Македонија
Алијанса за Албанците: Наместо урбана кампања, граѓаните се соочуваат со нехумана закана по нивното работно место
„Во предизборна кампања за советот на Општина Тетово наместо да има вистинска конкуренција на платформи, понуди и човечки вредности, за жал од страна на партиите кои имаат моќ, дали локална или централна, има натпревар на тоа кој ќе понуди повеќе договори за работа, коишто договори се претвораат во заканувачки и уценувачки инструмент за граѓаните. Оваа практика, која ја почна ДУИ, сега ја користат и другите партии кои имаат власт, без разлика дали се локални или централни. Доволно е да имаат функција над една управа и во ист миг ја претвораат во продавница за привремени вработувања“. Ова меѓудругото на денешната прес-конференција го изјави Вјолца Бериша, генерален секретар на опозициската Алијанса за Албанците.
„Ние како Алијанса за Албанците ја осудуваме оваа грда појава која ја пренасочува вистинската политичка понуда, во девалвирана понуда на договори која е повеќе фиктивна отколку реална. Сакаме натпревар на платформите, проектите, напорите и политичката визија за изградба на државата и за да го направиме нашиот град, место за живеење, каде што вистински ќе се артикулираат неговите можности. За жал, наместо ваква понуда, наместо урбана кампања каква што заслужуваат нашите граѓани, тие се соочуваат со најнехумана закана, како што е нивното работно место“, изјави Бериша.
Таа напомена дека „граѓаните сега веќе ја имаат сфатено причината зошто продолжуваат да се вработуваат толку многу работници со договор. Знаат дека преку овие договори ги тераат да гласаат. Ова е еден многу грд феномен што ги навредува луѓето обидувајќи се да импровизираат ропство во XXI век“.
„Да се држи човек како заложник со работната позиција и да се повикува во информативни разговори за тоа што ќе прави и што треба да направи со својот глас, надминувајќи го притисок, е навреда и нарушување на достоинството. Самите граѓани ги знаат случаите и нивниот револт ќе биде артикулиран на нивниот ден, на денот кога ќе гласаат. Да го држиш во заложништво работниот однос на човекот за да го имаш во рака кога ти треба е како да му го одзимаш лебот од уста. Покрај заканата за отказ од работа, во последните години се појави уште еден начин на уцена со вработување, тој на фиктивните договори кои се склучуваат и стопираат по неколку месеци, злоупотребувајќи ги парите на граѓаните, гушејќи ги институциите, терајќи ги институциите да работат само за платите на нивните потенцијални гласачи и на крај лажејќи ги и самите нив, не наоѓајќи им реална работа, потоа раскинувајќи им ги договорите, ставајќи им ги имињата на списоците на срамот како луѓе што земале плата, каде што сите се ставаат во иста вреќа и тие што оделе на работа и тие што не оделе, тие што навистина се труделе и работеле и тие што работеле во партиските штабови и во куќите на функционерите“, порача Бериша.
Од партијата ги повикаа „политичките партии кои се дел од власта да престанат со притисокот и производството на лажни договори, од многу причини“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Неоспорно е дека полицаецот не погледнува во мониторот и му дозволува на Груби да излезе, се води постапка дали има други вмешани
Бегалецот Артан Груби, поранешен министер и вицепремиер, сè уште не е достапен за македонската полиција. Министерот за внатрешни работи Панче Тошковски денес рече дека нема официјални податоци за тоа каде се наоѓа Груби, но извести дека за неговото бегство се истражува дали му помогнал само полицаецот или се работи за организирана група, која помагала.
„Неоспорно е дека полицискиот службеник не погледнува во мониторот и му дозволува да излезе, тоа е неоспорен факт. Тука имаме кривична пријава. Во делот на тоа дали ова е организирано, дали имало други вмешани, се води соодветна постапка под надлежност на Јавното обвинителство“, рече министерот Тошковски денес по седницата на управувачкиот Комитет за координација со системот за управување со кризи.
Тој посети дека Министерството за внатрешни работи уште од првиот ден кога, како што рече, се случил немилиот настан, презема дејства. Внатрешната истрага констатирала вина кај полицискиот службеник и поднела кривична пријава, а сето она што било обезбедено како доказен материјал е предадено на Обвинителството за да се утврди дали станува збор за група што го организирала бегството или е пропуст само на полицискиот службеник за кој се преземени и чекори во насока на суспензија.
Поранешниот вицепремиер и министер, Груби, е во бегство повеќе од еден месец. Министерот Тошковски, веднаш по бегството, го повика Груби да се врати во земјата и да докаже дека е чист како солза, како што тврдеше кога се најде на црната листа на САД. По него е распишана меѓународна потерница, а Кривичниот суд му одреди мерка притвор, која ќе се применува од моментот кога тој ќе стане достапен за органите на прогонот. Како соизвршител осомничен е за проневера во службата во истрагата за набавка на ВЛТ-апарати во „Државната лотарија“.
Македонија
Склучен договор за соработка и донација помеѓу Фондацијата „Никола Јанчев“ и МАНУ
Денешниот настан има огромно значење за Македонската академија на науките и уметностите (МАНУ), Фондацијата „Никола Јанчев“ и за Македонија. Потпишан е договор за соработка и донација, на три години, помеѓу Фондацијата „Никола Јанчев“ и МАНУ, што е резултат на посветените заложби на градоначалникот на Општина Кавадарци, г-дин Митко Јанчев и одборот на Фондацијата. Оваа поддршка е важен поттик за понатамошен развој на МАНУ, која има клучна улога во сочувувањето на нашето уметничко и културно наследство.
МАНУ, како највисока и самостојна научна и уметничка институција во земјата, игра одлучувачка улога во следењето на состојбата во науките и уметностите и во нивното унапредување. Академијата се залага за оспособување и усовршување на научно-истражувачките и уметничките кадри, како и за заштита и афирмација на македонското културно наследство и природни ресурси.
Од друга страна пак Фондацијата „Никола Јанчев“ дејствува во решавање на важни прашања, а со својата грижа и донации придонесува за долгорочен и одржлив развој на својата заедница. Фондацијата помага онаму каде е најпотребно, а фондот се гради од донираната Градоначалничка плата од страна на г-дин Митко Јанчев, како и од средствата дадени од компанијата “Кожувчанка”. Вкупниот износ на донација досега изнесува околу 5 милиони денари.
МАНУ помина низ значајна етапа од својот развој, но како и сите други институции, се соочува со големи предизвици што ги носи времето. Во наредните години, Академијата ќе продолжи да работи на остварување на својата мисија и визија, со цел да даде целосен придонес во интеграцијата на македонската наука и уметност во современите европски и светски научни текови, па затоа оваа соработка е од големо и клучно значење.
„Како претседател на Фондацијата „Никола Јанчев“ и Генерален менаџер на Компанијата „Кожувчанка“, би сакала да изразам огромна почит кон МАНУ и сите кои се дел од неа. Ме радува што Фондацијата од својот локален карактер прераснува во препознавање на национално ниво, сега и преку оваа од голема важност соработка со МАНУ. Верувам дека средствата ќе бидат имплементирани за сигурни цели, кои ќе поттикнат научно-истражувачка работа и постојана грижа за зачувување на македонското уметничко и културно наследство.“ – изјави г-ѓа Јанинка Чупаркоска, Претседател на Фондацијата „Никола Јанчев“ и Генерален менаџер на компанијата „Кожувчанка“.
Од Фондацијата „Никола Јанчев“ се надеваме на постојана и плодна соработка со Македонската академија на науки и уметности.
ПР текст
Македонија
Тошковски: Државата има тотално нефункционален систем, кој би требало да одговори на кризни состојби, пожари, поплави
Министерот за внатрешни работи, Панче Тошковски, истакна дека државата има тотално нефункционален систем, кој би требало да одговори на кризни состојби, пожари, поплави, и дека е потребно создавање функционален систем преку создавање квалитетна законска легислатива.
„Освен адхок-решенија, да создадеме систем што ќе биде функционален и да одговори на овие состојби. Ангажирани се странски експерти, кои со своето искуство ќе помогнат во насока на збивање на редовите во Македонија, што значи дека идејата на Владата за спојување одредени институции, најверојатно, ќе треба да се имплементира најбргу што може, да се создаде законска легислатива и понатаму да одговориме сериозно како што ѝ прилега на една држава“, истакна министерот Панче Тошковски.
Претседателот на ЗЕЛС и градоначалник на општина Кисела Вода, Орце Ѓорѓиевски, денес беше дел од седницата на упрвувачкиот комитет за координација и управување со Системот за управување со кризи, со која раководеше министерот за внатрешни работи, Панче Тошковски. На настанот во Центарот за управување со кризи, на кој присуствуваа и директорот на Центарот за управување со кризи, Стојанче Ангелов, министерот за одбрана, Владо Мисајловски, потпретседателот на Владата, Љупчо Димовски, директорот на Дирекцијата за заштита и спасување, Џевад Селами, како и директори и претставници на АД „Водостопанство“, УХМР, „Национални шуми“, беа дискутирани предлозите за привремено унапредување на кризниот менаџмент во делот на справување со какви било кризи и елементарни непогоди.