Контакт

Македонија

ФИТР: Македонија ќе стане нова атрактивна дестинација за дигитални номади

Објавено пред

Како Северна Македонија ќе стане атрактивна дестинација преку Програмата за развој на дигиталното номадство беше темата на која дискутираа: Коста Петров, Директор на Фондот за иновации и технолошки развој, Себастијан Дијаз Меса, поранешен извршен Директор на Start-Up Chile, Саманта Миките, дигигитален номад од Канада и Нина Николиќ ко-основач на Стартап Македонија.
 
Заклучокот од размената на искуства на интерактивниот вебинар „Зошто дигиталните номади и стартап основачи треба да дојдат во С. Македонија“  е дека во ерата на дигитална економија која овозможува се поголема слобода во начинот на работење, државава има голем потенцијал да привлече експерти од целиот свет. Дополнително, ковид кризата придонесува за зголемување на стапката на вработени кои работат од далечина, а со тоа и се зголемува и свеста за можностите и придобивките кои ги нудат овие луѓе.
 
„Особено сум горд што Р. Северна Македонија е една од ретките земји која ќе ги отвори вратите на дигиталните номади. Со стимулот која нашата земја го дава за нивен развој, ќе создадеме европски стандарди и услови за странските претприемачи да работат и живеат во земјата. Сега е ерата на дигиталните номади, кои ќе донесат огромни придобивки врз локалната економија како и шанса за соработка и вмрежување со македонските стартапи“, појасни директорот на ФИТР Коста Петров.
 
Саманта Микит која е дигитален номад од Канада и која изминатиот период има работено во државава, рече дека е фасцинирана од потенцијалот за развој и привлекување на дигитални номади. Таа преку своето искуство ги потенцираше придобивките кои дигиталните номади ги имаат со тоа што ќе одлучат да работат во нашата земја.
 
Себастијан Дијаз Меса кој е поранешен извршен директор на Start-Up Чиле смета дека ставањето на талентот во центарот е она што му овозможува на екосистемот да расте. Како што кажа, Чиле го докажа тоа, уште пред 10 години кога беше создаден Start-Up Чиле како најдобриот претприемачки екосистем во регионот.  
 
Тој додаде дека Северна Македонија покажува уште поголем потенцијал, да се внесе разновидност во вашиот локален екосистем за зајакнување на претприемништвото и иновативноста, како клучни компоненти на современите економии.
 
„Со ‘Стартап Македонија’ како асоцијација целосно ја поддржуваме иницијативата за дигитални визи за номади и дозволувајќи им на меѓународните експерти и осовачи на стартапи да имаат подолг престој во нашата земја и да создадат уште поголемо влијание во новата економија”, рече Нина Николиќ, ко-основач на „Стартап Македонија”.
 
Неодамна беше формиран и Стартап Совет на ФИТР, на кој една од главните стратешки цели ќе биде креирање на долгорочна стратегија за привлекување на дигитални номади во Северна Македонија.
 
 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

(Видео)Коциќ: Блокадата на нов клинички центар е на штета на сите граѓани

Објавено пред

Блокирањето на изградбата на нов клинички центар од страна на ВМРО-ДПМНЕ е апсурдна и на директна штета на граѓаните и македонското здравство, вели пратеникот на СДСМ, Ненад Коциќ.

Според него, опозициската партија блокира важен проект од витално значење за сите граѓани, без разлика на етничка, верска или политичка припадност.

„Жалиме што внатрешните пресметки во ВМРО-ДПМНЕ се прекршуваат врз грбот на граѓаните и повикуваме, чесните, искрени пратеници во оваа партија да се вразумат и интересот на граѓаните да го стават на прво место“, рече Коциќ.

Да се биде против овој проект вели Коциќ е да се биде против македонското јавно здравство и против интересите на граѓаните и државата. Токму тоа според него го прави ВМРО-ДПМНЕ со блокадата со 2.000 амандмани на Предлог Законот.

Тој уште еднаш апелираше, пратениците на ВМРО-ДПМНЕ да ја научат лекцијата од серијата порази и дебакли и еднаш да застанат на страната на граѓаните, наместо на страната на блокадите и деструкциите.

Прикажи повеќе...

Македонија

Пендаровски: За борба против корупција потребни се соодветни закони и казни

Објавено пред

Претседателот Стево Пендаровски денеска го прими заменик претседателот на Владата задолжен за борба против корупција и криминал, одржлив развој и човечки ресурси, Љупчо Николовски.

На средбата вицепремиерот Николовски го информираше претседателот Пендаровски за мерките од усвоениот План за борба против корупција.

Претседателот Пендаровски го поздрави системот на мерки и изрази очекување дека истите ќе овозможат ефикасна превенција и борба со корупцијата.

„Борбата против криминалот и корупцијата е од исклучително значење во процесот на евроинтеграцијата, во градење на правната држава и за стекнување на доверба на граѓаните во институциите. За да постигнеме резултати во овој процес неопходна е целосна транспарентност, соодветни законски решенија и санкции, и придонес од сите институции“, истакна Пендаровски.

Во таа насока, од кабинетот на Претседателот информираат, дека претседателот Пендаровски е подготвен соодветно да ги поддржи мерките од новиот План за борба против корупција.

Претседателот Пендаровски посочи дека важен сегмент во борбата со корупцијата е подигнување на јавната свест и охрабрување на граѓаните да пријавуваат случаи на корупција, информираат од неговиот кабинет.

Прикажи повеќе...

Македонија

Јавно обвинителство: Од „Телеграм“ засега немаме добиено никакви податоци за случајот „Јавна соба 2“

Објавено пред

Од Јавното обвинителство велат дека активно постапуваат за утврдување кривична одговорност во предметите поврзани со групите „Јавна соба“, во пресрет на петтиот Марш за женските права кој што е најавен за денеска со почеток од 15 часот, каде главен фокус ќе биде токму реакцијата на институциите по однос на овој счучај.

Од обвинителството посочуваат дека во врска со случајот „Јавна соба 1“ каде преку платформата „Телеграм“ се споделуваа интимни фотографии, нарушувајќи ја приватноста на жртвите, на 05. февруари годинава донеле наредба за спроведување истражна постапка против две лица за производство и дистрибуција на детска порнографија.

„Во периодот од 19 декември 2019 до 28 јануари 2020 година, двајцата осомничени, како основач и модератор на групата, биле должни да се грижат за содржината на текстуалните и аудио-визуелните содржини кои се споделуваат од членовите на групата. Но, тие со умисла дозволиле на групата да се направи достапна содржина – аудио-визуелен материјал на кој се прикажани очигледни полови дејствија со дете“, се наведува во соопштението на обвинителство во кое се додава дека истрагата во овој предмет е во тек и е во завршна фаза.

Во однос на вториот случај, „Јавна соба 2“, кој беше актуелен на почетокот на годинава, од обвинителството велат дека е во фаза на предистражна постапка.

„На 27. јануари годинава преку МВР од ‘Телеграм’ се побарани податоци за корисничките профили на креаторите, администраторите и членовите на групата. До овој момент од социјалната мрежа ‘Телеграм’ не е добиен одговор на ваквото барање. Овие податоци се неопходни со цел да се утврди идентитетот и Обвинителството да може кривично-правно да постапува против лицата инволвирани во оваа група“, посочуваат од обвинителството.

Поради ова, искористени се и механизми на меѓународна правна помош, па податоците се побарани и од Обединетото Кралство.

„Во Основното јавно обвинителство Велес во врска со ‘Јавна соба 2’ оформен е предмет и донесена е наредба за истрага против едно лице поради сомнение дека го сторило кривичното дело – производство и дистрибуција на детска порнографија“, објаснуваат од обвинителството и додаваат дека при вештачење на мобилниот телефон на осомничениот, пронајдени се видео записи со детска порнографија.

Во однос на „Јавна соба 2“ оформени се предмети и во Битола, Прилеп и Кавадарци.

Битолското основно јавно обвинителството има издадено наредби за вештачење на ЦД и на мобилен телефон во насока на прибирање материјални докази, а во Прилеп од пријавеното лице се одземени два мобилни телефона и издадена е наредба за нивно вештачење.

Во Кавадарци во тек е прибирање на материјали докази, за кои обвинителството во моментов не е во можност да сподели детали.

Инаку, петтиот Марш за женските права, по повод Меѓународниот ден на жената, ќе се одржи под мотото „Држава што не постапува, е држава што силува“.

„Маршираме за поддршка на сите жртви на криминалната група ‘Јавна соба’ и сите жртви на родово засновано насилство. Маршираме за да ги потсетиме институциите, МВР и Јавното обвинителство дека нема да застанеме додека не ги исполнат нашите барања“, велат организаторите на маршот.

Прикажи повеќе...

Најново

Македонија1 час

Јавно обвинителство: Од „Телеграм“ засега немаме добиено никакви податоци за случајот „Јавна соба 2“

Од Јавното обвинителство велат дека активно постапуваат за утврдување кривична одговорност во предметите поврзани со групите „Јавна соба“, во пресрет...

Македонија2 часа

Филипче: Предложивме од среда да се воведе полициски час, најмногу поради непочитувањето на мерките

Министерот за здравство, Венко Филипче, преку објава на својот фејсбук-профил ја објасни причината за барањето на ресорното министерство за воведување...

Европа2 часа

Европска агенција за лекови засега не одобрува користење на руската вакцина во ЕУ

Високата службеничка на Европската агенција за лекови (ЕМА), Криста Виртумер-Хохе, апелираше до членките на Европската Унија да не го одобрат...

Свет3 часа

Американците тврдат дека пронашле лек за коронавирусот, во употреба за шест месеци

Новиот антивирусен лек „молнупиравир“ може да го смени текот на епидемијата на коронавирусот, бидејќи за време на експерименталното истражување е...

Забава5 часа

Меган тврди монархијата одбила да го направи Арчи принц поради бојата на кожата

Меган, сопругата на принцот Хари, изјави дека пред раѓањето на нејзиниот син Арчи постоела загриженост дека неговата кожа ќе биде...

Македонија6 часа

„Држава што не постапува е држава што силува“ – марш за женските права по повод 8 Март

Денеска по повод Меѓународниот ден на жената, со почеток во 15 часот, од пред Министерство за внатрешни работи ќе започне...

Свет18 часа

Зошто е речиси невозможно да се заразите со коронавирус на отворено?

Аеросолите, ситни честички што лебдат во воздухот, се главниот виновник за пренесување на коронавирусот. Според наодите на научниците, ова особено...

Свет20 часа

Градоначалник во Италија даде оставка откако јавноста дозна дека се вакцинирал преку ред

Градоначалникот на сицилијанскиот град Корлеоне денес објави дека дава оставка откако преку ред се вакцинира против Ковид-19, а полицијата отвори...

Македонија21 час

Во Македонија 333 нови случаи на коронавирус, починаа 10 лица

Во последните 24 часа во Македонија се потврдени 333 нови случаи на коронавирус, 268 оздравени и 10 починати лица, соопшти...

Македонија21 час

Филипче: Состојбата на Мицкоски е стабилна

Состојбата на лидерот на ВМРО-ДПМНЕ, Христијан Мицкоски, кој се лекува од коронавирус е стабилна, кажа министерот за здравство, Венко Филипче....

Македонија22 часа

Пристигна првата пратка од руските вакцини во Македонија

На скопскиот аеродром попладнево пристигна првата пратка од руската вакцина „спутник В“. Министерот за здравство Венко Филипче заедно со рускиот...

Европа23 часа

Скандал во Бундестагот: Пратеници профитирале со трговија со маски за време на ковид-кризата

Скандал ја тресе Германија. Пратеници од Бундестагот оствариле профит од трговија со заштитини маски на самиот почеток на пандемијата на...

Свет23 часа

Семејства на починати од коронавирус го тужат британскиот премиер

Британскиот премиер Борис Џонсон, го тужат околу 2.000 семејства кои изгубиле еден или повеќе членови на семејството поради коронавирусот. Досега...

Македонија24 часа

Досега попишани 32.752 лица од дијаспората

Државниот завод за статистика соопшти дека досега се попишани 32752 лица од дијаспората. Оттаму велат дека бројот на попишани расте...

Македонија24 часа

Лекарска комора: Ковид може да предизвика сериозни стомачни крварења, да не се занемарат симптомите

Пациенти кои имаат инфекција со SARS-CoV-2 вирусот може да развијат сериозни компликации на гастроинтестиналниот систем кои во некои случаи се...

Македонија1 ден

(Видео) Пресечени меѓународни канали за транспорт на дрога

Министерството за внатрешни работи во текот на вчерашниот ден (06.03.2021) во две одделни акции пресече два канала за меѓународен транспорт...

Европа1 ден

Нови ограничувања во цела Италија

Во Италија, во последните 24 часа, имало 307 смртни случаи од коронавирус и повеќе од 23.000 нови инфекции, пренесува агенцијата...

Македонија1 ден

Земјотрес почувствуван во Дебар, Гостивар и Маврово

Земјотрес со јачина од три степени според Европската макросеизмичка скала синоќа во 22 часот и 43 минути бил почувствуван од...

Свет1 ден

Папата пристигна во Мосул

Папата Франциско денеска пристигна во ирачкиот град Мосул, каде ќе се моли во разурнатите цркви, кои беа уништени од терористичката...

Македонија1 ден

Денеска пристигнува првата пратка од руските вакцини

Денеска на Скопскиот аеродром треба да пристигне правата пратка од вакцини против Ковид-19 „Спутник В“, што Владата ги купи од...

Досие