Македонија
Арсовски: Шахпаска ја вработила золвата, а Чичаковски братучетката
![](https://makfax.com.mk/wp-content/uploads/2019/02/Димче-Арсовски-1.jpg)
Власта е оперирана од срам и морал. Затоа, речиси и да нема функционер што не е заразен од епидемијата на непотизам, изјави портпаролот на ВМРО-ДПМНЕ, Димче Арсовски.
Тој денеска обвини дека пратеничката Јагода Шахпаска си ја вработила својата золва, Маја Двојаковска, во Општина Берово, а потоа го вработила и нејзиниот сопруг во „Македонски шуми“ на договор на дело.
„Најверојатно, планот ѝ бил да добие решение по изборите“, рече Арсовски.
ВМРО-ДПМНЕ како пример за непотизам го посочува и поранешниот претседател на ДИК, Александар Чичаковски, кој, како што тврди, си ја вработил својата прва братучетка Емилија. Опозицијата го обвини и Пеце Мирчевски, директорот на СОЗР, дека си го вработил својот шура како инспектор во МВР.
„Нема што повеќе да се каже. Целата јавност го гледа лицемерството на СДСМ. Едно зборуваа пред изборите, сега друго прават. Жално е што за сметка на функционерите на СДСМ и нивните роднини, другите обични граѓани се принудени да си го бараат своето чаре надвор од државата“, истакна Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Црвена Младина со герила акција пред седиштето на СДСМ: Вратите на Левица се отворени за сите вистински левичари
![](https://makfax.com.mk/wp-content/uploads/2024/07/crvena-mladina-gerila-akcija.jpg)
Црвената Младина со герила акција пред седиштето на СДСМ за време на внатрепартиските избори за претседател.
„Во период кога партијата се соочува со криза на лидерство и членството е во бунило, ние, како авангарда на работничката класа, одлучивме да подадеме рака на малкумината искрени и чесни левичари кои веруваме дека ги има во СДСМ“, велат од Црвената Младина.
„Со акцијата, им порачавме на сите вистински левичари во СДСМ дека вратите на Левица се отворени за нив. Спремни сме да ги пречекаме сите кои се борат за праведно и солидарно општество. На присутните им поделивме пристапници за членство во политичката партија Левица. Црвена Младина ќе продолжи со своите активности и ќе стои на страната на работниците и ситр угнетени. Нашата борба е борба за социјална правда, еднаквост и слобода“, соопшти Црвената Младина.
Македонија
Изгаснат пожарот во станот во Ѓорче Петров
![](https://makfax.com.mk/wp-content/uploads/2023/02/Pozarnikari-Skopje.jpg)
Пожарот кој се случи во станбената зграда на улицата Виа Игнација број 8 во општина Ѓорче Петров е локализиран и изгаснат, извести директорот на Центарот за управување со кризи, Стојанче Ангелов.
Во пожарот нема повредени лица, додаде тој.
Македонија
Мицкоски се сретна со хрватската амбасадорка: Македонија и Хрватска треба да ги искористат капацитетите на заедничкото пријателство
![](https://makfax.com.mk/wp-content/uploads/2024/07/tiganj-mickoski.jpg)
Премиерот Христијан Мицкоски информираше дека денеска се сретнал со амбасадорката на Република Хрватска, Нивес Тигањ.
„Ги потврдивме исклучителните пријателски односи меѓу двете држави“, кажа Мицкоски и додаде дека изразил благодарност за поддршката која ја добива државава од пријателска Хрватска.
„Македонија и Хрватска треба да ги искористат капацитетите на заедничкото пријателство“, рече премиерот.