Македонија
Андоновски на средба со секретарите на сите општини во Македонија: Граѓаните да имаат брз пристап до потребните услуги
Дополнителниот заменик-министерот за информатичко општество и администрација, Стефан Андоновски, организира средба со секретарите на сите општини во Република Македонија.
„Се надевам дека оваа средба ќе биде почеток на една успешна комуникација, во која ќе имаме заеднички позитивни аспекти и меѓусебна поддршка“, рече Андоновски.
На средбата се дискутира за поддршката што првенствено треба да одговара на потребите на граѓаните. Исто така, важни апсекти, кои беа дискутирани на средбата, беа подобрување на комуникацијата помеѓу Министерството и локалната самоуправа, како и поттикнување на соработка и комуникација помеѓу секретарите од локалните самоуправи.
Андоновски посочи дека клучната поента е правилата што се однесуваат на работата на админстрацијата во општините мора да се креираат заедно со нив.
„Особено внимание ќе посветиме на создавање услови за поголема флексибилност на вработените, особено во помалите општини, со можности за работа на далечина, флексибилно работно време и поголема мобилност на вработените. Размислуваме за заживување на порталот за мобилност на вработените, каде што тие, по сопствена волја, ќе имаат можност да го променат своето работно место“.
Андоновски се осврна и на аспектите на дигитализација на услугите на општините и нивно поврзување помеѓу централните и локалните институции.
„Целта треба да биде граѓаните да имаат брз и ефикасен пристап до потребните услуги независно од тоа кој е давател на конкретната услуга“.
Секретарите на општините истакнаа дека е потребен процес на унифицирана дигитализација, каде што сите општини да користат исти централизирани апликативни решенија во делот на наплата на даноците, градежно земјиште, архива, софтвер за менаџирање со документи, софтвер за управување со човечки ресурси, унифицирани веб-страници и други.
Општините сметаат дека измените во Законот за административните службеници и Законот за вработени во јавниот сектор се неусогласени со Законот за минималната плата и тие воведуваат во нееднаквост на платата на службениците на исто ниво во различни дејности во јавниот сектор.
Присутните заклучија дека е потребна доработка на законите со широки консултации и земање предвид на забелешките на сите засегнати страни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Фон дер Лајен: За ЕУ неопходно е почитување на обврзувачките договори, меѓу кои и преспанскиот
Претседателката на Европската комисија Урсула Фон дер Лајен преку објава на социјалната мрежа „Икс“ порача дека почитувањето на Договорот од Преспа е обврзувачки за земјата да го продолжи патот кон Европската Унија.
„За Северна Македонија да го продолжи својот успешен пат кон пристапувањето во ЕУ, најважно е земјата да продолжи по патот на реформите и целосно почитување на нејзините обврзувачки договори, вклучително и Договорот од Преспа“, напиша Фон Дер Лаејн.
For North Macedonia to continue its successful path on EU accession it is paramount that the country continues on the path of reforms and full respect for its binding agreements, including the Prespa Agreement.
— Ursula von der Leyen (@vonderleyen) May 12, 2024
Нејзината објава се случува откако претходно денес, новоизбраната претседателка Гордана Силјановска-Давкова, положи заклетва во која го употреби името Македонија, што предизвика реакции во Грција.
Македонија
Украдени документи и компјутери во Управата за матични книги во Прилеп, сторителот непознат
Вчера во полицијата било пријавено дека во период од 10 до 11 мај, непознат сторител упаднал во канцелариски простории сопственост на Министерство за правда- Управа за водење на матични книги, подрачна канцеларија Прилеп.
„Сторителот украл документација, оштетил дел од документацијата и одзел монитори и куќишта од компјутери“, велат од МВР.
Се преземаат мерки за расчистување на настанот.
Македонија
Грчкото МНР реагира на заклетвата на Силјановска: „Европскиот курс зависи од употребата на уставното име“
Грчкото Министерство за надворешни работи упати реакција по денешна заклетва во Собранието на новоизбраната претседателка на државата, Гордана Силјановска-Давкова.
Од грчкото МНР велат дека и покрај тоа што во официјалниот текст на заклетвата што и’ беше диктирана, земјата се нарекува „Северна Македонија“, новата претседателка одлучи да ја нарече својата земја „Македонија“.
Со овој чин, велат од Министерството, грубо се крши Договорот од Преспа како и Уставот на соседната земја, кој е усогласен со нејзините меѓународни обврски.
„Грчката влада, и покрај приговорите што ги искажа како противење при ратификацијата на договорот, го почитуваше како ратификуван меѓународен договор кој има предност над која било друга законска одредба. Грција, во овој контекст, категорично наведува дека натамошниот напредок во нејзините билатерални односи со Северна Македонија, како и европскиот курс зависат од целосното спроведување на Договорот од Преспа и пред се од употребата на уставното име на земјата“, се вели во реакцијата.
За време на давањето заклетва, грчката амбасадорка во земјава ја напушти пленарната сала во знак на протест, а грчкиот весник „Катимерини“ напиша дека тоа било под директива на грчкото Министерство за надворешни работи.