Македонија
Хрватската амбасадорка за смртта на ракометарот: Семејството е во шок, тешко е да се каже како ќе постапат

Амбасадорката на Хрватска во Македонија, Нивес Тигањ ја коментираше смртта на 27-годишниот хрватски ракометар Денис Тот.
„Семејството е во шок, си заминаа од Скопје. Во овој момент е тешко да се каже какви мерки ќе преземат и како ќе постапат. Им ја пруживме сета човечка поддршка и конзуларна помош, а ќе видиме кога ќе дојдат резултатите од истрагата“, изјави амбасадорката Тигањ за РТЛ.
Во болницата се’ уште трае инспекцискиот надзор за смртта на ракометарот. Индекс. хр потсетува дека првично беше објавено оти кај Тот немало видливи повреди.
„Поради овие контрадикторни информации кои првично ги пласираа болницата и полицијата дека на телото на починатиот Денис немало траги на насилство, а по обдукцијата која даде различни резултати, министерот за здравство покрена истрага. Државното правобранителство го оквалификува кривичното дело убиство“, рече Тигањ.
Хрватскиот ракометар Денис Тот почина минатата недела откако три лица го нападнаа пред ноќниот клуб „Привилиџ“ во Скопје. По кратката вербална расправија, тројцата го нападнале Тот и му задале повеќе тупаници и клоци.
Тот паднал од ударите и со задниот дел од главата удрил во асфалтот при што изгубил свест. Осомничените продолжиле да го удираат по главата, а потоа без да му помогнат избегале. Лице вработено во ноќен клуб повикало брза помош, по што Тот бил донесен во клиниката Марија Тереза каде починал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ковачевски: Малкумина веруваа во тоа, но просечната плата во земјата надмина 500 евра

Премиерот Димитар Ковачевски денеска оцени дека покачувањето на платите и вложувањето во стандардот на граѓаните се политики на кои влста им останала доследна.
„Благодарение на правичните политики и одговорното владеење, ветувањето на СДСМ од 2017 година е целосно реализирано. Малку кој веруваше дека ќе имаме просечна плата од 30.000 денари. Ова ветување беше цел на критика и потсмев од опозицијата, која силно се противи на растот на платите, но и покрај честите опструкции од нив – успеавме. Во време на голема економска криза сфаќаме колку се значајни овие политики. Со покачувањето на платите ги штитиме граѓаните од големиот раст на цените, а буџетот го насочуваме онаму каде е најпотребно – да обезбедиме повеќе приходи, да ги намалиме ценовните шокови и заеднички полесно да ја надминеме кризата“, напиша Ковачевски на социјалните мрежи.
Во коментарот тој изрази благодарност на сите членови на Владата во овој и во минатиот мандат, кои, како што посочува, доследно и посветено работеле на остварување на ова ветување.
„Силно верувам дека граѓаните ќе ги препознаат и наградат овие политики на Владата предводена од СДСМ“, се вели во објавата на премиерот посветена на растот на просечната месечна нето-плата.
Македонија
Министерката за одбрана се сретна со офицери на Армијата, кои се на школување во Бугарија

При денешната посета на Бугарија, министерката за одбрана, Славјанка Петровска, оствари разговар со двајца високи офицери од Армијата на Република Северна Македонија, кои во моментот се дел од Школата за национална одбрана и Командно-штабната академија на софиската Воена академија „Генерал Ѓорѓи С. Раковски“.
„Ние остануваме силно посветени на развојот на човечкиот потенцијал во одбраната и во Армијата зашто вие сте нашиот најголем ресурс. Ќе продолжиме да инвестираме во индивидуалниот капацитет на сите армиски припадници и дома и во сојузничките земји зашто тоа е најдобриот начин за воспоставување блиски меѓусебни контакти на индивидуално ниво како офицери на сојузнички армии“, рече министерката на средбата.
Полковникот Сибиновиќ и потполковникот Стоименовски се заблагодарија за средбата и можноста да поразговараат со министерката за една од темите која е најважна во одбранбениот сектор – континуираното воено образование и усовршувањето, информираат од Министерството.
Македонија
По пресудата од 9 години затвор, Груевски ги спореди случаите на СЈО со „Процес“ на Кафка

Сличности со славното дело „Процес“ на Кафка постојат во речиси сите политички мотивирани прогони последните 5-6 години, произлезени од партиски контролираните обвинителства СЈО и ОЈО, реагира експремиерот Никола Груевски од Унгарија, откога доби девет години затвор за случајот „ТНТ“, за уривањето на „Космос“.
За случајот, Груевски вели дека станува збор за апсурден политички прогон.
Во прилог, целиот став на експремиерот објавен на социјалните мрежи.