Македонија
Асоцијација на пронаоѓачи: Драги Рашковски треба да го поддржиме, а не да го плукаме

Ако нашиот пронаоѓач проф. д-р Драги Рашковски ѝ укажал чест на нашата држава и го пласира тука неговиот патент од областа на безбедност на сообраќајот треба да го поддржиме, а не да го плукаме, велат од Националната асоцијација на пронаоѓачи на Македонија.
Од таму апелираат до сите партиски организации своите препукувања да не ги прават на штета на пронаоѓаштвото и велат дека сега сме во 2021 година, а не 1903 и дека светот оди напред, а ние мораме да го следиме.
Од Национална асоцијација на пронаоѓачи на Македонија се обратија до ВМРО-ДПМНЕ преку соопштение по однос на, како што велат, нападите кон нивниот член Рашковски.
„Почитувани, ја цениме вашата загриженост за пронаоѓаштвото во нашата држава. Но би сакале да ве потсетиме, во 2006 год. во тогашната Република Македонија имавме 340 домашни патентни пријави за во 2016 овој број драстично да се намали на само 29 домашни патентни пријави. Вашата грижа за пронаоѓашвото нè донесе во затворен партиски кафез. Од тие причини е формирана Национална асоцијација на пронаѓачите на Македонија (НАИМ) со чие основање на нашите пронаоѓачи им отворивме светски пат, за нивно претставување на речиси сите континенти. НАИМ за многу кус период успеа да стане светски признаена организација и полноправна членка на ИФИА (Светска федерација на иноваторски асоцијации).
Би сакале и да напомнеме дека патентите се правна категорија, со која авторите (носители на патентните права) имаат монополско право на располагање и одлучување врзани за нивниот патент. Исто така треба да се знае дека патентите не подлежат на тендери. Патем, кога се работи за ваков вид патентирна безбедносна опрема, таа може да се продаде само на институции кои се за тоа надлежни или на друга компанија (а во тој случај, истата би требале да ја увезуваме) ваква опрема не може да се продаде на Бит-пазар“, велат од Националната асоцијација на пронаоѓачи на Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Метеж на границите: се чека до 40 минути на Табановце за влез и на Богородица за излез од државата

Сообраќајот на државните патишта се одвива по суви коловози.
Денеска, во временски период од 08:00 – 17:00 часот поради обезбедување на велосипедска трка, сообраќајот на регионалниот пат во село Доброшане кон Свети Николе до место викано Студена Вода ќе биде во прекин, извести АМСМ.
Исто така во време од 09:00 часот до 14.00 часот поради обезбедување на велосипедска трка, сообраќајот на стариот пат за Крива Паланка на потег на место викано Салон кај ресторан Фемили па по регионалниот пат Куманово кон граничен премин Пелинце до Меморијален центар АСНОМ во село Пелинце ќе биде во прекин.
Повремено затворање на регионалниот пат Куманово – граничен премин Пелинце е планирано и за наредниот ден.
Интензитетот на сообраќај на патните правци надвор од градските средини е зголемен. На ГП Табановце за влез и ГП Богородица за излез од државата се бележи зголемена фреквенција на возила, времето на чекање е околу 30-40 минути. На останатите гранични премини од македонска страна, нема подолги задржувања за влез и излез од државата.
Македонија
Муцунски ќе се сретне со грчкиот министер за надворешни работи: зајакнување на односите меѓу двете земји во фокусот на разговорите

Министерот за надворешни работи и надворешна трговија, Тимчо Муцунски, денеска во 12:00 часот, во рамки на работната посета на Атина, ќе оствари средба со неговиот хомолог, министерот за надворешни работи на Грција, Јоргос Гераптеритис.
Како што извести Министерството, во фокусот на разговорите се очекува да бидат идните активности за зајакнување на односите и соработката меѓу двете земји, со акцент на економската и енергетската соработка и инфраструктурното поврзување.
Европската интеграција на регионот, како и актуелните геополитички случувања, исто така ќе бидат дел од темите за кои ќе се разговара, водени од заедничкиот интерес за зајакнување на регионалната стабилност и просперитет на двете земји како непосредни соседи и НАТО-сојузници, се додава во соопштението на Министерството.
Македонија
Сончево и многу топло со температури до 41 степен

Времето денеска, сончево и многу топло со мала до умерена локална облачност. Ќе дува слаб до умерен ветер од променлив правец.
Минималната температура ќе биде во интервал од 12 до 21, а максималната ќе достигне од 35 до 41 степен.
Во Скопје, сончево и многу топло со слаб до умерен ветер од северозападен правец. Минималната температура ќе се спушти до 21, а максималната ќе достигне до 41 степен.
До сабота (26.07) ќе се задржи сончево и многу топло време со мала до умерена локална облачност. Дневната температура наместа ќе надминува 40 степени и насекаде ќе биде над просекот за месец јули.
Во недела ќе има локална појава на нестабилност со пороен дожд и грмежи, а дневната температура ќе биде во опаѓање.
Фото: принтскрин