Македонија
СЈО засега не бара притвор за Мијалков по другите обвиненија

Специјалното јавно обвинителство, освен за случајот „Таргет-Тврдина“, засега нема побарано притвор за Сашо Мијалков по другите предмети што се водат против поранешниот директор на Управата за безбедност и контраразузнавање. Во однос на тоа дали ќе има притвор за Мијалков по другите предмети, извори упатени во истрагата за „Макфакс“ велат дека сè зависи од одлуката на судот по жалбите на адвокатите за притворот на Мијалков.
Покрај обвиненијата за случаите „Таргет-Тврдина“ и „Империја“, Сашо Мијалков е обвинет и во предметите „Титаник 2“ за изборни нерегуларности, „Тортура“ за начинот на кој бил уапсен лидерот на Обединети за Македонија, Љубе Бошкоски, и случајот „Трезор“, кој се однесува на злоупотреба на средства од буџетот на РМ во висина од 862 илјади евра.
Во јавноста се шпекулира дека за поранешниот директор на УБК подоцна ќе се бара притвор за најновиот предмет на СЈО, „Империја“, за кој досега е притворен бизнисменот Орце Камчев, како и сопственикот на „Пелистерка“, Цветан Панделески, заедно со уште тројца соработници што се поврзуваат со фирмите на Камчев.
Сашо Мијалков од вчеравечер е во истражниот затвор „Скопје“ во Шуто Оризари по одлуката на Основниот суд Скопје 1 Скопје, а по барањето на специјалното јавно обвинителство. Како што дознава „Макфакс“, во решението на кривичниот суд за притворот на ексдиректорот на тајната полиција за случајот „Таргет-Тврдина“ стои дека мерката му е определена поради опасност од бегство. Специјалното јавно обвинителство во барањето за притвор навело дека за обвинетиот имаат оперативни информации дека презема дејства и активности со кои планира да се даде во бегство. Во решението на советот, сепак, не е наведено на кои околности СЈО ја темели ваквата претпоставка.
Засега, СЈО не побарало да му биде замрзнат имотот на ексдиректорот на тајната полиција со оглед на тоа што во решението за притвор за предметот „Таргет-Тврдина“ пишува дека правни и физички лица поврзани со Сашо Мијалков поседуваат над 8 милиони евра имот.
Адвокатот на Сашо Мијалков, Антонио Апостолски, денеска изјави дека ќе биде упатена жалба по одлуката на судот за одредување мерка притвор на обвинетиот. Тој исто така уште вчера потенцира дека е недозволиво да се одреди мерка притвор, без претходно да биде сослушан обвинетиот.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Регистрирани се 266 нови позитивни ковид-случаи, нема починати лица

Согласно податоците од Институтот за јавно здравје, Министерството за здравство информира дека во последните 24 часа направени се 953 тестови, а регистрирани се нови 266 случаи на Ковид-19: Скопје – 168, Куманово – 17, Битола – 14, Тетово – 12, Прилеп и Штип – по 9, Гостивар – 7, Кочани и Пробиштип – по 5, Кавадарци и Кичево – по 4, Струмица и Крива Паланка – по 3, Струга и Радовиш – по 2, Неготино и Ресен – по 1.
Од вкупниот број на позитивни (266), регистрирани се 64 реинфекции.
Регистрирани сe 119 оздравени пациенти од: Скопје – 73, Битола – 7, Прилеп и Кочани – по 6, Струмица и Велес – по 5, Куманово и Кавадарци – по 4, Тетово – 3, Гостивар и Виница – по 2, Пробиштип и Делчево – по 1.
Во текот на изминатите 24 часа не е пријавено ниту едно починато лице. Согласно Регистарот на умрени лица со дијагноза Ковид-19 од Мој термин нема регистрирано починато лице.
Досега во земјата бројот на починати е 9.327, а бројот на активни случаи изнесува 1.273.
Македонија
(Видео) Партиска средба за разгледување на францускиот предлог

Во Клубот на пратениците во тек е средбата на работните групи на политичките партии за разгледување на францускиот предлог чие евентуално прифаќање би значело тргање на бугарското вето за почеток на преговори на земјата со Европската Унија.
Партиските претставници се очекува да ги изнесат своите ставови и забелешки за предлогот.
Оваа група ја сочинуваат вицепремиерот за европски прашања Бојан Маричиќ и координаторот на пратеничката група на СДСМ Јован Митрески, пратениците Антонио Милошоски и Александар Николовски од ВМРО-ДПМНЕ, координаторот на пратеничката група на ДУИ Арбер Адеми, Елми Азири од Алијанса на Албанците и пратеникот Павле Трајанов, како претставник на ЛДП, ДОМ и ДС.
Македонија
СДСМ: Ковачки е дезертер од Армијата, избра да им служи на деструкциите на Мицкоски

„Антиевропската коалиција на ВМРО-ДПМНЕ и Левица со насилството на протестите изминатите два дена, со дивеење на насилници со качулки, повредени полицајци, со каменување, фрлање запаливи течности, уништување го покажува своето вистинско лице и вистинска цел да создаде тензии, поделби и раздор, да се закочи целата држава“ се вели во реакцијата од СДСМ на денешната прес-конференција на пратеникот на ВМРО-ДПМНЕ, Драган Ковачки.
„Ковачки е дезертер од Армијата кој избра да им служи на деструциите на Христијан Мицкоски.
Наместо да шири лажни вести Ковачки да одговори дали токму тој е координатор на поранешни припадници на единицата Волци кои синоќа ги предводеа насилствата, во обид да предизвикаат реприза на 27 април?“ велат од владечајката партија.