Македонија
Филипче и Министерството за здравство добитници на признанието за хуманост „Св. Мајка Тереза“
![](https://makfax.com.mk/wp-content/uploads/2020/09/nagrada-poslanie-majka-tereza.jpeg)
Министерот за здравство Венко Филипче и Министерството за здравство добија посланија „Св. Мајка Тереза“ за 2020 година и статуетки за хуманост од граѓанската Асоцијација „Скопјанката Мајка Тереза“.
Вакво признание добија и директорката на Клиниката за инфективни болести и фебрилни состојби Милена Стевановиќ, директорот на Градската општа болница „8 Септември“ Христијан Костов и директорот на Институтот за белодробни заболувања кај децата Козле, Ангелчо Андоновски.
По повод 110 години од раѓањето на Мајка Тереза, граѓанското здружение годинава го посвети настанот на институциите и здравствените работници кои во овие моменти се во првите борбени редови во спасувањето на секој човечки живот и справување со Ковид-19.
„Здравствените работници и соработници покажаа и докажаа како се работи пожртвувано. Докажаа дека во нивните принципи на работа ги имаат вградено постулатите на почитуваната Мајка Тереза. Ви благодарам за почитта. Со истата енергија ќе продолжиме и понатаму да работиме за да обезбедиме најдобар третман за нашите пациенти“, потенцираше Филипче.
Наградата „Послание за хуманост“ и статуетка со ликот на „Св.Мајка Тереза“ е востановена во 1999 година од граѓанското здружение „Скопјанката Мајка Тереза“ од Скопје.
Признанијата се доделуваат во рамки на деновите на Мајка Тереза кои се одбележуваат во чест на нејзиниот роденден, а централната манифестација се одржува на 5 септември, денот на нејзиното упокојување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
СДСМ: Лагите на ВМРО-ДПМНЕ за Филипче не им помагаат во обидот да ги скријат своите скандали, Филипче нема ни квадратен метар повеќе од претходно
![](https://makfax.com.mk/wp-content/uploads/2024/03/sdsm4.jpg)
ВМРО-ДПМНЕ продолжува да шири лаги и дезинформации за претседателот Венко Филипче. Последната лага за наводно непријавени пет станови на Филипче е во серијата глупости кои може да влезат во рубриката „верувале или не“.
Потребата по секоја цена да се измисли скандал без притоа да се проверат основните факти за тоа како функционира пријавувањето на имот, потврдува дека ВМРО-ДПМНЕ не планира да се занимава со истрага на криминал, туку со оцрнување и секојдневно заморување на јавноста со лаги, стои во соопштението од СДСМ.
„Претседателот Филипче има ист имот и во двата имотни листа, иста квадратура и вредност на имотот. Филипче нема ни метар квадратен повеќе имот и ВМРО-ДПМНЕ ова го знае, но намерно лаже. Разлика која се појавува е заради начинот на пријавување на имотот во ДКСК.
Со новиот начин потребно е да се приложат имотните листови, а не вкупниот имот. Така, становите кои имаат по два имотни листа како споени стамбени единици, сега се прикажуваат како два имоти“, е наведено во напишаното.
Апелираат до ВМРО-ДПМНЕ да престанат, како што велат, да глумат опозиција и слободно да го докажат спротивното.
Македонија
Тајани утре во посета на нашата земја: Северна Македонија е клучен партнер во обезбедувањето просперитетна иднина за целиот регион на Западен Балкан
![](https://makfax.com.mk/wp-content/uploads/2023/02/vlada-na-rm.jpg)
Вицепремиерот и министер за надворешни работи и меѓународна соработка, Антонио Тајани, утре ќе оствари посета на Северна Македонија и Црна Гора, каде ќе се сретне со државниот врв на двете земји како потврда на континуираната посветеност на Италија за развој, стабилност и стремежот за европската интеграција на регионот на Западен Балкан.
„Западен Балкан е приоритет на нашата надворешна политика на која посветуваме постојано внимание, исто така и на мултилатерално ниво, претседавајќи со групата „Пријатели на Западниот Балкан“, со која повторно ќе се сретнам во Њујорк за неколку дена“, изјави министерот пред посетата. „Со мисиите и бизнис форумите што се одржуваат со сите земји од регионот, отвораме нови патишта за зајакнување на извозот и инвестициите на италијанските компании“.
Во Скопје Тајани ќе се сретне со претседателката на државата Гордана Сиљановска-Давкова, со претседателот на Собранието Африм Гаши, со премиерот Христијан Мицкоски и со министерот за надворешни работи и надворешна трговија Тимчо Муцунски.
„Северна Македонија е клучен партнер во обезбедувањето просперитетна иднина и стабилност за целиот регион на Западен Балкан. Работиме на надминување на секоја пречка на патот на Скопје за пристапување кон Европската Унија. Има многу голем потенцијал за дополнително зајакнување на нашите билатерални односи почнувајќи од соработката во стратешките и секторите со висока додадена вредност“, изјави Тајани.
Македонија
Муцунски пред дипломатската академија во Унгарија: истакнати отстапките кои македонското општество ги има направено на патот кон ЕУ
![](https://makfax.com.mk/wp-content/uploads/2024/09/tm2.jpg)
Во рамките на работната посета на Будимпешта, министерот за надворешни работи и надворешна трговија, Тимчо Муцунски, се обрати пред студентите и дипломатите од Унгарската дипломатска академија. Во своето обраќање Муцунски се осврна на долготрајниот и посветен процес за пристапување на нашата држава кон ЕУ. Тој посебно ја истакна непрекинатата повеќедецениска посветеност кон процесот, но и бројните и големи отстапки кои македонското општество ги има направено на тој пат.
Свесни за областите во кои постои потреба од дополнителна работа и подобрување на состојбите, Муцунски потенцираше дека и на нашата страна и е крајно потребна предвидливост во процесот.
„Нашиот пристапен пат во суштина ја штити политиката на проширување на ЕУ, заснована на вредности и заслуги, со оглед дека ризикот од злоупотреба на нашиот случај од страна на анти-ЕУ факторите е голем“, нагласи тој на темата поврзана со евроинтеграциите на земјата.
Муцунски ја подвлече и суштинската важност на добрите билатерални односи помеѓу двете земји, кои оваа година одбележуваат 30 години од воспоставувањето на дипломатски односи и се заблагодари за досегашната поддршка на политички, економски и мултилатерален план.
„Иако односите се континуирано пријателски, во следниот период очекувам нова динамика како резултат на заложбата на двата премиери за воспоставување стратешка релација помеѓу двете земји“, истакна тој во обраќањето.
Муцунски им посака успех во кариерите на присутните дипломати, со оглед на тежината на професијата која ја имаат.
По обраќањето следеше сесија на прашања и одговори во чии рамки се говореше на теми како нелегалната миграција и безбедноста на границите, регионалната енергетска безбедност, очекувањата за идните чекори и ризици во придвижувањето кон ЕУ, како и размена на мислења за актуелните состојби во Унијата.