бујар Османи, од денеска е во официјална посета на Република Словенија, на покана на министерот за надворешни работи на Словенија, Анже Логар.

Покрај развојот и потенцијалите на билатералните односи, во разговорот доминираа темите поврзани со европската агенда на Северна Македонија, новата методологија, тековните дискусии за преговарачката рамка за земјата, како и за нашите очекувањата за одржување на првата Меѓувладина конференција до крајот на годинава во рамки на германското претседателство со ЕУ.

„Да бидам искрен, нашите очекувања се високи. Сметам дека со право и ние и граѓаните очекуваме финализација на преговарачката рамка и одржување на Меѓувладината конференција за време на Германското претседателство со ЕУ, со што и формално ќе ги почнеме пристапните преговори за членство со Унијата до крајот на оваа година“, истакна Османи, упатувајќи притоа благодарност до колегата Логар за континуираната и безрезервна поддршка која Словенија ѝ ја пружа на Северна Македонија за нејзините европски амбиции.

„Ние сме свесни дека за оваа одлука, како и за многу наредни, ќе треба постојано да ја имаме поддршка од сите нашите пријатели внатре во ЕУ, вклучувајќи ги тука и нашите соседи Грција и Бугарија. Верувам дека по примерот и на другите земји кои пристапија во Унијата во последните две децении, како што е впрочем и Словенија, со позитивен пристап и отвореност ќе ги надминеме предизвиците и со нашите пријатели од Бугарија, и нема да дозволиме да биде загрозена европската перспектива на регионот“, истакна Османи, информирајќи го притоа министерот Логар за засилената активност на државата по ова прашање, изразена и преку неговата посета на официјална Софија, како и засилената активност на работата на Мешовитата комисија за историски прашања.

Министерот Логар ја реафирмираше силната поддршка на Словенија за нашите евроинтеграции и изјави дека организирањето на првата Меѓувладина конференција до крајот на годината со нашата земја ќе претставува единствен логичен исход и валоризација на сите реформски напори на Владата на Северна Македонија и на нејзината конструктивна политика во односите со соседите.

Прикажи повеќе...

Најново

Македонија54 минути

Приведен кумот на поранешниот премиер Никола Груевски, за плацевите на Водно

По наредба на Обвинителството за организиран криминал и корупција, полицијата утрово го приведе Ристо Новачевски, кум на Никола Груевски, а...

Регион2 часа

Словенија прогласи епидемија на коронавирус

Словенечката влада официјално прогласи епидемија на коронавирус. Премиерот на Словенија, Јанез Јанша, претходно објави на „Твитер“ дека епидемијата ќе биде...

Свет2 часа

(Видео) Запалени две цркви на протестите во Чиле

Најмалку две цркви се запалени во главниот град на Чиле, а илјадници луѓе се собраа на улиците на првата годишнина...

Свет3 часа

Научниците предупредуваат: Заразата со коронавирус на отворено не е невозможна, но е ретка

И покрај тоа што речиси целиот документиран пренос на коронавирус се случил во затворен простор, експертите велат дека е оправдано...

Свет4 часа

Европа ги надмина сите рекорди – многу земји воведуваат построги мерки

Европа, соочена со вториот бран на пандемијата, го премина прагот на 250.000 смртни случаи од коронавирус. За една недела се...

Свет4 часа

(Видео) Се качил на кулата на Трамп во Чикаго и барал да разговара со претседателот

Неидентификуван маж се качил на кулата на Трамп во Чикаго, барајќи да разговара со претседателот на САД и медиумите. Мажот,...

Македонија4 часа

Ковид-19 го прележале над 17 илјади лица во земјава

Од Ковид-19 досега оздравеле 17.239 лица во земјава, покажуваат податоците на Министерството за здравство. Вкупната бројка на ковид-дијагностицирани во земјава...

Регион5 часа

Полициски час во неколку црногорски градови

Здравствените власти во Црна Гора одлучија да воведат ограничувачки мерки во пет града во црвената зона според бројот на лица...

Европа16 часа

(Видео) Илјадници Французи излегоа на улиците поради убиството на наставникот

Илјадници луѓе излегоа на улиците на Франција во знак на поддршка на наставниците и со цел да ја одбранат слободата...

Европа17 часа

Стотици демонстранти ја нападнаа полицијата во Прага

Чешката полиција употреби солзавец и водени топови за да растера стотици демонстранти во Прага кои ги нападнаа полицајците по протестот....

Регион18 часа

Црногорските медиуми за Амфилохие: Привилегиран e, го лечат со „ремдесивир“

Митрополитот Амфилохие, кој се зарази со коронавирусот, доби лек „ремдесивир“, кој, според порталот ЦдМ, е недостапен за другите пациенти во...

Свет19 часа

Бројот на заболени во светот надмина 40 милиони

Бројот на заразни лица со Ковид-19 во светот надмина 40 милиони, поточно 40.014.845, според податоците на веб-страницата Worldometer. Бројот на...

Македонија20 часа

Аеродром, Центар и Карпош се општини со најголем број заболени од Ковид-19

Аеродром, Центар и Карпош се скопски општини со најголем број на заболени од Ковид-19. Според најновите податоци од Министерствоот за...

Македонија21 час

Починаа 10 лица со Ковид-19, 428 новозаразени

Министерството за здравство информира дека во последните 24 часа се направени 1.853 тестирања, а регистрирани се 428 нови случаи на...

Македонија22 часа

(Видео) Ангеловски: За три недели изречени над 12.000 казни за сообраќајни прекршоци

МВР покрај на територијата на главниот град Скопје, спроведува засилени сообраќајни контроли и во другите градови, меѓу кои и Кичево,...

Македонија23 часа

(Видео) Пендаровски: Бигорскиот манастир надживеал империи и држави, денеска го започнува своето второ илјадалетие

Денешниов свечен ден е прекраток, за да ги опише, барем, главните настани од илјадагодишната историја на манастирот „Свети Јован Бигорски“,...

Регион1 ден

Во Словенија највисок процент на заразени според бројот на направени тестови

Во Словенија во последните 24 часа се потврдени 726 нови инфекции со коронавирус на 3.765 тестови, објави словенечката влада, што...

Македонија1 ден

(Видео) Заев: Aприл 2021 е месецот за спроведување на пописот

Пописот ќе се одржи во април 2021 по сите правила на Еуростат, објави премиерот Зоран Заев на социјалните мрежи, каде...

Европа1 ден

Плантажа со марихуана на три ката и со вредност од милион фунти пронајдена во Англија

Во објект на поранешен ноќен клуб во Ковентри, полицијата открила плантажа со марихуана на три ката, за која се проценува...

Европа2 дена

Словачка во следните два викенда ќе им направи ковид-тестови на сите граѓани постари од 10 години

Словачка на коронавирус планира да ги тестира сите свои жители на возраст над десет години, објави словачкиот премиер Игор Матовиќ...

Досие