Контакт

Македонија

Ќе се бара јавен увид во службените трошоци и на судовите, пратениците и претседателот

Објавено пред

Министерот без ресор задолжен за комуникации, отчетност и транспарентност, Роберт Поповски, во Владата одржа втор состанок со функционери и именувани раководни лица, на кој се разговараше за исполнување на заложбите за поголема транспарентност и отчетност, односно објавување на нивните службени трошоци.Преку Алатката за отчетност, која беше објавена во март, а е достапна на веб-страницата на Владата, односно на адресата: http://vlada.mk/otchetnost-troshoci на увид се ставени сите трошоци на премиерот, неговите заменици, министрите, министрите без ресор, заменик-министрите, генералниот секретар на Владата и државните секретари на министерствата.

Со одлука на Владата на 17 април беше проширен опсегот на функционерите и именуваните раководни органи што треба да покажат отчетност пред јавноста и кои најдоцна до 20 јуни на своите веб-страници треба да ги објават податоците за нивните службени трошоци за периодот од 1.12.2014 до 31.5.2015 година и за периодот од 1.12.2017 до 31.5.2018 година. Со одлуката се задолжуваат и директорите и замениците на директорите на самостојните органи на државната управа, на органите во состав на министерствата и на Инспекцискиот совет да ги објават службените трошоци. Истото се укажува да го сторат и директорите и замениците на директорите на јавните претпријатија, правните лица со јавни овластувања и акционерските друштва во државна сопственост.

„Врвните приоритети на Владата се таа да биде транспарентна, отворена кон јавноста и да овозможи пристап до информациите како основно право на граѓаните“, оцени Поповски на состанокот, информирајќи ги претставниците на јавните институции за унифицираниот систем на прикажување на службените трошоци.

Министерот Поповски истакна дека за првпат воведената политичка пракса на објавување на најотворен, најтранспарентен начин на сите трошоци е со цел тие да се намалат и да се сведат само на продуктивни трошоци, кои се неопходни за непречено спроведување на работните активности на носителите на јавни функции и институциите. Поповски додаде дека со јавното објавување на трошоците се постигнува двоен ефект. Се дава на увид на јавноста и на граѓаните за што се трошат нивните пари, но се презентираат и постигнатите резултати, а истовремено изложувањето пред јавноста води и до поголема внимателност при трошењето државни пари.

Министерот Поповски потсети дека според веќе објавената споредбена анализа, за трошењата на министрите, актуелната Влада во првите шест месеци од доаѓањето на власт во јуни, до ноември 2017, потрошила двапати помалку од претходната Влада за истиот период во 2014 година и порача:„Оваа тенденција на намалување на трошоците на оваа Влада сакаме да продолжи на ниво на сите државни институции“. Истовремено, министерот Поповски додаде дека алатката за отчетност ќе им биде препорачана и на единиците на локалната самоуправа, правосудните органи, претставниците на Собранието и претседателот на државата.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Бајрактар и Шкријељ: Канцеларија за социјални работи во Синѓелиќ за полесен пристап до услуги за 20.000 граѓани

Објавено пред

Во Канцеларијата за социјални работи во населеното место Сингелиќ 20.000 граѓани ќе можат поедноставно да ги остварат правата од социјална заштита. Канцеларијата е дел од мрежата на канцеларии што Министерството за труд и социјална политика ги отвора во соработка со општините за да ги доближи социјалните услуги до граѓаните.

Заменик-министерот за труд и социјална политика, Ѓонул Бајрактар, дополнителната заменик-министерка за труд и социјална политика, Санела Шкријељ, и градоначалникот на општина Гази Баба, Борис Георгиевски, ја посетија канцеларијата и одговараа на прашања на граѓаните.

„Со отворањето вакви канцеларии им олеснуваме на граѓаните. Тие не треба да патуваат и да се изложуваат на трошоци, за да достават барање за социјална помош или други права од социјална заштита“, изјави заменик-министерот Бајрактар.

Канцеларијата во Сингелиќ е една од педесетината вакви канцеларии што се отворени во државата.

Според дополнителната заменик-министерка Шкријељ, на овој начин се обезбедува еднаков пристап на сите граѓани до социјалните права и услуги.

„Отворањето на општинските канцеларии е дел од имплементацијата на социјалната реформа со која целосно го менуваме системот за социјална заштита и покажуваме дека за сите се грижиме подеднакво. Тие се дел од активностите насочени кон подобрување на социјалните услуги и се финансирани со средства од заем на Светска банка. Главна цел е развој и подобрување на квалитетот на социјалните услуги во локалните заедници, согласно потребите на граѓаните и зголемување на пристапот до социјалните услуги наменети за ранливите групи граѓани, постарите лица, лицата со попреченост и други лица, за што се обезбедени вкупно 10,8 милиони евра“, појасни Шкријељ.

Градоначалникот на Гази Баба, Георгиевски, ги информираше граѓаните дека канцеларијата ќе биде отворена од 8 до 16 часот и дека ќе биде големо олеснување не само за оние што живеат во Сингелиќ, туку и за граѓаните од околните населени места како и од Автокоманда и Маџари.

Прикажи повеќе...

Македонија

(Видео) Мицкоски: Заев бил премиер, судија и обвинител, утре протест против главата на Рекетот

Објавено пред

Вчера бевме сведоци на болната вистина како Зоран Заев владее со Македонија и зошто државата е на дното, а тоа е приказ како мафијата има своја држава и правдата престанува да дише, истакна на прес-конференција, претседателот на ВМРО-ДПМНЕ, Христијан Мицкоски.

Партискиот лидер денеска повика на граѓански протест утре со почеток во 18 часот кој ќе започне од пред Обвинителството на кејот на Вардар и ќе оди до Врховниот суд.

„Ги повикувам сите граѓани да ни се приклучат, од сите националности и убедувања. Ова не е протест само на ВМРО-ДПМНЕ туку на сите граѓани кои знаат дека главната кочница е Зоран Заев“, додаде Мицкоски нагаласувајќи дека токму Заев ѝ пукал во чело на правдата.

Според него, Заев е правдоубиецот во Република Македонија.

„Во исто време слушнавме лицемерие, надменост, забеганост. Слушнавме како Заев од позицијата премиер диктирал одлуки на Врховниот суд и како Катица Јанева како тогашен прв човек на СЈО работи во координација и по наредба на Заев“, истакна тој.

Претседателот на ВМРО-ДПМНЕ посочи дека објавениот аудио материјал открива три клучни работи.

„Прво, имаме јавно признание дека Заев грубо ја злоупотребил службената должност диктирајќи одлуки на Врховниот суд. Второ, тој јавно признава дека се влечат случаите и за таа негова стратегија знае и СЈО и Катица Јанева која била свесна за сето тоа. Трето, шемата како да паднат случаите била јасна или закон за обвинителство или ќе го цитирам – ‘трас-трас’ одлука на Врховниот суд“, кажа Мицкоски и нагласи дека освен премиер, Заев бил и судија, но и обвинител.

Tој потенцира дека граѓаните на протестот ќе порачаат оти одговорност мора да има за неправдите и дека Заев е главниот виновен.

Прикажи повеќе...

Македонија

Тројца државјани на Турција обвинети за обид да ја поминат границата со лажни израелски пасоши

Објавено пред

Скопското обвинителство против тројца турски државјани поднесе обвинение за фалсификување патна исправа.

Тројцата обвинети на 22 јануари, при влез на државната граница од Република Косово, на граничниот премин Долно Блаце употребиле како вистински лажни јавни исправи – израелски пасоши и лични карти. Станува збор за двајца мажи на возраст од 26 и 41 година, како и една жена на возраст од 45 години.

Употребените лажни документи се разликуваат од оригиналните израелски документи по квалитетот на хартијата, застапените техники на печатење на образецот, заштитните знаци, сјајот и интензитетот на застапените бои, информираат од Обвинителството.

Прикажи повеќе...

Најново

Европа14 минути

Шести смртен случај од коронавирус во Италија

Шеста личност почина денеска од коронавирус во Италија. Според италијанските медиуми, починала жена од градот Крема, покрај Милано. Таа починала...

Македонија55 минути

(Видео) Мицкоски: Заев бил премиер, судија и обвинител, утре протест против главата на Рекетот

Вчера бевме сведоци на болната вистина како Зоран Заев владее со Македонија и зошто државата е на дното, а тоа...

Македонија1 час

Филипче апелира граѓаните да ги откажат патувањата во Италија

По петте смртни случаи од коронавирус во Италија, министерот за здравство, Венко Филипче, апелира граѓаните да ги одложат сите патувања...

Македонија3 часа

Филипче најави засилени контроли на аеродромите и границите поради ширење на коронавирусот во Италија

Поради новонастаната состојба со коронавирусот и проширувањето на вирусот во областите Ломбардија, Венето и Емилија-Ромања во Италија, утрово министерот за...

Економија3 часа

Поскапуваат горивата

Горивата од ноќеска на полноќ ќе поскапат за половина, односно за еден денар, соопшти Регулаторната комисија за енергетика. Цените на...

Македонија3 часа

Притвореничка од истражниот затвор каде што е Ангела ќе сведочи за убиството на Пино

На денешното рочиште за убиството на Пино Секондо сведочеше жената на која обвинетите првично ѝ признале дека сториле убиство. Адвокатката...

Топ5 часа

Двајца скопјани повредени од огнено оружје во Бутел

Доцна синоќа во 00:21 часот во СВР Скопје било пријавено дека на улицата Ферид Бајрам во Бутел биле слушнати истрели...

Европа5 часа

(Видео) Полиците во повеќе италијански маркети се целосно празни, луѓето се подготвуваат за епидемија

Во неколку помали места во италијанските региони Ломбардија и Венето, со население од околу 50.000 луѓе, од вчера на сила...

Европа5 часа

Четврта жртва на коронавирусот во Италија

Бројот на жртви од коронавирусот во Италија се искачи на четири, а бројот на заразени надмина 150. Според статистиката, во...

Свет7 часа

Сандерс: Ако треба би ја нападнал Кина

Фаворитот на партиските избори на американската Демократска партија за кандидат за претседател на САД, Берни Сандерс, воено би интервенирал против...

Свет7 часа

Нови 150 починати од коронавирусот во Кина

Кина денеска соопшти дека има нови 150 нови смртни случаи во епидемијата на коронавирусот, што е нов дневен рекорд откако...

Европа20 часа

Италија е трета земја во светот по бројот на заразени од коронавирус

Бројот на заразени со коронавирус во Италија значително се зголеми во последните три дена. До денеска се потврдени 152 случаи,...

Свет22 часа

Трет патник од бродот во Јапонија почина од коронавирус

Трет патник од крузерот „Дајмонд принцес“ во Јапонија почина од коронавирусот, објави денеска јапонското Министерство за здравство. 80-годишниот јапонски државјанин...

Европа23 часа

Десет градови во Италија во изолација поради коронавирусот

Десет италијански градови, претежно во Ломбардија, се ставени во изолација откако вчера беа потврдени два смртни случаи и речиси 80...

Македонија24 часа

Четворица пациенти по инцидентот во Романовце се во животна опасност

Во текот на денешниот ден во Клиничкиот центар во Скопје примени се седум пациенти со изгореници, повредени од експлозија на...

Топ1 ден

Три деца загинаа а шест луѓе се повредени во експлозија на плинска боца во куќа во Романовце

Три малолетни деца на возраст од 8, 9 и 11 години утрово загинаа во експлозија на плинска боца во семејна...

Свет1 ден

Во земјотресот меѓу Иран и Турција – седум загинати во Турција, има и затрупани

Најмалку седум луѓе загинаа, а некои се затрупани под урнатините од згради на југоистокот од Турција, по потресот со јачина...

Спорт1 ден

Шпанците го обвинуваат тетовскиот супер-агент Фаљи Рамадани за перење пари!

Фаљи Рамадани, еден од најмоќните фудбалски агенти на светот, е под истрага на шпанските власти за учество во шема за...

Македонија1 ден

(Видео) Милошоски објави нов аудио-материјал: Заев договарал одлуки со Врховниот суд

На прес-конференција во седиштето на ВМРО-ДПМНЕ, пратеникот Антонијо Милошоски објави нов материјал, кој рече дека како транскрипт му го доставил...

Топ1 ден

На автопатот „Пријателство“ во камион превезувани 43 мигранти од Бангладеш

Во близина на бензинска пумпа на автопатoт „Пријателство“, во правец од ГП Табановце- Куманово, синоќа полициски службеници од Полициска станица...

Досие