Одѕивот до 13 часот на предвремените парламентарни избори е за 10,56 отсто помал во споредба со парламентарните избори во 2016 година. Денес до 13 часот гласале 432.026 гласачи од вкупно запишаните 1.814.613 гласачи во Избирачкиот список или 23,81 отсто.

Најголем е одѕивот во ИЕ – 3 каде до 13 часот гласале 28,92 отсто од граѓаните, а најмал во ИЕ – 6 каде што на гласање излегле 15,58 отсто од гласачите. Во ИЕ – 1 одѕивот до 13 часот е 27,09, во ИЕ – 2 одѕивот е 21,64 отсто, во ИЕ – 4 на гласање излегле 27,45 отсто од гласачите и во ИЕ – 5 до 13 часот гласале 23,11 отсто од запишаните гласачи.

Најголем одѕив до 13 часот ДИК регистрира во Крива Паланка 41,07 отсто од гласачите.
Одѕивот со 13 часот на парламентарните избори во 2016 година бил 34,37 отсто, гласале 601.230 граѓани од тогаш запишаните 1.784.416 во Избирачкиот список.

Најголем одѕив имало во ИЕ – 4 каде што до 13 часот гласале 39,20 отсто од гласачите, а најмал бил одѕивот во ИЕ – 6 каде што до 13 часот гласале 23,93 отсто од запишаните гласачи. Во ИЕ – 1 одѕивот бил 38,35 отсто, во ИЕ – 2 бил 33,62 отсто, во ИЕ – 3 гласале 38,51 отсто од гласачите и во ИЕ – 5 одѕивот со 13 часот на изборите во 2016 година бил 33,55 отсто.

Одѕивот до 13 часот е 23,81 отсто, гласале 432.026 гласачи, соопшти Адмир Шабани, портпарол на Државната изборна комисија. Податоците се стигнати од 3.369 избирачки места од вкупно 3.480.

Најголем е одѕивот во ИЕ 3 каде до 13 часот гласале 28,92 отсто од граѓаните, а најмал во ИЕ 6 каде што на гласање излегле 15,58 отсто од гласачите. Во ИЕ 1 одѕивот до 13 часот е 27,09, во ИЕ 2 одѕивот е 21,64 отсто, во ИЕ 4 на гласање излегле 27,45 отсто од гласачите и во ИЕ 5 до 13 часот гласале 23,11 отсто од запишаните гласачи.

Според третиот пресек што го направи ДИК за парламентарните избори, најголем одѕив има во Крива Паланка – 41,07 отсто од гласачите.

„Неколкуте општини во кои е забележан голем одѕив во ИЕ 1 се Аеродром со 30,15 отсто, Карпош со 31,25 отсто , а во ИЕ 2 се издвојува Македонски Брод со 35,04 отсто, Гази Баба со 22,88 отсто и Ѓорче Петров со 28, 54 отсто. Во ИЕ 3 висок одѕив има во Берово 32,49 отсто, во Крива Паланка 41,07 отсто, Пехчево со 33,02 отсто и Пробиштип каде што на гласање излегле 35,29 отсто од гласачите. Во ИЕ 4 голем одѕив има во Неготино 33,42 отсто, Прилеп 32,47 отсто. Во ИЕ 5 Битола се издвојува со 31,19 отсто, Вевчани со 39, 86 отсто и Крушево 37, 84 отсто. Во ИЕ 6 во Јегуновце одѕивот е 17,05 отсто, а во Тетово одѕивот е 19,11 отсто“, соопшти портпаролот Шабани.

Во ДИК досега официјално нема пристигнато приговор. Портпаролот Шабани рече дека службите во ДИК добиваат прашања поврзани со изборниот процес и на граѓаните им се даваат насоки и упатства.

Експретседателот на кривичен суд Владимир Панчевски сам се пријавил во затворот „Скопје“ во Шуто Оризари, откако вчера Основниот суд во Велес распиша потерница по него.

Панчевски пет дена не беше достапен за органите на прогонот, полицијата не го најде во неговиот дом, по што следуваше национална потерница објавена на сајтот на Министерството за внатрешни работи.

Нему му е одреден 30-дневен притвор откако девет месеци не се појавил на судењето за случајот АКМИС и местењето предмети кај подобни судии во време кога бил претседател на кривичниот суд.

Панчевски се товари дека во периодот од јануари 2013 година до септември 2016 година влијаел врз начинот на електронската распределба на предметите, давал наредби и насоки кој предмет кај кој судија да се распредели и со тоа ја злоупотребил службата и ги пречекорил границите на своите овластувања.