Забраната за ТТВ на патниот правец Р1209 Тетово – Попова Шапка е укината.

Сообраќајот на државните патишта се одвива непречено по наместа влажни коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево

Денеска се очекува sо два воено-транспортни авиони да пристигнат посмртните останки на 45 граѓани кои загинаа во трагичната автобуска несреќа во Бугарија.

Како што информираат од Министерството за надворешни работи, по пристигнувањето поворката ќе се движи по однапред утврдена патека до и низ главниот град.

„ Во периодот од 10 до 13 часот, граѓаните ќе можат да оддадат последна почит преку положување цвеќе на плоштадот Скендербег, како и да ја проследат поворката која ќе помине по булеварот, веднаш до плоштадот, во периодот меѓу 11 и 12 часот“, се наведва во соопштението.

На плоштадот ќе биде поставен и видеобим, од каде граѓаните ќе можат да го следат целиот процес на пристигнување и движење на поворката.

Времето денес ќе биде променливо облачно со умерен, повремено засилен јужен ветер. Попладне и во вечерните часови ќе има локални врнежи од дожд, а на повисоките планини од снег. Минималната температура ќе биде во интервал 2 до 8, а максималната од 10 до 16 степени.

Во Скопје променливо облачно со умерен, повремено засилен јужен ветер. Минималната температура ќе се спушти до 3, а максималната ќе достигне до 13 степени.

Од утре следува период на променливо облачно време со врнежи од дожд, а на планините од снег, освен в сабота кога ќе настапи преодно стабилизирање. Повремено врнежите ќе бидат пообилни. Во почетокот на идната седмица поради заладување, врнежите ќе преминуваат во снег и на некои пониски места. Утре ќе дува умерен до засилен јужен ветер.