Македонија
Француските пратеници Бертран Сор и Грегори Галбадон во посета на земјава
Пратениците од Собранието на Република Франција, Бертран Сор, претседател, и Грегори Галбадон, заменик-претседател на групата за француско-македонско пријателство, од денеска до 27 април ќе престојуваат во посета на Македонија во рамки на која се сретнат со претседателот на државата Ѓорге Иванов, министерот за надворешни работи Никола Димитров, како и со претседателот на пратеничката група во македонското Собрание за соработка со францускиот парламент Панче Иванов, како и членовите на групата.
Двајцата француски пратеници, кои доаѓаат од партијата на францускиот претседател Емануел Макрон „Републиката во движење”, на 25 април треба да одржат средба со градоначалникот на општина Битола Наташа Петровска. Сор и Галбадон заедно со амбасадорот на Франција Кристиан Тимоние во Битола ќе присуствуваат и на комеморативен настан за жртвите од Првата светска војна на француските воени гробишта.
По тој повод свечено ќе биде поставено уметничко дело од длабен камен изработено од француски ученици од гимназијата „Ла Рокел” од Кутанс во Нормандија кои се на училишна размена со гимназијата „Јосип Броз Тито” од Битола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од Сарај и Карпош денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 09:00 до 14:00 часот, дел од корисниците од село Буковиќ, горниот дел (општина Сарај);
– во периодот од 09.00 до 12.00 часот, корисниците на улицата Струшка (општина Карпош).
Македонија
Апасиев: Следната недела ќе закажам посебна седница за трагедијата во „Пулс“
„Како претседател на Постојаната анкетна комисија за заштита на слободите и правата на граѓанинот во Собранието на РМ, следната недела планирам да ја закажам посебната комисиска седница на која ќе се разгледува добиената Претставка од „Здружението 16 Март“ на родителите од Кочани, на која ќе се расправа за изнесените наводи поврзани страшната трагедија во дискотеката „Пулс“. На седницата официјално ќе бидат поканети и претставници на подносителите“, напиша на социјалните мережи пратеникот и лидер на Левица, Димитар Апасиев.

За време на саботниот „Марш на ангелите“ во Скопје, семејствата на загинатите во „Пулс“ побараа пратениците да иницираат надзорна расправа и посебна анкетна комисија за целосно и независно испитување на случајот.
Македонија
Претежно облачно со повремени локални врнежи од дожд
Претежно облачно со повремени локални врнежи од дожд. Наместа врнежите ќе бидат пообилни (над 30 l/m² за 24 часа), локално со услови за невреме со засилен ветер (над 60 km/h) и појава на ретки грмежи. Ќе дува умерен до засилен ветер од јужен правец. Минималната температура ќе биде во интервал од 6 до 11, а максималната ќе достигне од 13 до 18 степени.
Во Скопје, облачно со повремени врнежи од дожд, во делови од котлината повремено пообилни. Ќе дува умерен, во делови од котлината повремено засилен јужен ветер. Минималната температура ќе се спушти до 8, а максималната ќе достигне до 14 степени.
Времето во наредните денови
Под влијание на серија влажни воздушни бранови до крајот на седмицата следува период на променливо облачно и релативно топло време со повремени локални врнежи од дожд. Наместа врнежите ќе бидат пообилни, локално со услови за невреме со засилен ветер (над 60 km/h) и ретки грмежи. Во текот на 24 часа се очекува да наврне поголема количина дожд (над 30 l/m2). Ќе дува умерен до засилен ветер од јужен правец.

