Македонија
Апасиев: Измените на Деловникот на Собранието се удар против демократијата
![](https://makfax.com.mk/wp-content/uploads/2023/10/apasiev.jpg)
„Пречистените текстови на законите се рак-рана за правниците, прашајте ги во пракса. Не се воведува една многу едноставна одредба, да мора закон кој е менуван над 2 или 3 пати да е со пречистен текст. Не е тоа филозофија! Имаме закони кои се менувани по 20 пати. Следниот проблем кој не сакате да го решите е неодзивањето на поканите на јавни функционери. Во САД не може да се случи некој во Конгресот да не дојде ако е повикан. Немаме реперкусија за функционер кој ние го бираме, ако не ни дојде еднаш, два пати, три пати, пет пати. Имаме ситуации кога цела година, цел мандат не доаѓа Јавен обвинител! Со паушални образложенија дека не може, дека е во странство, ваму-таму. Една одредба е, не е тоа филозофија некоја! Ставаме став каде што неодзивање на покана од Собрание е основ за разрешување, па нека си ја чукаат главата потоа дали нема да дојдат или ќе дојдат“, рече претседателот на Левица, Димитар Апасиев на Комисијата за Деловнички и мандатно-имунитетни прашања за измените во Деловниот за работа на Собранието.
„Следното е дискрецијата, затоа реков султанат! Наместо да го деконцентрираме спикерот, ние уште толку му даваме ингеренции!
Зошто Претседател на држава да не може да побара да се свика Собрание? Зошто Владата да не може да побара да се свика Собрание? Зошто 20 пратеници пак, или ако не сакате 20, може повеќе, ама кога ќе побара дел од органот да се свика седница, тоа не е некоја филозофија, не е којзнае што!
Го легализирате шверцератот со ЕУ знаменце. За јавноста да биде појасно, што е суштината на шверцератот: досега, шверцератот се правеше преку Комисијата за Европски прашања. Ако нешто не може да помине, се става европско знаменце и оди таму. Во новиов Деловник, сите закони во следниот парламентарен состав ќе бидат како сегашниот со европско знаменце. Тогаш, чуму ви е опозиција? Ова е единствениот орган каде што ние како опозиција може да ја натераме власта да преговара. Не можеме во Влада, тука можеме! Америка која е најстара демократија, не се осмелила филибастерот да го укинува, сега вие ќе го укинете?
Три дена? Јал-не јал, битка со ветерници, зошто да земам збор јас првиот ден кога знам дека на третиот ден вие ќе си го поминете законот? Зборувам, можеби во иднина Левица нема да биде опозиција, меѓутоа, принципиелно зборуваме, за било кој тука да е опозиција. Ова е парализа на парламентаризмот којшто го предлагате. Затоа, Левица нема бланко поддршка на овој процес и затоа Левица ќе даде суштински амандмани за кои верувам ќе преговараме, дека нема да идеме на нож во овој процес, за да на крај во ноември или декември си го изгласате како најмал заеднички соддржател на овие сили кои се собрале, политички сили кои се собрале во овој парламентарен состав за да работат во следниот“, додаде Апасиев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Зголемена е фреквенцијата на сите гранични премини за влез во земјава
![](https://makfax.com.mk/wp-content/uploads/2022/08/tabanovce-900x600-1.jpg)
Зголемена е фреквенцијата на сите гранични премини за влез во земјава, информираат од АМСМ.
Најголем интензитет на сообраќај има на Граничниот премин „Табановце“, каде се чека околу два часа, додека на останатите гранични премини од АМСМ велат дека се чека по околу еден час.
Од АМСМ нагласуваат дека зголемен е интензитетот на сообраќај на патните правци надвор од градските средини. Препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Лажен оглас за бесплатен курс по Англиски јазик од Владата кружи на социјалните мрежи
![](https://makfax.com.mk/wp-content/uploads/2024/06/kurs.jpg)
На извесна страница на Фејсбук Family service е злоупотребено името на Владата на Македонија дека наводно нуди бесплатни часови по англиски јазик. Станува збор за измама, какви што деновиве кружат по Фејсбук.
На огласот на кој има грб, на лош македонски јазик пишува дека „Владата на Северна Македонија нуди бесплатни курсеви по англиски јазик за лица од 18 до 65 години“, почнувајќи од јуни 2024 година. Во огласот се наведува дека Владата ќе им додели бесплатен таблет и сертификат во рок од 4 недели.
Некои граѓани поверувале дека огласот е вистински, што се гледа од коментарите под постот. „Почнаа со популистички мерки“, „Нема каде да се аплицира“, се дел од коментарите на граѓаните.
Погледнете како изгледа лажниот оглас и најважно, не го отворајте!
Македонија
Уште еден хеликоптер на МВР се вклучи во борбата со големиот пожар кај Сушево и Злеово
![](https://makfax.com.mk/wp-content/uploads/2024/06/helikopter-lllllll.jpg)
Поради сериозноста и ризикот од пожарот кај с.Сушево и с. Злеово на гаснењето се приклучи и втор хеликоптер на МВР, информираат попладнево од Центарот за управување со кризи.
Пожарот на отворено, кој вчера попладне започна на територијата на општина Василево се уште е активен, се разгорува и се приближи во непосредна близина на село Сушево, а се шири и кон село Злеово поради што за гаснење беше вклучен еден полициски хеликоптер.
Хеликоптерот на МВР „МИ-171“ полни вода од малата брана, ископ за песок до Акумулација „Турија“ и носи брзо вода кон опасниот крак на пожарот што се доближи дој селото Сушево, Струмичко..
Полнењето вода и дејствувањето по пожарот храбрите пилоти на МВР го извршуваат во интервал од три до пет минути, информираа од Центарот за управување со кризи.
На терен се екипи на струмичката Територијална противпожарна единица.