Македонија
Адеми на научен симпозиум во Корча

Министерот задолжен за дијаспората, Едмонд Адеми, денеска во Корча, Албанија, присуствуваше на научен симпозиум посветен животот и литературното дело на Стерјо Спасе, во оргазнизација на Универзитетот „Фан С. Ноли“ и македонското друштво „Сонце“.
Свеченото отворање на научниот симпозиум беше направено од ректорот на Универзитетот „Фан С. Ноли“, Али Јaшари, а свое поздравно излагање имаа министерот Едмонд Адеми, претседателот на Република Албанија, Илири Мета, и претседателот на македонското друштво „Сонце“, Васил Стерјовски. На научниот симпозиум присутен беше и македонскиот амбасадор во Тирана, Данчо Марковски.
Министерот Едмонд Адеми ја истакна важноста на литературните дела на писателот Стерјо Спасе и се осврна на неговиот значаен придонес за подобра интеграција на македонското малцинство во албанското општество.
Тој, меѓу другото, нагласи дека творештвото на Стерјо Спасе претставува и важен мост помеѓу Македонците и Албанците и токму градењето мостови на соработка, разбирање, развивање и интегрирање во Европската Унија се заеднички определби на двете држави, што уште во своето време ги поставил токму Стерјо Спасе.
Претседателот на Република Албанија, Илир Мета, ги истакна придобивката и значајноста на литературното творештво на Стерјо Спасе во Албанија и ја потврди важноста на делата и животот на писателот во однос на пријателските односи помеѓу Република Албанија и Република Македонија.
Претседателот на македонското друштво „Сонце“, Васил Стерјовски, информира за важноста и за огромниот придонес на овој значаен писател за македонското малцинство во Албанија и ги поздрави напорите на двете влади за зачувување и зајакнување на добрите односи што токму Стерјо Спасе ги постави уште многу одамна.
На научниот симпозиум се одржа и работна сесија во која се истакнуваше важноста на литературното творештво на Стерјо Спасе, а на која учествува академци и професори од Република Македонија и Република Албанија, меѓу кој и синот на писателот Спасе, проф. д-р Илинден Спасе, кој во име на покојниот писател Стерјо Спасе ја прими титулата витез на Редот на знамето од претседателот на Република Албанија, Илир Мета.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Утре авионска дезинсекција против ларви од комарци во Скопје

Градот Скопје ги известува граѓаните дека на 25.09.2025 година (четврток), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.
Македонија
(Видео) Велјановски: Секогаш кога ДУИ губи, прибегнуваат кон потпалување на меѓуетничките односи

Секогаш кога ДУИ губи, секогаш кога граѓаните ќе ги прочитаат нивните вистински коруптивни намери, тие прибегнуваат кон потпалување на меѓуетничките односи и загрозување на соживотот, кажа на прес-конференција Александар Велјановски, пратеник на ВМРО-ДПМНЕ.
ДУИ, вели тој, нема аргументи и политики, единствена политика им е деструктивноста и уништувањето на соживотот на граѓаните.
ВМРО-ДПМНЕ, како што рече, најостро ја осудува срамната и опасна изјава на поранешниот министер за економија Крешник Бектеши, дадена при промоција на кандидатот на ДУИ за градоначалник на Тетово, Бајрам Реџепи.
„Бектеши, без трошка одговорност, велича оружје и отворено ја оправдува војната од 2001 година, претставувајќи ја како политички капитал. Тоа е скандал од невидени размери и директен удар врз меѓуетничките односи во државата.
Ова е класичен говор на омраза кој ја враќа Македонија во најтешките времиња. Наместо за иднината, граѓаните некој повторно сака да слушаат етнички провокации и поттикнување на поделби.
Македонците се столбот на Тетово. Со векови наназад тие се дел од неговата историја, култура и идентитет. Со својот труд и љубов кон овој град го изградиле и го зачувале. На овие избори како и многу пати претходно, токму Македонците со својот единствен сплотен глас и својата волја ќе одлучат кој ќе биде татко на Тетово и каква иднина ќе има овој град.
Ја повикуваме СДС јавно и веднаш да ја осуди оваа изјава и да се огради од својот коалициски партнер. Време е да се оттргнат од зависноста кон ДУИ и да покажат барем минимална одговорност. Секое молчење е соучесништво. Но, бидејќи СДС со години е навикнат да биде нем и покорен партнер на ДУИ, секој нивен денешен молк значи само едно, дека станале партнери и во омразата“.
Апелира до сите политички партии, организации и институции, да го осудат овој чин како отворен говор на омраза. Во Македонија, како што нагласи, нема место за политичари кои својата кампања ја градат на закани, омраза и величање оружје.
„Нашата обврска е да ја изградиме Македонија како силна, праведна и европска држава. Земја на мир и стабилност, а не на поделби и закани. Народот очекува јасна позиција, а ние ќе продолжиме да ја браниме Македонија од сите што сакаат да ја претворат во заложник на криминални и етнички поделби“.
Македонија
Сиљановска-Давкова: Нашите соседи наместо да не поддржат користат вето, крајно време е да се направат промени во ЕУ за начинот на одлучување

Претседателката Гордана Сиљановска-Давкова се обрати на годинашниот самит „Конкордија“, којшто секоја година се одржува паралелно со Генералното собрание на ОН.
Во обраќањето таа рече дека она што се ОН за светот, ЕУ е за Европа, мултилатерален проект со една врвна цел: мир на континентот и нагласи дека тоа се постигнува преку проширувањето врз основа на Kопенхашките критериуми: демократија, владеење на правото, човекови права и слободи, и пазарна економија. Додаде дека Европската Унија не може да го брани мултилатерализмот во светот ако го изневерува на својот континент. Според неа, проширувањето не е техничко прашање, туку тест за тоа дали ЕУ ќе го одбере патот на concordia или discordia, дали ќе биде Унија на правила и стандарди, или Унија на двојни стандарди и контрадикции.
Претседателката посочи дека ние можеме да направиме сè што е потребно во економијата, реформите, но сепак, нашите преговори зависат од нашите соседи и констатираше дека за разлика од Скандинавија која ги поддржа балтичките земји за ЕУ, нашите соседи често користат вето при приемот на нови членки.
„Оние соседи кои се членки на ЕУ сега се обидуваат повторно да отворат некои историски прашања поврзани со нацијата, јазикот, културата, па дури и со Европската Унија како тројански коњ за да си ги остварат овие интензивни желби. Велам дека ако регионот сака да стане членка на ЕУ, мора да бидеме свесни за регионалниот контекст.
Зошто? Затоа што мора да се поддржуваме едни со други, да се разбираме едни со други. Како можеме да очекуваме да бидеме разбрани од оние во ЕУ ако не сме подготвени да се поддржуваме едни со други?
Порача дека е крајно време да се направат промени во ЕУ за начинот на одлучување, што неодамна го потенцираше и претседателката на ЕК, Урсула Фон дер Лајен.
Темите на Самитот ja опфаќаат глобалната економија и трговија; демократијата, безбедноста и геополитичкиот ризик; енергијата и транзицијата; здравствените можности и предизвици; човековите права и социјалниот напредок, како и иновативната технологија. Овој настан претставува еден од најзначајните форуми кадешто се собираат лидери од различни сектори: државници, бизнис елити, претставници на граѓанското општество и иноватори.