Демократската Унија за Интеграција (ДУИ), кампањата за претстојните локални избори ќе ја почне од Гостивар, истакна на денешната прес конференција, Крешник Бектеши.

„Кампањата за Локални избори 2021 година ќе почне во понеделник точно од Гостивар затоа што го слушнавме гласот на граѓаните на Гостивар кои бараат промена во општинската администрација и ослободување од кучињата скитници, казината, чадот од Русино, густиот сообраќај, недостатокот на паркинзи и од неспособноста на Таравари“, рече Бектеши и додаде дека во текот на кампањата во сите градови, општини, населени места ќе ги претставаат кандидатите за градоначалници и опшинските совети.

Тој посочи дека ДУИ ја завршува кампањата исто така во Гостивар.

Партијата повика на фер и демократска кампања.

ДУИ на локалните избори ќе настапи со 19 кандидати за градоначалници и 35 листи за советници. Петте завети на ДУИ за овој мандат се: зелена агенда, зигитална агенда, згенда за вклучување на граѓаните, згенда за отворени врати и агенда нулта толеранција.

„ВМРО-ДПМНЕ не престанува да конструира случаи за градоначалникот Петре Шилегов со што само го потврдува стравот од извесниот пораз на претстојните локални избори.

Може ВМРО-ДПМНЕ да пласира нецелосни и фабрикувани документи, да се обидува да врши притисок врз обвинителството но ниту тоа нема да ги спаси од седмиот изборен пораз по ред.

Граѓаните гледаат дека понудата на ВМРО-ДПМНЕ за овие избори е понуда на кадри на Груевски и лица осомничени и осудени за сторени кривични дела, дека тоа е понуда осудена на пораз, па затоа секојдневно шират лажни вести во обид да го ублажат поразот“.

Соопштение на СДСМ

Опозициската ВМРО-ДПМНЕ, на прес-конференција обвини дека градоначалникот на Град Скопје, Петре Шилегов исплаќал милионски суми на наместени тендери, а случајот го нарекоа „Профитер“, најавувајќи дека од денеска ќе почнат со серија на прес-конференции на оваа тема.

Портпаролот на опозициската партија, Наум Стоилковски, обивини дека на големо се профитирало од тендерите за изведување на градежни работи за Град Скопје, а за сето тоа, како што рече, обвинителството ќе има полни раце работа.

ВМРО-ДПМНЕ тврди дека наместо намалени цени до 50 проценти од понуденото, градоначалникот Шилегов исплаќал суми за цени кои воопшто не се намалени или се намалени 1 до 2 отсто. Плаќал милионски тендери за кои градежниците, како што вели Стоилковски, губат интерес за работа и исплаќа милионски суми на наместени тендери.

„Во 2018-тата година, за тендер ‘изградба, одржување и реконструкција на вело патека’ со проценета вредност од Град Скопје на цели 27 милиони 800 илјади, се пријавиле 11 учесници – градежни фирми. При тој тендер во 2018. година дури 42 пати е намалувана цената преку електронско наддавање – и тоа довело овој тендер да биде платен 1,5 милиони. Значи од 27,8 милиони проценета вредност, да биде потпишан договор по електронското надавање нели онаа форма на слободна економија, на само 1,5 милиони. И така се работи во слободна економија, така се работи во демократија – 11 конкуренти, се борат за работа, 42 пати е намалувана цената. Но, се потоа, 2019, 2020, па и оваа 2021 година кога економијата почнува да тоне, тендерите на Град Скопје, за чудо, милионски тендери, наеднаш не биле интересни за наддавање, и за чудо, цените на договорите стануваат идентични на проценетата првична вредност од Град Скопје. И тоа продолжува и оваа година, кога во услови на колабирана економија, нема интересенти за тендер вреден една милијарда, 141 милион денари! Две фирми се пријавени, нема борба за цена, проценката и договорот речиси идентични. Се е помал е интересот на фирмите, престануваат наддавањата, трката со цените! Милионските тендери стануваат неинтересни за работа, а крајните договори се речиси идентични на првичната проценета вредност. Тоа води само кон едно: Шилегов, исплаќа милионски суми на наместени тендери!“, изјави Стоилковски.

Според опозициската партија, „Профитер“ ќе покаже како наеднаш за тендери со висина од 2, 3, 5 па и 20 милиони градежниот сектор снемал интерес и не се бори на пазарот. Ќе покаже и јасни индиции за местени тендери, но и ќе даде јасни насоки за работата на Јавното обвинителство.

ВМРО-ДПМНЕ во изминатиот период одржа повеќе прес-конференции на кои го обвинуваше Шилегов по разни основи. Една од нив беше т.н. „Дивоградба“ за наводна градба без документи на градоначалникот на Скопје Петре Шилегов на семејната зграда, како и „Водовод“, каде опозициската партија обвини за градење и градежен зафат на водовод без потпишан договор.