Македонија
Арсовски: Насила се држи судија поротник кој досега треба да е заминат во пензија во случаите против ВМРО-ДПМНЕ
Судијата поротник Митко Сандев, во случаевите „Талир“, каде што е обвинета ВМРО-ДПМНЕ и поранешни нејзини функционери, има навршено полни 60 години, но насила се држи иако досега треба да е заминат во пензија, обвини на прес-конференција портпаролот на опозициската партија, Димче Арсовски.
Од опозицијата велат дека претседателот на кривичниот суд, Иван Џолев, треба да поднесе иницијатива кај претседателката на Судскиот совет, Павлина Црвенковска, за прекин на мандатот на Сандев.
„По наредба на Заев, Иван Џолев не поднесува никаква иницијатива за престанок на функцијата на Митко Сандев со навршени 60 години, со што сака дополнително да врши терор врз ВМРО-ДПМНЕ, кој на Заев во моментов му е многу потребен бидејќи се ближат локалните избори, но и ВМРО-ДПМНЕ сериозно води на анкетите“, вели Арсовски.
Тој изјави дека со ваквата постапка, Иван Џолев прави кривично дело за непочитување на законот и институциите и се однесува како деспот во Судот, додека, пак, настрана од тоа што и самиот Џолев може да одговара кривично за непочитување на закон, свесно го турка и кутриот Митко Сандев во кривично дело вршејќи му притисок да не ја напушта функцијата судија поротник, иако мора да ја напушти затоа што има веќе полни 60 години.
ВМРО-ДПМНЕ прашува „дали Иван Џолев е човекот кој му вршел притисок на Митко Сандев и му се заканувал да не ја напушта функцијата и незаконски да делува како судија поротник, што целата понатамошна постапка за случаевите ја прави незаконита“.
Дополнително, од партијата потенцираат, дека ваква пракса за менување судија поротник кој навршил 60 години е редовна и нормална, имајќи предвид на пример дека судскиот совет го разрешил одреден судија поротник во основниот суд во Гостивар и назначил нов и вакви случаи можеби годишно има десетици, но и стотици.
Арсовски вели дека вчера седница имал судскиот совет и на една од точките разрешувал судии поротници со навршени 60 години, каде штто според информациите на ВМРО-ДПМНЕ еден таков бил и скопскиот суд, но тоа не бил Митко Сандев.
„Иван Џолев за едни работи според закон, за други работи според личните желби на Зоран Заев. Еден апел и порака лично до претседателот на Судот, Иван Џолев, да не ја обесчестува функцијата претседател на Судот, колку и да му е должен на Зоран Заев затоа што го поставил на таа позиција тој мора да работи според закон, односно да ги преземе неопходните иницијативи уште веднаш, бидејќи и самиот тој е свесен дека кривично ќе одговара доколку продолжи да го прекршува законот, само заради желбите на Зоран Заев“, порача Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 32.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.