Контакт

Македонија

Фатмир Битиќи: Успешните компании треба да се истакнат и да се пофалат

Објавено пред

Заменик-претседателот на Владата задолжен за економски прашања, координација на економските ресори и инвестиции, Фатмир Битиќи, присуствуваше на настанот за промоција на топ-100 компании, во организација на Стопанската комора на северозападна Македонија, со кој секоја година традиционално им се оддаваат признанија на најуспешните компании – членки на оваа комора.

dobivaj vesti na viber

„Честопати забораваме да пофалиме и наградиме добро завршена работа, дополнително, не смееме да занемариме дека во последните две години се соочуваме со непредвидлива здравствена и економска криза, која ги стави на тест нашата отпорност, истрајност и борбеност, што на овие признанија денеска им дава дополнителна тежина“, почна вицепремиерот со своето излагање пред присутните гости.

Битиќи додаде дека го радуваат позитивните резултати што ги постигнале топ-100 компаниите – членки на Комората во 2020 година и потенцираше дека и покрај здравствено-економската криза, овие компании продуцирале поголем промет, извоз, зголемен број вработени и повисок профит во однос на 2019 година.

„За растот на компаниите во Стопанската комора на северозападна Македонија говорат бројките во нагорен тренд секоја година. Во 2018 годишниот промет на топ-100 најуспешните компании беше 750 милиони, во 2019 година имале годишен обрт од 900 милиони и во кризна година, во која најголем дел од економиите имаа пад, топ-100 најуспешните имаат раст од 2,61 %, а постигнале ниво од 920 милиони евра обрт. Бројки што говорат дека нашите претприемачи знаат и умеат и во најтешки времиња да најдат можности, дури и да растат. Исто така, многу добри позитини резултати се рефлектираат и во показателите за нето-добивката што во континуитет расте. Ако во 2018 година реализираната нето-добивка на најуспешните 100 компании беше 56,5 милиони евра, во 2019 година – 66 милиони евра, во ковид-периодот на 2020 година вие постигнавте раст до 9,87 % и достигнавте до нето-добивка од 73 милиони евра“, посочи Битиќи.

Вицепремиерот рече дека успехот на овие компании е важен бидејќи даваат позитивен пример и поттик за сите други и создаваат култура на деловна мотивираност и промовираат здрава конкурентност. Сето ова влијае на подобрување на продуктивноста, зголемување на бројот на вработените, како и на севкупниот економски раст.

Тој додаде дека Северна Македонија и целиот регион на Западен Балкан имаат голем потенцијал за раст и развој на економијата и дека со заедничка работа, на Владата, стопанството и меѓународните партнери, треба да се искористи шансата за побрз и одржлив економски развој на земјата и регионот.

„Во насока на поддршка, раст и ваш развој, на моите средби со политичарите и бизнисмените во регионот веќе зборувам, а денеска сакам да ја отвориме оваа дискусија и заедно тука со вас, а тоа е креирањето силни вредносни синџири на компаниите во нашата земја, но и поврзување со целиот регион. Ова е нашата конкурентна предност, која мораме да ја искористиме, за да излеземе посилни и постабилни во постковид-периодот. Рефокусот на стимулирање на инвестициите на пазарот на Западен Балкан ќе креира отпорен и стабилен регионален пазар, кој ќе биде конкурентен на европскиот, односно светскиот пазар, а истовремено ќе ги поддржува и секако ќе ги расне и зајакнува националните економии. Веќе зборуваме за креирање стимулирачки и афирмативни мерки, кои ќе поттикнат посакуван економски развој преку зацврстување и синергија на вредносиот синџир за да го искористиме и капитализираме целосниот потенцијал што ни се отвора преку Near shoring, или приближување на синџирите за снабдување поблиску до големите, прво европски, а и светски компании“, заврши во своето обраќање вицепремиерот за економски прашања, Фатмир Битиќи.

Македонија

Македонците кои се во Полска можат слободно да се движат со старите пасоши

Објавено пред

Mинистерот за внатрешни работи Панче Тошковски, заменик министерот Назим Буши и дополнителниот заменик министер Митко Бојмацалиев остварија работна средба со амбасадорот на Полска, Кшиштоф Грзелчик.

dobivaj vesti na viber

Тошковски го поздрави разбирањето на земјите-членки на ЕУ за техничката природа на проблемот со пасошите, изразувајќи волја за надминување.

Во отсуство на заедничка одлука на земјите-членки на ЕУ, останува секоја членка да одлучи за својот став по ова прашање.

Во таа насока, амбасадорот Гжелчик го пренесе ставот на Варшава дека е ова техничко, а не политичко прашање и дека тие нема да бидат пречка македонските граѓани затекнати на полска територија-слободно да се движат, се додека тие граѓани не остварат влез во својата матична земја со стариот образец на патна исправа.

Амбасадорот Гелчик истовремено ја истакна соработката што е постигната, особено за време на миграциската криза, кога Полска со својата гранична стража даваше поддршка за нашата јужна граница, а во моментов истото го прави и преку ФРОНТЕКС.

На крајот од средбата, министерот Тошковски изрази уверување дека соработката во рамките на поголемите проекти меѓу двете земји ќе продолжи, но најави и зголемување на обемот на соработката со Полска како наша долгогодишна пријателска земја.

Во оваа прилика, дополнителниот заменик министер за внатрешни работи, Митко Бојмачалиев, изрази благодарност од свое и од името на Министерството за внатрешни работи за целокупната поддршка што Полска и ја дава на нашата земја, како партнери преку Европската гранична и крајбрежна стража. Агенцијата ФРОНТЕКС, што беше овозможено со потпишувањето на Договорот од поранешниот министер Оливер Спасовски и еврокомесарот за внатрешни работи Илва Јохансон. Воедно, Бојмачалиев ги истакна заложбите за наредниот период во однос на организирање на слободни, фер и демократски избори според европски стандарди.

Прикажи повеќе...

Македонија

„Ахмети ќе ја соопшти големата вест“ – ДУИ најави обраќање во живо на „Фејсбук“

Објавено пред

Демократската унија за интегрцаија (ДУИ) објави дека утре во 11 часот, партискиот лидер Али Ахмети ќе им се обрати на граѓаните преку директен пренос на неговата страница на социјалната мрежа „Фејсбук“.

dobivaj vesti na viber

„Ахмети ќе ја соопшти големата вест“, информираа од ДУИ преку допис до медиумите.

Изминатиот период јавноста е во исчекување кого ќе предложи ДУИ за претседателски кандидат, откако обединетата албанска опозицијата го претстави Арбен Таравари од Алијансата за Албанците како нивен избор за шеф на државата на претстојните претседателски избори. Потоа, во дел од медиумите се појавија шпекулации дека ДУИ ќе го кандидира Али Ахмети, а Таравари јавно го повика првиот човек на интегративците да си ги измерат силите. Сепак, вчера премиерот Талат Џафери рече дека Ахмети не претендира за ниту една државна функција.

Прикажи повеќе...

Македонија

Костадиновска-Стојчевска: Го враќаме симболот на Скопје – Универзалната сала, објектот треба да биде готов за три години

Објавено пред

Министерката за култура Бисера Костадиновска-Стојчевска денеска ги најави градежните активности за реконструкција и адаптација на Универзалната сала, откако Министерството за култура со Договор ги презеде правата од Град Скопје.

dobivaj vesti na viber

„Ние знаеме што значи развојот на културата, а тој не е можен без овој мултифункционален објект. Оваа сала припаѓа на сите – на уметниците, на културните дејци и, пред сè, на публиката. Затоа наша мисија во следните три години ќе биде овој простор да се уреди како што му прилега на Скопје“, рече министерката за култура.

Таа го најави започнувањето на работите на, како што рече, симболот на Скопје – Универзалната сала, и додаде дека Министерството за култура е подготвено во следните три години непречено да го реализира проектот, за што се обезбедени средства и комплетна документација.

„Мотивирани токму од значењето на Универзалната сала, како и од молкот и инертноста на Град Скопје, Владата и Министерството за култура одлучија да ги преземат надлежностите за конечно да пристапиме кон реконструкција без застој и да го оспособиме објектот повторно да биде функционален“, вели таа.

„Чест ми е, но и голема одговорност, целиот процес на реконструкција да се одвива професионално, стручно и посветено, онака како што ние настојуваме да ја промовираме културата. Тоа го покажавме во изминатите години и ќе продолжиме така и во иднина. Граѓаните не смееме да ги оставиме без својот дом – Универзалната сала“, рече Костадиновска-Стојчевска.

Одговарајќи на новинарско прашање, министерката за култура рече дека со преземање на обврските, објектот на Универзалната сала треба да биде готов за три години и потоа ќе биде вратен под ингеренции на Град Скопје, како што е и договорено.

„Обезбедени се финансиските средства, пред една недела се распиша и јавната набавка за надзорот за Втората фаза преку меѓународен тендер, што значи и тоа кога ќе заврши, ќе се продолжи со работа. Значи три години е повеќе од доволно за да биде готов објектот и да го вратиме на Град Скопје, за повторно да биде под нивна ингеренција“, рече Костадиновска-Стојчевска.

Прикажи повеќе...

Најново

Македонија17 минути

„Ахмети ќе ја соопшти големата вест“ – ДУИ најави обраќање во живо на „Фејсбук“

Демократската унија за интегрцаија (ДУИ) објави дека утре во 11 часот, партискиот лидер Али Ахмети ќе им се обрати на...

Топ26 минути

Брат пукаше во сестра му и нејзините двајца синови во Куманово – две од лицата починаа

Три лица беа застрелани, а двајца починаа во кумановското село Габреш. Според информациите од МВР, зад убиствата стои Д.Ѓ (66),...

Македонија2 часа

Костадиновска-Стојчевска: Да се поништи конзерваторското решение за зградата кај Воената болница

Министерката за култура Бисера Костадиновска-Стојчевска, за изградбата на висококатницата до „Воена болница“ во Скопје, информираше дека го добила Извештајот од...

Македонија3 часа

Цените за катастарските услуги удрија по џебот на граѓаните: поскапувањето не е 300 отсто, туку 90

Според претседателот на Комората на трговските друштва за геодетски работи, Никола Рибароски, најновите поскапувања на тарифниците на Агенцијата за катастар...

Македонија3 часа

Вкупно 56 потврдени случаи на голема кашлица, во следните недели се очекува зголемен број кај повозрасните

По денешниот редовен состанок на Комисијата за заразни болести, претседателот Александар Петличковски рече дека состојбата со големата кашлица е под...

Македонија4 часа

Ковачевски се извини: Ги прифаќам сите реакции, не сакам да дојде време да се случува она што се случуваше до 2016

Лидерот на СДСМ, Димитар Ковачевски, присуствуваше на почетокот на градежните работи на објектот Универзална сала, каде повторно им се извини...

Македонија6 часа

„Мицкоски опкружен со луѓе поврзани со скандали со дрога“, велат СДСМ

„Мицкоски постојано е опкружен со луѓе поврзани со скандали со дрога. Пред неколку месеци претседателот на ДПМНЕ Христијан Мицкоски и...

Македонија7 часа

„И во последните денови од владеењето власта е брутална, сега си играат со судбината на Леонид“, вели ВМРО-ДПМНЕ

„Со СДС и ДУИ секојдневно тоне се, а цената дури и на последните денови од нивното владеење е висока, чини...

Свет8 часа

Кина остро ги критикува САД поради ставеното вето на резолуцијата за прекин на огнот во Газа

Кина остро ги критикуваше САД дека ставија вето на резолуцијата на Советот за безбедност на ОН со која се бара...

Европа9 часа

Западните лидери го обвинија Путин за смртта на Навални, Трамп не: „Можеше да остане настрана“

Поранешниот американски претседател Доналд Трамп вчера изјави дека Алексеј Навални бил многу храбар човек кој веројатно не требало да се...

Свет9 часа

Ники Хејли: Трамп е премногу стар

Кандидатката за републиканска номинација Ники Хејли вети дека ќе ја продолжи својата претседателска кампања, велејќи дека нема намера да се...

Регион9 часа

(Видео) Протест во Албанија, фрлени „молотови коктели“ врз зградата на владата: „Го рушиме режимот на Рама“

Демонстрантите од опозицијата вчера фрлаа молотови коктели и камења врз зградата на албанската влада, обвинувајќи ги владините претставници за вмешаност...

Европа19 часа

Лукашенко: Десетици илјади војници на НАТО се распоредени во близина на Белорусија и Русија

Претседателот на Белорусија, Александар Лукашенко, изјави дека загриженоста за можниот почеток на Третата светска војна е целосно оправдана, пренесува руската...

Македонија20 часа

ЗНАМ в четврток ќе избере лидер на партијата и кандидат за претседател на Македонија

Партијата Движење ЗНАМ-За наша Македонија на денешната прес конференција го најави првиот Конгрес, што ќе се одржи на 22 февруари...

Македонија21 час

„Леонид не е на лекување во странство, туку на рехабилитација, затоа се одби барањето“, велат од ФЗО

„Барањето на осигуреното лице Б.И. од Скопје, за неговото дете Л.И. за упатување на лекување во странство се одби како...

Топ23 часа

Скопјанка почина на паркинг во Кисела Вода, телото е дадено на обдукција

Вчера околу 11.30 часот во СВР Скопје било пријавено дека на паркинг на подрачје на Кисела Вода во Скопје починала...

Македонија1 ден

(Видео) Поради ставот „да прооди, да прозборува, па ќе го вакцинираме“, ни се заканува и епидемија на морбили

Лекарите се едногласни во ставот дека одлагањето на вакцините е причина за сегашната епидемија на голема кашлица и предупредуваат дека...

Економија1 ден

На четиричлено семејство му се потребни приближно 1.000 евра за да го преживее февруари

Минималните трошоци на едно семејство во февруари изнесуваат 57.476 денари, што претставува зголемување од 313 денари во однос на јануари, покажуваат...

Македонија1 ден

Бојмацалиев: Стигнати се 20.000 обрасци за пасошите, до крајот на месецот се очекува поголема пратка

Во Министерството за внатрешни работи стигнати се 20.000 обрасци, а до крајот на месецот се очекува да стигне дополнителна поголема...

Македонија1 ден

Ахмети нема да прифати да биде претседател на држава, не му е приоритет да се натпреварува за било која функција, вели Џафери

Ахмети има мисија а не е претендент за функција, истакна техничкиот премиер Талат Џафери одговарајќи на новинарско прашање за можноста,...