Македонија
Арсовски: МВР излажа дека не се крадело струја – ЕВН вели дека нема посебни броила во ГТЦ

„Три дена молчат и директорот на ГТЦ Ѓоко Трајчевски и претседателот на бордот на директори Трајанка Тасевска, која инаку е сопругата на директорот на БЈБ при МВР.
Во сред ГТЦ во подрумите позади мене се копало криптовалути нелегално неколку години откако е СДСМ дојден на власт, се копало со крадена струја, а МВР не сака да преземе никаква одговорност и ги штити криминалците.
Зошто МВР пред три дена ја повлече полицијата да не ја изврши својата работа?
Дали затоа што ургирала сопругата на директорот на БЈБ Сашо Тасевски или, пак, затоа што ургирал коалицискиот партнер на Зоран Заев, за кого се смета дека е сопственик на машините за копање криптовалути, а тоа е семејството Бајрам?
Како и да е, МВР има двојни аршини за криминалот.
Оливер Спасовски и МВР ги штитат овие луѓе, кои имаат украдено струја преку ГТЦ во вредност од стотици илјади, а можеби и милиони евра.
Замислете, МВР излезе и кажа дека не се крадело струја и при тоа разговарале со ЕВН, од каде им потврдиле, а од ЕВН, пак, велат дека таму немаат дополнителни броила и практично потенцираа дека МВР со нивната изјава во јавност лажат и со тоа уште еднаш го штитат криминалот.
Да резимираме, директорите на ГТЦ, коалицискиот партнер на Заев, семејството Бајрам, и МВР се соучесници во овој сериозен криминал кој тежи стотици илјади евра украдена струја. А нормално мора да е одобрен од Зоран Заев.
Сите треба да одговараат кривично, бидејќи 3 години штителе криминал и крадење струја, бидејќи и самите тие се соучесници во овој случај.
Молчењето на МВР, Ѓоко Трајчевски и Трајанка Тасевска е доволна потврда дека се замешани во сериозен криминал и се фатени живи.
Одговорност, но и надомест на штета мора да има“.
Димче Арсовски, портпарол на ВМРО-ДПМНЕ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски и Петрушевски со лаги го покриваат бугарскиот капитал на ВМРО-ДПМНЕ, велат од СДСМ

Бране Петрушевски, човекот кој граѓаните го паметат како борец против покачувањето на платите и непријател на работниците, очајно се обидува преку лаги да ја скрие вистината за Мицкоски и раководството на ВМРО-ДПМНЕ. А вистината е дека пола раководство, води фирми во Бугарија и според информациите во медиумите така ја финансираат партијата, велат од СДСМ.
„Затоа Бране Петрушевски и Мицкоски се надеваат дека со своите измислени приказни ќе го покријат срамот и лицемерието на нивната партија.
Година и пол неспособните од ВМРО-ДПМНЕ ја замајуваат јавноста, со хибридни напради, со дестабилизации, со дронови и измислени афери кои и пропаднаа една по една. Причирната е јасна, друго не знаат да сработат и да понудат.
Му порачуваме на Бране Петрушевски и ВМРО-ДПМНЕ дека се прочитани и дека граѓаните овие нивни лаги веќе не ги слушаат“.
Наместо решенија и проекти, според нив, ВМРО-ДПМНЕ понуди само црна кампања против опозицијата, очајна стратегија на неуспешни и пропаднати политичари кои за година и пол докажаа дека власт не ја заслужуваат.
СДСМ, додаваат од таму, ќе продолжи да ја разоткрива оваа лажна и лицемерна власт и нема да влегува во калта во која тие се чустуваат комотни.
„Ќе зборуваме за реалните проблеми на луѓето, за платите кои не ги качуваат, за партизацијата која брутално ја прават, за блокираните реформи во секоја сфера, за криминалот и корупцијата која ја јаде државата“.
Македонија
Герасимовски: Парк кај Зелен пазар, реконструкција на вториот дел на Ленинова и модернизација на 30 улици и пјацети

Кандидатот за втор градоначалнички мандат Горан Герасимовски, најави вложувања во реконструкција на улици, уредување на јавни простори и зголемување на безбедноста на сообраќајот.
„Нови пешачки патеки, декоративно осветлување и повеќе зеленило долж улиците. Тоа е мојата визија, предвидена во новата програма. Приоритет ќе имаат пешаците и жителите, безбедноста е најважна, особено за семејства со деца, постари лица и велосипедисти“, рече Герасимовски.
Еден од поголемите проекти ќе биде целосната реконструкција на улицата „Ленинова“, на потегот од булеварот „Партизански одреди“ до Паркот на франкофонијата, според него.
„Ќе го обновиме она што е започнато со „Ленинова“, по истиот терк како и првиот дел на улицата. Ќе ги обновиме тротоарите, ќе поставиме велосипедска патека и ќе засадиме зеленило долж целата улица“, додаде тој.
Предвидено е и уредување на делот од Градски ѕид, од Зелен пазар до улицата „Македонија“.
„Просторот темелно ќе биде трансформиран со ново хортикултурно уредување, поставување клупи, светилки и уредени пешачки патеки. Ќе има функција на мини урбан парк и ќе го поврзува пазарот со деловниот и станбен дел на општината. Овој потег е исклучително фреквентен и неговото уредување ќе има директно позитивно влијание врз секојдневието на илјадници граѓани“, истакна Герасимовски.
Планирани се реконструкции и партерно уредување на над 30 пјацети и улици, меѓу кои „Коле Неделковски“, „Христо Смирненски“, „Коста Веселинов“, „8 Март“, „Наум Наумовски Борче“, и др.
Во изминатите четири години, Општина Центар реконструираше 24 улици, со што се подобри инфраструктурата и се зголеми безбедноста на сообраќајот.
На барање на граѓаните се санираше улицата„ Орце Николов“, во делот на „лежечките полицајци.
,,Ги слушаме граѓаните и реагираме таму каде што е најпотребно. Таков беше случајот со улицата „Орце Николов“, која сега, по санацијата, е многу побезбедна“ рече Герасимовски.
„Овие четири години покажавме дека со труд и посветеност можеме многу да промениме. Продолжуваме со нов елан и со јасна визија , да го направиме Центар функционален и поубав, по мерка на секој граѓанин“, заклучи Герасимовски.
Македонија
Меџити: Интензивна изградба на булевари и паркинзи во Чаир е врвен приоритет

Кандидатот на владината коалиција ВЛЕН за градоначалник на Општина Чаир, Изет Меџити, на денешната прес-конференција го претстави првиот основен столб на изборната програма, детален план за целосна модернизација на патната инфраструктура и конечното решавање на проблемот со паркирањето во општината Чаир.
Во своето обраќање, Меџити истакна дека Чаир ќе биде модерна, уредена и функционална општина, каде што секојдневниот живот на граѓаните ќе биде полесен и поквалитетен. Според него, најголемата инвестиција во историјата на Чаир ќе се реализира во областа на паркирањето, со
конкретни проекти што ќе го олеснат животот на жителите.
„Нашата визија е јасна, Чаир ќе стане модерна, уредена и функционална општина, место каде што секојдневниот живот на граѓаните е олеснет, а не отежнат. Затоа, во следните четири години, нашиот фокус ќе биде на капитални проекти што носат ред, безбедност и европски стандарди. Нема
да има импровизации, туку системски решенија. Имаме владина одлука и отворена набавка за изградба на подземна гаража на две нивоа под плоштадот „Скендербег“, со капацитет од 800 возила и површина од над 12.500 метри квадратни. Ова ќе го ослободи централното јадро, ќе овозможи нормално функционирање и ќе ја зголеми вредноста на Чаршијата,“ изјави Меџити.
Според него, ќе се изградат и катни гаражи на пет клучни локации.
Кандидатот на ВЛЕН за градоначалник на Општина Чаир, Изет Меџити, најави широка офанзива за изградба и реконструкција на патишта, со цел Чаир да добие модерна и безбедна инфраструктура за пешаци, велосипедисти и возила.
Меѓу најзначајните проекти, според него, се проширувањето на улицата „Цветан Димов“ во булевар со шест ленти и велосипедски патеки, проширување на булеварот „Мит’хат Фрашери“, поврзувањето на улицата „Џон Кенеди“ со булеварот „Никола Карев“, што ќе создаде нов коридор за сообраќај, изградба на булеварите „Хрватска“ и „Црна Гора“ кои ќе го олеснат движењето од Автокоманда кон Сарај, како и изградба на кружен тек во Гази Баба, во близина на парк шумата Гази Баба, кај Природно-математичкиот факултет.
Понатаму, Меџити го претстави и планот за целосна реконструкција на улиците во неколку важни маала на општината.
„Ќе воспоставиме ред и европски стандарди. Ќе има целосно ново јавно осветлување и подземни електрични инсталации во Стариот Чаир и Топанско Поле за поголема безбедност и модерен изглед. Ќе работиме на систематизација на еднонасочните улици,“ изјави кандидатот на ВЛЕН за градоначалник на Општина Чаир, Изет Меџити.