Македонија
Трибина на СДСМ за дигитализација: Услуги за сите граѓани со само една најава преку мобилен телефон

На програмската трибина на СДСМ, посветена на темата дигитализација, надворешните експерти заклучија дека земјава е на вистинскиот пат кон целосна дигитализација и поради напорите на Владата во изминатиот период и поради капацитетот кој го има државата.
Основачот на „System for Enterprise“, Стефан Митевски истакна дека има многу „фриленс“ даватели на дигитални услуги во државата што е позитивно.
„Според истражување на институтот Оксфорд ние сме втори по број на фрiленсери во светот, не само во Eвропа, така што има доста голем број на луѓе кои даваат и извезуваат дигитални услуги и доста е позитивно тука што извезуваме мозок,тоа е една од најдобрите гранки во економијата, бидејќи додадавме голема вредност. Што се однесува до администрацијата, одличен чекор е што ќе имаме е-услуги, се надевам дека тој момент, со едно место на најавување, ќе може да користи и во приватниот сектор, за да со една најава може да се добијат услиги од осигурителни компании, банки и други“, рече Митевски.
Моника Ризова истакна дека сме во чекор со светските трендови во однос на следење на трендовите, бидејќи тоа е индикатор за успехот на секоја ИТ компанија.
„Ме радува што имаме 70 отсто пораст на онлајн навиките кај граѓаните, тоа е доста добар индикатор дека се повеќе почнуваме да веруваме и да купуваме особено од македонски е- продавници. Ме радува и фактот што 40 отсто веќе има запишано студенти на ФИНКИ, а сигурно дека тој број ќе расте”, рече Ризова и додаде дека верува во позитивна иднина на дигитализацијата во нашата држава.
Маријана Нешковска, прокет менаџер во „Sorix“, смета дека државата е на правилен пат и со воведувањето на е-Услуги. Таа истакна дека сега се потребни подготовски на институциите и промени во законските решенија.
„Голем напор треба да се вложи во подготовка на институциите. Приватниот сектор е многу поспремен во процесот на дигитализација, а исто така треба да се работи и на промени на законските регулативи. Ккао пример ќе го споменам проектот “МојТермин” . Рецептот постопи како дигитален повеќе од 6 години. Може ова вака делува смешно бидејќи сите сме сведоци дека граѓаните носат рецепти на хартија, ноот не е во системот не може и да с еподигне. Затоа велам дека потребни с еи измени во законските регулативи, а веројатно до овој момент недотигаше и регистароитот на граѓани кој откако сега ќе биде воведен, овој процес ќе може целосно да се дигитализира“, рече Нешковска.
Претседателот на комисијата за информатичко општевство на СДСМ, Методија Димовски, потсети на револуционерниот чекор направен пред петнаесетина години во однос на дигатализација, кога се направи “аплај он” системот.
„Тогаш го систематизиравме пријавувањето за работа во државната администрација во тоа време. Сега тој систем е проширен и надграден и ги опслужува добар дел од другите институции во јавниот сектор. Значи 15 години имаме дигитализација на најголемиот дел на тој процес. И она што е куриозитет тој софтвер во тоа време беше и награден и признат од Европа. Веќе се претвораме во “тек” земја и треба да инвестираме во тој дел“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
СДСМ: Повлекувањето на обвинението против Димитриевски е срам за правдата

Скандалозен е потегот на Основното јавно обвинителство Куманово, кое, само неколку дена пред завршните зборови во судска постапка, го повлекло обвинението против градоначалникот Максим Димитриевски без никакво објаснување, реагира СДСМ.
„Ова е скандал без преседан, класичен пример за партизирано судство и селективност“, изјави Соња Тодоровска, секретар на Општинската организација на СДСМ Куманово.
Според неа, станува збор за случај што бил воден повеќе од една година и се однесувал на злоупотреба на службена положба и нанесена штета од над 3 милиони денари, поврзано со издавање дозвола за градба. Од СДСМ обвинуваат дека обвинителството, без нови докази или промена на фактите, одлучило едноставно да се откаже од случајот.
„По чиј налог? Кој притискал, договарал и овозможил оваа фарса?“, праша Тодоровска, повикувајќи на итна истрага за одлуката и за мотивите зад неа.
СДСМ тврди дека ова е јасен показател за постоење на политички влијанија врз правосудниот систем, со цел прикривање на одговорност и заштита на поединци блиски до власта.
„Ова е срам пред правдата, направен во Куманово и уште еден доказ дека судството е под капата на ВМРО-ДПМНЕ и нивните сателити“, рече Тодоровска.
Партијата предупредува дека без независно обвинителство и непристрасно судство, нема ни правна држава, ниту доверба во институциите, нагласувајќи дека граѓаните заслужуваат вистинска правда, а не селективност.
Македонија
Мицевски: Кандидатот на СДСМ за градоначалник на Струмица се заканувал со гасење струја за гласови

Пратеникот и член на Централниот комитет на ВМРО-ДПМНЕ, Јане Мицевски, остро ги критикуваше предлог-кандидатите на СДСМ за претстојните локални избори, оценувајќи дека партијата тргнува кон сигурен пораз со, како што рече, истрошени и дискредитирани личности.
„Наместо нови и вредни луѓе, тие повторно нудат истрошени фигури, проверени послушници на Заев и Филипче“, изјави Мицевски, додавајќи дека предложените кандидати немаат углед ниту поддршка кај граѓаните.
Како пример, Мицевски го посочи кандидатот за градоначалник на Струмица од редовите на СДСМ, Марјан Даскаловски, кој, според него, е симбол на притисоци, закани и злоупотреба на политичка моќ.
„Даскаловски под насока на Заев во 2014 година се заканувал со бркање од работа и гаснење на струја на ромски семејства ако не го дале гласот за СДС“, изјави Мицевски.
Тој додаде дека, иако лицата се менуваат, „матрицата останува иста“ – односно дека, според ВМРО-ДПМНЕ, СДСМ и натаму нуди кадри кои „сеат страв, се закануваат и го дестабилизираат општеството“.
Македонија
Алијансата за Албанците: Новата програма по историја е дискриминаторска

Алијансата за Албанците на Арбен Таравари реагира на новата наставна програма по историја за основно и средно образование, обвинувајќи ја Владата за дискриминација, фалсификување на историјата и исклучување на албанските експерти од процесот на изготвување на програмите.
„Во држава која се нарекува мултиетничка, исклучувањето на албанските историчари од работните групи за изготвување на наставните програми е институционален скандал и директна навреда за сите граѓани Албанци“, реагира партијата.
Алијансата наведува дека новата програма е изготвена на нестручен, тенденциозен и дискриминаторски начин, со што, како што велат, се избледува историскиот идентитет на Албанците и се минимизира нивниот придонес во балканската и европската историја. Меѓу посочените примери е и насловот „Илири и Дарданци“, кој според партијата е апсурден и ненаучен, бидејќи Дарданците се неразделив дел од илирското стебло.
„Ова не е обичен апел, туку силен повик за правда, еднаквост и достоинство во третманот на нашето заедничко минато“, порачуваат од Алијансата, повикувајќи го Министерството за образование итно да прекине со одобрување на учебници базирани на спорните програми и да обезбеди рамноправно учество на албанските историчари.
Партијата додава и дека ако историјата се искривува денес, иднината ќе се гради врз лаги.