Македонија
Ако се укине недела неработен ден, тоа би било нов удар врз работниците, смета СДСМ

Власта не прифаќа покачување на минималната плата, им удоволува на големите трговци и бизнис партнери кои се богатат на грбот на народот. Како тоа да не е доволно, власта подготвува нов удар врз работниците: укинување на „недела неработен ден“, изјави на прес-конференција, Кристина Костова, потпретседателка на СДСМ.
„Овој проект СДСМ го воведе за да им овозможи на стотици илјади работници гарантиран слободен ден, да имаат повеќе време за нив и за нивните семејства. Оваа политика беше поздравена од граѓаните и работниците, а сега се доведува во прашање под притисок на трговците и бизнис интересите на власта. Со оваа одлука Мицкоски и ДПМНЕ директно го потценуваат трудот на работниците и ја негираат важноста на нивниот одмор и времето за семејството“, рече Костова.
Како што додаде, во време кога општеството се соочува со се поголеми предизвици во самите семејства, девијантни однесувања, сегрегацијата, булинг во училиштата оваа одлука е крајно лоша и со големи негативни последици за општеството.
„Изговорите на власта дека во одредени дејности и сега се работи и дека поради тоа треба сите да работат во недела воопшто се неиздржани. Прво, работат мал број на дејности во кои производство е во таков процес да не смее да се прекине, работат аптеки, пекари и така натаму. Целите на секоја Влада треба да биде намалување на овие дејности а не зголемување“, рече Костова.
Затоа, како што додаде, СДСМ е категорично против укинувањето на недела неработен ден.
Премиерот Мицкоски, претходно изјави дека во недела или сите треба да работат со двојна или тројна дневница, или никој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Скопските лихвари им ги одземале имотите на оние кои не можеле да ја вратат позајмицата, каматата била и до 15 отсто месечно

Полицијата спроведе координирана акција на повеќе локации низ Скопје и приведе 11 лица осомничени за лихварство и перење пари, а уште едно лице, Б.К. (35), е недостапно за органите на прогонот.
Според истрагата, групата делувала од почетокот на 2022 година, организирана со јасна структура и улоги меѓу членовите. Деветмина од осомничените се сомничат дека давале пари на заем со незаконски високи камати, кои се движеле од 5 до 15 проценти месечно, а за секое задоцнување каматата дополнително се зголемувала.
Тие, како што наведува истрагата, ја искористувале тешката финансиска состојба на граѓани, барајќи од оштетените не само да ги вратат парите со камата, туку и да го предадат или заложат имотот што го поседуваат. Кога не можеле да ја исплатат позајмицата, жртвите биле принудувани да ги пренесат своите станови или деловни простории на имиња на осомничените.
Наплатата се вршела директно во готовина или преку банкарски сметки, односно средствата се уплатувале од сметки на оштетените на сметки на лицата вклучени во шемата.
Парите што биле прибрани на овој начин подоцна биле „испрани“ преку банки, сефови и фиктивни трансакции. Дел од средствата биле користени за куповина на недвижен и движен имот, а друг дел за финансирање на луксузен начин на живот.
Истрагата на Обвинителството и МВР утврдила дека осомничените се стекнале со противправна корист во висина од 125 милиони денари – сума добиена преку незаконското лихварство.
Против сите е поднесена кривична пријава за „лихварство“ и „перење пари и други приноси од казниво дело“, а полициските тимови продолжуваат со активности за пронаоѓање на недостапниот Б.К. (35).
Македонија
Димитриевски: Табакана нема да биде зграда, туку бесплатен паркинг за околните жители и парк со детско катче

Кандидатот за градоначалник на Куманово од редовите на Движење ЗНАМ – За наша Македонија, Максим Димитриевски, денеска уште еднаш најави нов уреден јавен простор во корист на граѓаните од оваа општина. На локацијата Табакана кај булеварот „Октомвриска револуција“, нема да се дозволи изградба на нова зграда, туку таму ќе никнат нов бесплатен паркинг за локалното население , како и парк со детско катче.
– Иако во минатото некој предвидел во Деталниот урбанистички план за оваа локација да се гради зграда, јас како иден градоначалник на Куманово нема да го дозволам тоа. Сите овие времени објекти ќе бидат дислоцирани, дополнително ќе биде изграден нов паркинг простор којшто ќе биде бесплатен за сите кои што живеат на во околината и дополнително детско катче и нови зелени површини,“ изјави Димитриевски.
Тој додаде дека е време да се стави крај на, како што рече, „урбано градежните групации“ кои сакаат да го урбанизираат, поточно бетонизираат секој слободен простор во Куманово.
– Мора да кажеме стоп на урбано градежните групации кои што сакаат да го урбанизираат секој простор во нашиот град со никнување на нови бетонски градби, рече Димитриевски.
Максим Димитриевски во својата видео порака побара од поддршка од граѓаните заа во вториот круг од изборите, што треба да се одржи на 2 ноември.
– Ве повикувам масовно да излезете и да ми дадете поддршка во вториот круг бидејќи Куманово заслужува да продолжи да расте, да се развива, а дојде времето да се средува и централното градско подрачје, конкретно булеварот Октомвриска револуција, негово пробивање, изградба на нов кружен тек и уште многу други содржини во централно градско подрачје, порача Димитриевски.
Македонија
Герасимовски го свикува кризниот штаб поради состојбата со ѓубрето

Општина Центар свика кризен штаб поради состојбата со сметот во градот, а со тоа и во општината, оценувајќи ја како крајно загрижувачка.
Бидејќи нема информација дали и кога Градот и ЈП „Комунална хигиена“ ќе продолжат со собирањето на сметот неопходни се итни и кризни мерки на општинско ниво, велат од Општината.
Се додава дека во текот на вчерашниот ден и ноќта, ЈП „ПОЦ“ продолжи со собирање на сметот и се работи во две смени. Акцијата продолжува секој ден.