Јавен обвинител од Основното јавно обвинителство Скопје донесе Наредба за спроведување истражна постапка против 24-годишен скопјанец поради основано сомнение дека сторил кривично дело – Неовластено производство и пуштање во промет наркотични дроги, психотропни супстанции и прекурсори според член 215 став 1 од Кривичниот законик.

На 16 декември полициски службеници на улицата „Архимедова“ во Скопје запреле за преглед автомобил во кој се превезувал осомничениот, па во тој момент кај него нашле над 100 различни полиетиленски пакувања наркотична дрога кокаин со вкупна количина од 161,29 грама, како и уште 25 пакувања хероин со вкупна количина од 44,01 грама. Му била запленета и дигитална вага со остатоци од кокаин и хероин, пет мобилни телефони и парични средства за кои постои сомнение дека потекнуваат од илегална продажба на дрога.

Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.

Либерално-демократската партија (ЛДП) во наредниот период ќе предложи измени на Законот за основно образование со цел вработување на образовните асистенти за децата со попреченост на неопределено работно време.

Околу 1300 ученици со попреченост во земјата наставата во основното образование ја следат со поддршка од образовна асистенција. Затоа, Министерството за образование и наука секоја година, преку петте основни училишта со ресурсен центар, вработува околу 1000 образовни асистенити кои имаат завршено високо образовани од областа на педагошките науки. Овие образовни асистенти се вработуваат на определено време до крајот на училишната година, а пред почетокот на наредната училишна година се објавуваат нови огласи.

„Ваквиот начин на ангажирање на овој многу потребен кадар во училиштата предизвикува низа проблеми, како што се случи и оваа учебна година, кога децата со попреченост не беа во можност да ја започнат навремено училишната година поради прекинатите договори на образовните асистенти. Понатаму, во текот на училишната година често се случува некои од образовните асистенти да ја напуштат работата поради нерешен статус, што влијае негативно на децата, кои веќе се навикнале на својот асистент“, велат од ЛДП.

За трајно решавање на овој проблем, партијата најави дека ќе предложи амандман за измени на Членот 10 од Предлог-Законот за изменување и дополнување на Законот за основно образование, со кој се дефинираат измените на член 19 став 7, кој ќе гласи „Образовните асистенти се вработуваат на определено или неопределене време во основните училишта со ресурсен центар. Средствата за образовните асистенти се обезбедуваат од Буџетот на Министерството“.

На овој начин, како што додаваат од партијата, ќе се овозможи образовните асистенти кои се истакнале во својата работа да се вработат на неопределено време, со што ќе се зголеми мотивацијата на истите и ќе се подобри квалитетот на услугите кои ги даваат, истовремено намалувајќи го оптоварувањето на основните училишта со ресурсен центар, кои секоја година во летниот период објавуваат огласи за вработување на повеќе од 200 образовни асистенти.

Јас сум оптимист за формирање влада бидејќи она што го гледам на меѓународен план само не’ обврзува како народ, како држава, како народ да имаме таква влада. Ова го изјави лидерот на ГЕРБ Бојко Борисов пред новинарите, пренесе БГНЕС.

Борисов рече дека влијанието на Србија, Грција и Турција на Западен Балкан е огромно.

„Унгарија сè помоќно се вклучува во овој процес. Ние како лидери на Балканот едноставно ги набљудуваме процесите и ништо добро не не’ чека ако тоа не се случи. Мислам дека Бугарија може и треба да се врати и да застане онаму каде што беше пред четири години“, рече тој.

Лидерот на ГЕРБ вчера имаше подолг разговор со претседателот на Европскиот совет, Антонио Коста.

„Од разговорот разбрав дека во текот на овие години во Брисел, во нашите партнерски земји во НАТО се одвиваа многу процеси за Северна Македонија, се изгуби многу време, бев изненаден од објаснувањата што требаше да ги дадам. Мораме да формираме влада и да застанеме многу цврсто зад нашиот став“, рече Борисов.

Во врска со посетата на унгарскиот премиер Виктор Орбан на Бугарија, како и неговата претстојна средба со претседавачот на ГЕРБ, Борисов истакна дека му е мило што Орбан доаѓа во земјата и ќе може да се види со него, но тој повторно нагласи: „Ние бевме лидери, кога јас бев премиер на Бугарија – не друга земја“.