Македонија
Шилегов на официјални средби во Тирана
Градоначaлникот Петре Шилегов вчера присуствуваше на управниот одбор на НАЛАС – Мрежата на асоцијации на локални самоуправи од Југоисточна Европа, кој се одржува во Тирана, Албанија. На конференцијата беше усвоен буџетот и програмата на НАЛАС за 2019 година, а беше разгледана и компаративната студија за финансиските состојби на единиците на локалната самоуправа во земјите членки. Присутните ја одобрија и предлог-програмата за Генералното собрание на НАЛАС кое ќе се одржи во Скопје, на 11 април.
Шилегов вчера се сретна и со градоначалникот на Тирана, Ерион Велиај. Двајцата колеги разговараа за зајакнување на односите меѓу двата збратимени града и за размена на позитивни искуства. На билатералната средба присуствуваа и директорите на јавните претпријатија „Комунална хигиена“, „Улици и патишта“, „Паркови и зеленило“ и ЈСП.
На средбата градоначалникот Шилегов ја пофали брзата трансформација на Тирана и изрази желба да се продлабочи соработката што ја негуваат двата града, како и размената на искуства од различни области на урбаното живеење.
Градоначалникот Велиај, пак, истакна дека двата града можат многу да научат еден од друг, негувајќи го долгогодишното пријателство, особено кога Албанија и Северна Македонија сигурно чекорат по патот на ЕУ интеграциите и НАТО.
На почетокот на март годинава се очекува градоначалникот на Тирана да го посети Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември” – Скопје денеска со почеток во 10 часот ќе се вршат бесплатни уролошки прегледи, како и ехо прегледи на бубрези и простата.
Целта е подигнување на свесноста за значењето на навремената грижа за машкото здравје. Ова е одлична можност за навремена проверка, превенција и грижа за здравјето, информира болницата „13 Ноември” – Скопје.
Уролошки прегледи ќе врши Дарко Марковски, уролог од ГОБ „8-ми Септември“, а ехо на бубрези и простата докторките Марика Филипова и Марија Сековска – специјалисти интернисти во Специјализирана болница за геријатриска и палијативна медицина „13 Ноември“ .
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.

