Македонија
Адеми и директорот на Агенцијата за иселеништво, Шалваринов, во работна посета на Словенија и Италија
Министерот во Владата на Република Македонија задолжен за дијаспората, Едмонд Адеми, од денеска па сè до 17 септември, во придружба на директорот на Агенцијата за иселеништво на Република Македонија, Никола Шалваринов, ќе престојува на работна посета на Словенија и Италија.
За време на работната посета на Словенија, како што информираат од Владата, министерот Адеми ќе оствари официјални средби на највисоко ниво со претседателот на Република Словенија, Борут Пахор, и со претседателот на Националното собрание на Словенија, Дејан Жидан.
За време на разговорите со највисоките претставници на Словенија, велат од Владата, ќе стане збор за билатералните односи меѓу двете пријателски земји, натамошниот развој на односите во повеќе области од заемен интерес, интеграциските процеси на Македонија во ЕУ и НАТО, како и актуелните политички состојби во нашата земја, особено за динамиката за подготовките за одржувањето на референдумот во нашата земја и други прашања од регионот и пошироко во светот.
За време на престојот на министерот Адеми во Словенија ќе се реализираат и средби со претставници на здруженија и асоцијации на дијаспората од Република Македонија во градовите Љубљана и Копер.
За време на работната посета во Италија, пак, од Владата инфомираат дека Адеми ќе ги посети Трст, Тревизо, Бреша, Пјаченца и ќе оствари средби со претставниците на здруженија и асоцијации на македонската дијаспората во северниот дел на Италија. Во Трст, додаваат од Владата, Адеми ќе учествува и на настанот „Европски дијалог и земјите од ЈИЕ“, при што ќе им се обрати на присутните на тема: „Договорот меѓу Република Македонија и Република Грција за името, ЕУ и НАТО-интеграциите и меѓунационалните односи во нашата земја“.
Воедно, министерот Адеми во Словенија и Италија ќе има средби и со локалните власти и други видни личности од повеќе области, сè со цел унапредување на врските на нашите претставници на дијаспората и нивна инклузивност во економскиот, политичкиот, социјалниот и културниот живот во овие две пријателски земји, стои во соопштението од Владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без вода дел од Карпош
Од ЈП Водовод и Канализација известуваат дека денеска поради водоводен приклучок од ф – 80 мм на улицата Ристо Равановски бр. 8, без вода ќе останат корисниците од улицата Ристо Равановски во општина Карпош.
Водоснабдувањето ќе биде прекинато во периодот од 09.00 часот па се до завршување на работата.
Македонија
Променливо облачно со сончеви периоди
Променливо облачно со сончеви периоди. Во западните делови ќе има повремен локален дожд. Ќе дува умерен до засилен ветер од јужен правец.
Минималната температура ќе биде во интервал од -1 до 6, а максималната ќе достигне од 10 до 16 степени.
Во Скопје, променливо облачно со сончеви периоди. Ќе дува умерен, во делови од котлината повремено засилен ветер од југоисточен правец.
Минималната температура ќе се спушти до 2, а максималната ќе достигне до 13 степени.
Времето во наредните денови
Под влијание на циклонска активност до сабота ќе преовладува претежно облачно време со повремени врнежи од дожд. Пообилни врнежи се очекуваат во среда и четврток, кога на повисоките планини врнежите ќе преминуваат во снег. Од среда ветерот ќе го промени правецот во северен.
Македонија
Лукаревска: Не се знае колку ќе трае супсензијата на ИПАРД, а во буџетот се кратат 185 милиони денари за земјоделците
Пратеничката на СДСМ Сања Лукаревска во рамките на амандманската расправа за буџетот за 2026 година во собраниската комисија за финансирање и буџет, ги повика пратениците да го преиспитаат намалувањето на средствата во програмата за рурален развој за скоро половина и да го прифатат предложениот амандман на СДСМ износот да остане ист како во 2025 година. Годишната стапка во буџетот беше околу 300 милиони денари.
-За 2026 година се предлага намалување на оваа ставка, скоро половина, односно 185,9 милиони денари, или намалувањето е во износ од 115 милиони денари, истакна Лукаревска.
Таа додаде дека суспензијата на ИПАРД, која е актуелна овие денови, создава и големи финансиски проблеми на самите корисници и во сегашно време, меѓутоа и во иднина.
Лукарецска стакна дека скратените буџетски средства се користат за кофинансирање на финансиска поддршка, која корисниците ја добиваат, и тоа ќе биде еден лош сигнал и за земјоделците, меѓутоа и за стопанствениците, коишто очекуваат од Владата, пред се од Министерството за финансии, како креатор на буџетот, паметно и прагматично да ги планира средствата.
-Ние не можеме да знаеме колку време ќе трае самата суспензија, а во тој период веќе ќе имаме одредени обврски коишто ќе мора да се спроведуваат, односно ќе доспее рокот за обврските коишто агенцијата ќе ги има кон корисниците, рече Лукаревска, додавајќи дека по враќањето на оваа програма повторно во сила ќе може да се компензираат овие средства преку средствата од Европската унија.
-Затоа е добро да се прифати овој амандман за доброто на земјоделците и за целиот тој засегнат – секој којшто е дел од столбовите во нашето општество за соодветен раст и развој, па дури и промоција, истакна пратеничката на СДСМ Сања Лукаревска пред собраниската комисија за финансирање и буџет.

