Македонија
„Јунајтед груп“ и „Еутелсат“ развиваат платформа од следната генерација
- Еутелсат (Eutelsat) станува единствен сателитски оператор на Јунајтед Груп, поддржувајќи ја нејзината стратегија за консолидација.
- Овој потег ги проширува „Директно до дома“ услугите од следната генерација на Групацијата пред публика од 40 милиони на осум пазари.
- Новата платформа користи нови стандарди за пренос и технологии за компресија, ги проширува преносните капацитети, поддржува повеќе канали, го зголемува квалитетот и овозможува иновативни услуги за ТВ претплатниците.
Водечкиот телекомуникациски и медиумски провајдер во Југоисточна Европа – Јунајтед Груп, со задоволство објави дека го постигна следниот чекор во консолидирање на сите „директно до дома“ (DTH) услуги низ регионот. Групацијата Еутелсат е избрана како единствен иден сателитски оператор во оваа консолидација.
Оваа транзиција кон „директно до дома“ платформата од следната генерација, вклучува еден оператор и два сателити на две орбитални позиции, кои се очекува да бидат завршени до крајот на 2025 година. Консолидацијата, исто така, ќе вклучи унифициран STB (Set-Top Box) и CAS (Систем за условен пристап), TVRO со една големина и Телепорт за поврзување на содржината.
Овој потег ќе ги прошири „директно до дома“ услугите на Јунајтед Груп пред публика од 40 милиони луѓе преку Telemach, NOVA, Bulsatcom, VIVACOM, SBB и Total TV во 8 земји (Грција, Бугарија, Босна и Херцеговина, Хрватска, Северна Македонија, Црна Гора, Србија, Словенија).
Консолидацијата и реорганизацијата на „директно до дома“ услугите на Групацијата ќе ја поттикне Групацијата да користи нови стандарди за пренос и технологии за компресија, да ги прошири капацитетите за пренос, да поддржува повеќе канали, да го зголеми квалитетот и да овозможи иновативни услуги за ТВ претплатниците.
Жељко Батистиќ, потпретседател за технологијата во Јунајтед Груп, изјави: „Горди сме што го подигнуваме високиот квалитет на нашата ТВ понуда на ново ниво. Оваа транзиција е клучна за да го максимизираме досегот на нашата публика низ нашите пазари, да испорачаме незаменливи содржини и да продолжиме да ги развиваме нашите услуги од следната генерација. Среќни сме што ќе соработуваме со Еутелсат, кој го нуди најдоброто и најусогласеното техничко решение за да ги задоволи нашите потреби“.
Лоренс Делпи, претседател на деловната единица за видео на Групацијата Еутелсат додаде: „Почестени сме што Јунајтед Груп ја даде својата доверба на Еутелсат за оваа важна стратешка иницијатива, користејќи две од нашите водечки видео сателити – 16° Исток и ХОТБИРД. Освен што ја зајакнува нашата долгогодишна соработка со еден од нашите клучни клиенти во регионот, овој договор ја покажува важноста на сателитот во справувањето со еволутивните потреби на нашите клиенти и го потврдува Еутелсат како главен оператор кој го покрива регионот, достигнувајќи 7 од 10 сателитски покриени домови“.
Сателитите ХОТБИРД (HOTBIRD) моментално достигнуваат 130 милиони домови низ Европа, вклучувајќи ги речиси сите кабелски мрежи во регионот. Дополнително, сателитот Еутелсат 16A обезбедува преку 600 ТВ канали на различни јазици до над 25 милиони домови во Централна и Источна Европа.
Со оваа консолидација, Јунајтед Груп ја потврдува својата заложба за рационализирана оперативна ефикасност и развој на услугите од следната генерација преку иновативни сателитски можности.
За Јунајтед Груп
Јунајтед Груп е водечка телекомуникациска и медиумска групација во Југоисточна Европа. Работејќи низ осум земји со скоро 15.000 вработени, Групацијата остварува годишен приход од над 3 милијарди евра. Во телекомуникацискиот сектор, повеќе од 5,30 милиони домаќинства и повеќе од 7,30 милиони мобилни претплатници имаат корист од најголемата FTTH (Fiber to the Home) мрежа во Југоисточна Европа, интензивните инвестиции во 5G мрежата и во најсовременото фиксно и мобилно поврзување. Под брендот Јунајтед Фајбер (United Fiber), Групацијата го консолидира своето портфолио на средства со фиксна инфраструктура за дополнително да ги забрза и зајакне своите инвестиции во земјите со седиште во ЕУ преку создавање силни синергии и доведување на своите инвестициски способности на следното ниво. Целокупните инфраструктурни активности на Јунајтед Груп, вклучувајќи гласовни, податочни, активности за мобилни и роаминг, се управувани од UGI Wholesale. Внатрешната технолошка компанија на Групацијата и иновативниот центар Јунајтед Клауд (United Cloud) ја водат регионалната трансформативна промена во забавата и телекомуникациите со производи како што е нејзината видео платформа од следната генерација EON.
Нејзината медиумска група, Јунајтед Медиа произведува и дистрибуира привлечна ТВ содржина, со бројни спортски, информативни и забавни формати, достигнувајќи огромна публика од 40 милиони луѓе преку бесплатните канали, кои се водечки на пазарот и се надополнети со привлечно портфолио на Pay-TV канали. Со моментален капацитет за производство на повеќе од 40.000 часа оригинална локална содржина годишно, Јунајтед Медиа управува со 60 ТВ канали, 40 веб и доверливи портали за вести, 10 печатени изданија и радио станици.
За Еутелсат Груп
Групацијата Еутелсат е глобален лидер во сателитски комуникации, обезбедувајќи поврзување и емитувачки услуги ширум светот. Групацијата беше формирана преку комбинација на Company и OneWeb во 2023 година, станувајќи првиот целосно интегриран GEO-LEO сателитски оператор со флота од 35 геостационарни сателити и констелација со ниска орбита на Земјата (LEO) од повеќе од 600 сателити.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: СДС и ДУИ наложувале, а Судски совет експресно, за само еден ден, разрешувале судии неподобни за тогашната власт, како Катевеновски од Врховен
„Власта на СДС целосно го зароби судството и го стави под своја контрола. Со притисоци и уцени се морало да биде по нејзин терк“, велат од ВМРО-ДПМНЕ.
„По насока на СДС и Зоран Заев се бирале подобни и послушни судии и обвинители, и по нивна насока, експресно, за еден ден се реазрешувале непристрасни судии и професионалци кои не беа под нивна контрола.
Таков е и примерот на поранешниот судија во Врховниот суд, Ристо Катевеновски кој тоа отворено, пред целата македонска јавност, го кажува.
Во свое телевизиско гостување, Катевеновски тврди дека бил разрешен поради тоа што не дал позитивно мислење за судски случај по барање на тогашната власт и коалициски партнери СДС и ДУИ.
Станува збор за судско рочиште на кое поранешниот судија истакнал дека нема да даде позитивно мислење во случајот поврзан со поранешната министерка за внатрешни работи, Гордана Јанкуловска и дека за тоа ќе биде потребно да се разговара со неговите колеги за понатамошно дејствие.
После само еден ден од оваа негова изјава Судски совет свикал итна седница на која експресно бил разрешен иако, како што вели Катевеновски, изјавата била дадена зад затворени врати.
Тој посочува дека неговото разрешување не било случајно, туку истото дошло од тогашните власти СДС и ДУИ, односно Зоран Заев и Али Ахмети.
Тоа што во изминатите години го зборуваме, дека СДС и ДУИ под своја целосна контрола го ставиле судството и обвинителството и дека судиите и обвинителите ги бирале во партиските седишта во Струмица и Зајас, веќе се потврдува со јавни сведоштва.
СДС и ДУИ, на чело со Заев и Ахмети одлучувале кој ќе се апси, а кој ќе се апстрахира од одговорност од одреден случај.
Овој случај уште еднаш покажува дека СДС и ДУИ си ја партизираа државата и ги заробија институциите.
Тоа време веќе заврши и за тоа е потребна одговорност“, стои во соопштението на ВМРО-ДПМНЕ.
Македонија
СДСМ: Власта да покаже конструктивност заради работниците, да го поддржи Законот за 600 евра плата
Додека граѓаните едвај врзуваат крај со крај, додека цените растат, синдикалната кошничка надминува 67.000 денари, власта продолжува да се луксузира со авион, мебел, нови возила, кабинети и удобност за функционерите, велат од СДСМ.
„Ова е срамно и безобразно. Работниците се приморани да протестираат на улиците за поголеми плати, за достоинствен живот. Бараат минимална плата од 600 евра за да можат да ги прехранат своите семејства и да платат сметки. Законот на СДСМ за 600 евра минимална плата е на дневен ред во Собранието. Еве шанса власта да биде конструктивна, заради работниците. Дадовме предлог со конкретно решение, поддржете го. Пари има. Со ребаланс на буџетот, наместо авион, наместо мебел, нови коли, луксузни кабинети, патувања, репрезентации, тендери може да се пренаменат за 600 евра минимална плата. Доста е луксуз на власта, време е парите да се насочат кон работниците“, стои во соопштението на СДСМ.
Македонија
(Фото) Ѓорѓиевски и Мицкоски на увид во градежните активности на булеварот „Македонија“
Градоначалникот на Град Скопје, Орце Ѓорѓиевски и премиерот Христијан Мицкоски синоќа извршија теренски увид во градежните работи на булеварот „Македонија“ со кој главниот град ќе ја добие својата прва подземна сообраќајница.
Ѓорѓиевски вели дека работата се одвива со засилена динамика, десетици камиони и градежни машини се на терен, дури и во вечерните часови, кога сообраќајот е намален и не се создаваат дополнителни гужви.
„Иако третата фаза, подземната сообраќајница е веќе изградена, нејзиното целосно ставање во функција е возможно само со реализација на сите фази. Првата фаза започна пред неколку недели и веќе се реализира со конкретни активности на терен. Во рамки на оваа етапа се врши реконструкција и рехабилитација на постоечкиот коловоз, како и проширување на одделни коловозни ленти со цел значително подобрување на проточноста и функционалноста на сообраќајот. Проектот ги опфаќа булеварот „Борис Трајковски“ (кај Рампа), улиците „11 Октомври“ и „Пролет“, како и крак од булеварот „Македонија“ до приклучокот на булеварот „Борис Трајковски“, од каде продолжува кон следната фаза. Предвидено е и проширување на улицата „Пролет“, на потегот од ПС Пролет до Тутунскиот комбинат, со дополнителна коловозна лента. Раскрсницата на овој потег, од безбедносни причини, ќе биде уредена со два острови во форма на триаголник и три во форма на солза, со што значително ќе се зголеми безбедноста на сите учесници во сообраќајот. На потегот од улицата „Пролет“ кон Лимак, како и од Лимак кон булеварот „Борис Трајковски“, се воведува еднонасочен режим на сообраќај, додека на раскрсницата меѓу булеварот „Борис Трајковски“ и улицата „11 Октомври“ ќе бидат поставени нови, современи семафори“, објави градоначалникот на Скопје.
Во наредните фази, додава тој, е предвидена изградба на кружен тек кај „Нова Македонија“, како и уште два кружни текови на потегот меѓу булеварот „Кочо Рацин“ и улицата „Јордан Мијалков“ (Железничка), како и проширување на булеварот „Св. Кирил и Методиј“.
„Паралелно со коловозната инфраструктура, се изведува и атмосферска канализација со поставување на повеќе од 60 шахти и сливници – значаен чекор кон поотпорна, одржлива и функционална урбана инфраструктура. Подземната сообраќајница ќе располага со шест ленти – четири за двосмерен автомобилски сообраќај и две наменети за јавен превоз, како и дополнителни пешачки патеки. Со нејзиното пуштање во употреба се очекува значително намалување на метежот, побрзо и поефикасно движење низ централното градско подрачје и создавање на побезбеден, поуреден и покомфорен урбан простор“, стои во објавата на Ѓорѓиевски.
(Фото+видео) Терористички напад во Лвов: загина полицајка, десетици ранети
Најмалку едно лице загина, а десетици други се ранети во експлозии што рано утрово го потресоа западниот украински град Лвов....
(Видео) Експлозии во Киев: Русија нападна со балистички ракети, повредени жена и дете
Русија лансираше балистички проектили врз главниот град на Украина, Киев, а во нападите во приградските делови повредени се жена и...
„Ова е целосна збрка за целиот свет“, велат експерти за новите царини на Трамп
Одлуката на Доналд Трамп да ја зголеми царината на американскиот увоз на 15 отсто дополнително ја зголемува глобалната нестабилност на...
(Видео) Мицкоски: 17 нови проекти вредни 650 милиони евра ќе донесат до 5.000 работни места
Премиерот Мицкоски денеска изјави дека во моментов се во почетна фаза на реализација или во фаза на потпишување договори за...
(Фото+видео) Николоски: Со одлична динамика се гради автопатот Гостивар – Букојчани
Задоволство е да се гледа прогрес и да се гледааат добри резултати во изградбата на автопатот Гостивар – Букојчани. Имаме...
Филипче: Единствениот булинг на македонскиот народ му го прават ВМРО-ОКГ и Мицкоски
Претседателот на СДСМ, Венко Филипче, реагираше на изјавите на премиерот Христијан Мицкоски. „Наместо да ги спроведе реформите што Европа ги...
(Видео) Не гледам потреба за одржување на предвремени парламентарни избори, вели премиерот Мицкоски
Премиерот Христијан Мицкоски не гледа потреба за одржување на предвремени парламентарни избори. Тој нагласи дека во разговорите со меѓународната заедница...
(Видео) Манасиевски: Партиските притисоци предводени од СДС и ДУИ разрешувале судии за еден ден, морало се да оди по насока на Заев
Партиските притисоци предводени од СДС и ДУИ разрешувале судии за еден ден, кажа денеска на прес-конференција, Валентин Манасиевски, член на...
(Видео) Мицкоски: Македонија е жртва на класичен булинг на земји членки кои од внатре го уценуваат интегрирањето во ЕУ
Европската интеграција на нашата земја, можеби е единствен случај во Европа чијашто интеграција во рамките на самата Европска Унија не...
(Фото+видео) Украински напад врз руска фабрика за ракети – 11 лица повредени
Единаесет лица се повредени во напад со беспилотно летало врз фабрика за производство на ракети во Удмуртија, Русија. Три од...
Макрон ја поздрави пресудата на Врховниот суд против царините на Трамп
Францускиот претседател, Емануел Макрон, ја поздрави одлуката на американскиот Врховен суд да ги поништи царините што претседателот на САД, Доналд...
(Видео) Насилни протести во Албанија: Фрлени молотови коктели врз зградата на владата
Во Албанија се одржа нов антивладин протест, кој беше обележан со тензии и судири со полицијата, пренесува Анадолија. Опозицискиот протест...
Сиљановска-Давкова: Европа не може да биде целосно безбедна се додека Западен Балкан е надвор од Европската Унија
Без поцврста и поодлучна ЕУ, Балканот останува простор каде што надворешните сили ќе продолжат да ја тестираат својата моќ, порача...
Плановите за напад на Иран влегуваат во последна фаза: поамбициозни се отколку што се сметаше претходно
Американските воени планови за операции во Иран се во завршна фаза, со опции кои вклучуваат таргетирање поединци или дури и...
Пристигна првата реакција на ЕУ за укинувањето на царините на Трамп
Европската Унија повика на стабилност во трансатлантските трговски односи откако Врховниот суд на Соединетите Американски Држави пресуди со 6-3 гласови...
Од Дубаи екстрадирано лице барано со потерница од македонската полиција, прва екстрадиција од Обединетите Арапски Емирати во нашата земја
Денеска од Дубаи во нашата земја беше екстрадиран 33-годишниот Флорим Лимани, кој беше баран со меѓународна потерница за издржување затворска...
Кривична против поранешна директорка на Клиничка болница Битола за злоупотреба на службената положба и овластување
СВР Битола, до Основното јавно обвинителство Битола, поднесе кривична пријава против Е.И.(53) од Битола поради постоење основи на сомнение за...
Се заканувал со напад со „калашников“, иснпириран бил од настан од САД: дваесетгодишник од Мала Речица под истрага за тероризам
Јавен обвинител од ОЈО ГОКК донесе наредба за спроведување на истражна постапка против дваесет годишен жител на Мала Речица за...
Од Струмица и Скопје, преку Свети Николе: под истрага шест лица за транспортот на осум тони марихиуана што заврши во Србија
Обвинителсството донесе Наредба за спроведување истражна постапка против шест лица за неовластено изработување и пуштање во промет на наркотична дрога,...
(Видео) Поскапувањата во јануари и февруари го „изедоа“ владиното покачување на минималната плата, ССМ пресмета 969 денари поскапа кошничка за февруари
Сојузот на синдикати на Македонија (ССМ) за месец февруари пресмета зголемување на вредноста на минималната потрошувачка кошничка за 969 денари,...
