Македонија
Алијансата за Албанците: ДУИ преку свои директори во ПИОМ ги оштетила граѓаните за 19 милиони евра
Парите од придонесите за пензиско осигурување на вработените што не се префрлени во вториот столб на пензиското осигурување, а најверојатно биле украдени од страна на функционери на ДУИ, кои 10 години управуваат со Фондот за пензиско и инвалидско осигурување на Македонија како единствен надлежен орган за собирање пари за пензиски придонес, сведочи за алармот и постојаните реакции на Алијансата за Албанците дека оваа влада ја има за коалиционен партнер ДУИ, која тоне во корупција и организиран криминал, велат од Алијансата за Албанците.
Од таму обвинуваат дека ДУИ преку свои директори во Фондот за пензиско и инвалидско осигурување, кои раководеле со оваа институција повеќе од една деценија, ги оштетиле граѓаните за 19 милиони евра, пари наменети за вториот столб на пензиско осигурување.
„Последниот скандал за криминал и корупција на високи функционери на ДУИ и ВМРО-ДПМНЕ е тој што го откри Министерството за труд и социјална политика во врска со злоупотребата на придонесите во пензискиот фонд на РМ за 12.000 вработени во јавниот и приватниот сектор во периодот 2007-2018 година. Ја потсетуваме јавноста дека во овој период со Фондот за пензиско и инвалидско осигурување на Република Македонија раководеле следните директори на ДУИ: Исни Јакупи, Беким Незири и актуелниот директор Шаип Зендели, заедно со нивните блиски соработници, кои што побргу треба да бидат изведени пред лицето на правдата и да ја добијат заслужената казна“, велат од Алијансата за Албанците.
Овој скандал, додаваат од партијата, кој е само еден од многуте досега неоткриени скандали, потврдува дека ДУИ веќе 16 години преку свои функционери ги краде своите граѓани, дури крадејќи им ги и нивните пензии, непростливо кривично дело кое не може да се толерира.
„Го прашуваме премиерот Зоран Заев, дали со овој коалициски партнер ќе ја зачлени земјава во ЕУ и НАТО и ќе ги исполни барањата на ЕУ кои стојат во извештајот за напредок од 2018 година, каде што главна точка е борбата против корупција?“, прашуваат од Алијансата за Албанците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дел од Центар денеска без струја
Од ЕВН Македонија АД известуваат дека поради зафати во електродистрибутивната мрежа, денеска без електрична енергија ќе останат:
· од 07:30 до 15:30 часот, дел од корисниците на улицата Новопроектирана 2, дел од локали и згради на булеварот, Партизнаски Одреди бр.15-17 и дел од локали и згради на булеварот Климент Охридски, општина Центар.
Македонија
Делови од Карпош и Бутел денеска без вода
Од ЈП водовод и Канализација известуваат дека поради изведување на водоводен приклучок ф-100 мм на улицата Демир Трајко 51, прекинато водоснабдување ќе имаат корисниците од улицата Демир Трајко и Партизанска крак 1,3,5,7,9 и 11, општина Карпош. Водоснабдувањето ќе биде прекинато од 09:00 часот до завршување со работните активности.
Од ЈП водовод и Канализација исто така известуваат дека поради дефект на огрлица ф-300 мм на улицата Хо Ши Мин 292, прекинато водоснабдување ќе имаат корисниците на дел од истата улица, општина Бутел. Водоснабдувањето ќе биде прекинато од 10:00 часот до завршување со санација на дефектот.
Македонија
Следува период на стабилно и суво време, а дневната температура ќе биде во пораст
Сончево со мала локална облачност. Ќе дува слаб ветер од променлив правец. Минималната температура ќе биде во интервал од -3 до 4, а максималната ќе достигне од 12 до 16 степени.
Во Скопје, сончево со мала локална облачност. Ќе дува слаб ветер од променлив правец. Минималната температура ќе се спушти до 0, а максималната ќе достигне до 15 степени.
Времето во наредниот период
Под влијание на поле на висок воздушен притисок, следува период на стабилно и суво време, а дневната температура ќе биде во пораст. До средината на следната седмица ќе дува слаб до умерен ветер од јужен правец, а по одредени котлини ќе има појава на магла.

