Македонија
Албанскиот опозициски фронт: Дали ѝ кажавте на Фон дер Лајен за авантурата за враќање на Груевски?

Албанскиот опозициски фронт ја поздрави посетата на претседателката на Европската комисија, Фон дер Лајен, која, како што велат, ги вложува сите напори за забрзување на целосната интеграција на Северна Македонија во ЕУ.
Велат дека со особено внимание ги слушнале нејзините пораки за неопходноста од коренити внатрешни реформи во сите сфери, со фокус на справување со високата корупција и во целина ги делат нејзините препораки.
Како што велат, тоа се и нивните заложби, кои ги повторуваат во континуитет и за кои нудат „ефикасни решенија и политики“.
„Денес сме овде пред Владата бидејќи знаеме дека најголемиот проблем за нашето полноправно членство во ЕУ седи овде, во овој објект. Затоа, денес ја користиме можноста да ги поставиме следните прашања:
Дали ѝ кажавте на г-ѓа Фон дер Лајен за авантурата за враќање на Груевски? Ѝ објаснивте ли дека главната лажна надеж за ЕУ стана политичарот што најмногу ја оддалечи земјата од ЕУ додека беше премиер? Дали ѝ објаснивте дека, всушност, ДУИ е откажана од уставните измени? Дали ѝ кажавте дека единствениот фокус на ДУИ е преку враќањето на Груевски да се обиде да обезбеди пазар со ВМРО-ДПМНЕ, каде што на маса ги става и пратениците на СДСМ? Дали дозна г-ѓа Фон дер Лајен дека ДУИ бара концентрациска влада по парламентарните избори за да го зачува нелегално стекнатиот капитал?
Измените на Кривичниот закон, кои овозможија амнестија за многу поранешни функционери преку злоупотреба на ЕУ-знаме, е најдобра потврда дека ДУИ ги злоупотребува европските интеграции како параван за остварување лични бизнис и теснопартиски интереси“, рече Башким Хасани од Албанскиот опозициски фронт.
Од таму додаваат дека Албанците никогаш нема ѝ го простат ова кокетирање на ДУИ со Никола Груевски, кој, како што велат, на нашиот народ му нанесе големо зло.
На изборите, кога и да се одржат, следува казна за ДУИ, додава Башким Хасани од Албанскиот опозициски фронт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Јанев на заокружување на обуката „Истрага на местото на настанот“, насочена кон унапредување на истражните капацитети на полициските сили

Директорот на Бирото за јавна безбедност Александар Јанев присуствуваше на свеченоста за доделување на дипломите, што се одржа во Центарот за обука на полицијата во Идризово, заедно со помошник министерот за внатрешни работи и началник на Центарот за обука, Влатко Митковски, како и со амбасадорот на Италија во нашата земја, Н.Е. Паоло Палминтери.
Обуката беше реализирана од Вишиот институт за истражни техники на карабинерите на Италија, со организациска поддршка од Италијанската амбасада во Скопје.
Учесниците на курсот имаа можност да стекнат напредни знаења и практични вештини за истражување на место на настан, притоа следејќи современи европски и меѓународни стандарди.
“Посебна благодарност упатувам до италијанските експерти за нивниот професионален ангажман и пренесеното знаење и сакам да истакнам дека како институција, особено ја цениме оваа соработка што претставува значаен чекор кон унапредување на капацитетите на нашата полиција и поддршка на владеењето на правото”, истакна директорот Јанев, додавајќи дека ова е уште еден показател за успешната и стратешки ориентирана билатерална соработка со Италија во областа на безбедноста и претставува дел од заедничките напори за градење побезбедно и посилно општество.
Македонија
Николоски учествува на висок министерски форум во Истанбул

Вицепремиерот и министер за транспорт Александар Николоски денеска и утре учествува на Форум за министри за транспорт што се одржува во Истанбул.
Во планираната агенда е предвидено обраќање на вицепремиерот Николоски на панелот насловен ,, Иновативни можности и решенија за финансирање на транспортни коридори” .
На Форумот ,,Глобална Транспортна Поврзаност” предвидено е да се обрати претседателот на Турција, Реџеп Таип Ердоган, министерот за транспорт на Турција, Абдулкадир Уралоглу како и други министри од Европа и светот.
На настанот ќе земат учество и бројни министри како што се министерот за транспорт на Шпанија, на Албанија, на Саудиска Арабија, Сингапур, Црна Гора, Обединетите Арапски Емирати, како и многу други високи претставници од институции од областа на транспортот.
Македонија
Сиљановска-Давкова прими припаднички на Армијата кои успешно завршија обука во САД

Претседателката Гордана Сиљановска-Давкова ги прими капетанката Неда Волчева и поручничката Сара Тасевска кои успешно го завршија седуммесечниот курс „Maneuver Captain’s Career Course“во Џорџија, САД, организиран од американскиот тренинг центар „Fort Moore”.
На средбата на којашто присуствуваа началникот на Генералштабот на Армијата, генерал-мајор Сашко Лафчиски и американската амбасадорка Анџела Агелер, двете припаднички на Армијата ја запознаа претседателката со фазите, содржините и квалитетот на воено-образовната обука и ги споделија нивните натамошни планови, заложби и амбиции за кариерен напредок.
Препознавајќи во нив потенцијал за идни генерали, Сиљановска-Давкова им честиташе на Волчева и Тасевска за успешно завршената обука и изрази уверување дека стекнатите знаења, вештини и експертиза ќе ги применат во интерес на македонската армија.
Според неа, реализацијата на оваа програма претставува влог во македонско-американското партнерство и е посебно значајна за промоција на земјава како лојален и кредибилен сојузник во НАТО.
Признавајќи ги одличните резултати што ги постигнуваат жените, соговорниците се согласија дека нивното партиципирање во меѓународните обуки треба да биде редовна пракса.
Сиљановска-Давкова на средбата ја реафирмираше својата заложба за формирање на Регионален центар за извонредност за жени, мир и безбедност со седиште во Скопје, заради промоција на жените во безбедноста и одбраната во регионот.