Македонија
Адеми потпиша декларација за соработка со Меѓународната школа за студии на холокаустот
Министерот за образование и наука, Арбер Адеми, и директорката на Меѓународната школа за студии на холокаустот при ,Yad Vashem во Јерусалем потпишаа заедничка декларација за соработка меѓу двете институци, со која се продлабочува уште понатаму билатералната соработката во областа на образованието помеѓу Македонија и Изралел.
„Цврсто верувам дека оваа заедничка декларација ќе доведе до зајакнување на билатералните врски меѓу двете институции, да се потенцира важноста на образованието за холокаустот во Република Македонија и да се обезбеди понатамошна консултација и соработка“, изјави Адеми.
Годинава одбележавме 75 години од депортацијата на 7.144 евреи од Македонија или 98% од еврејската популација, во тој период до Треблинка. На 11 март, Националниот комеморативен ден на холокаустот, како што информираше министерот, македонскиот парламент одржа посебна комеморативна седница и усвои декларација со која се нагласува постојаната определба на државата никогаш да не ги заборави жртвите на хХолокаустот. Исто така Владата на Република Македонија ја усвои работната дефиниција на анти-семитизмот.
„За таа цел, Бирото за развој на образованието, кое е институција одговорна за наставните програми на училиштата во нашата земја, објави дополнителни материјали за холокаустот. Ова се материјали подготвени од страна на IHRA, но потоа преведени на македонски јазик и споделени со сите училишта во Македонија“, истакна министерот Адеми. За да истрае сеќавањето на холокаустот, треба да ги поучуваме младите генерации, додаде тој истакнувајќи дека токму затоа остануваме посветени да продолжиме да го вклучиме образованието за холокаустот во наставните програми во јавниот образовен систем, да ги поттикнуваме активностите за обука на наставниците и да развиваме или набавиме ресурси и материјали потребни за такво образование. Затоа оваа заедничка декларација е многу важна за нас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од Илинден и Ѓорче Петров денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 09:00 до 13:00 часот, улица Бунарџик. (Општина Илинден)
– во периот од 09-00 до 15-00 часот, дел од корисниците на улиците: Мице Козар и Ѓуро Салај. (Општина Ѓорче Петров)
Македонија
Сончево и релативно топло со мала до умерена облачност
Сончево и релативно топло со мала до умерена облачност. Во утринските часови наместа ќе има зголемена облачност која во текот на денот ќе се намали. Ќе дува слаб ветер од северен правец. Минималната температура ќе биде во интервал од -2 до 3, а максималната ќе достигне од 12 до 17 степени.
Во Скопје, претпладне во делови од котлината ќе има услови за појава на слаба магла. Во текот на денот времето ќе биде сончево со мала до умерена облачност и претежно тивко. Минималната температура ќе се спушти до 1, а максималната ќе достигне до 14 степени.
Времето во наредниот период
Продолжува период на стабилно и релативно топло време. Во текот на ноќите и во утринските часови ќе има појава на магла на одредени места и зголемена облачност која во текот на денот ќе се намалува.
Македонија
Сообраќајот на граничниот премин Евзони (ГП Богородица) се одвива нормално
Сообраќајот на ГП Евзони (ГП Богородица) се одвива нормално, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

