Македонија
Ахмети, Груби и Ковачевски се најголемите кочничари на патот на Македонија кон ЕУ, посочува Ковачки
Драган Ковачки, член на ИК на ВМРО-ДПМНЕ и пратеник во Собранието во рамките на активностите кои ги организира ВМРО-ДПМНЕ беше во посета на Делчево поточно во местата Бигла и Габрово каде јасно потенцира дека иако власта ветуваше живот за сите и европски вредности, за жал од тоа денес нема ништо.
-Денеска се наоѓаме во општина Делчево, во посета на населените места Бигла и Габрово, тука сме да видиме дали животот кој што го ветуваа дали е дојден и тука сме да видиме дали дојдоа европските вредности кои што ги ветуваа. За жал од европските вредности гледаме дека нема ништо, а владата на ДУИ и СДС предводена од Ахмети, Артан Груби и Ковачевски е најголемиот кочничар на патот на Македонија кон ЕУ, рече Ковачки.
Ковачки во текот на својата посета укажа дека Европа не сака криминалци како СДС и ДУИ и затоа потребни се промени односно избори каде ќе се претстават нови луѓе кои ќе донесат енергија и свежа сила во земјата.
-Не може преку злоупотреба на европското знаменце да се крадат пари и за тоа никој да не одговара. Никој не сака да седи во Европа на маса со криминалци и со корумпирани политичари. Ова мора да се промени. На Македонија и се потребни избори, на Македонија и се потребни нови луѓе, свежа сила, енергија, луѓе којшто ќе знаат да се соочат со проблемите. Тука сме во овие населени места да ги слушнеме проблемите на граѓаните, порача Ковачки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Петровска: Предлог законот за бранители не е шаховска игра, ниту обид за дестабилизација
Изјавите и коментарите на партиите од власта кои ги слушнавме и прочитавме изминативе десетина дена поврзани со Предлог законот за изменување и дополнување на Законот за посебните права на припадниците на безбедносните сили на Република Северна Македонија и членовите на нивните семејства, по скратена постапка се пораз за демократијата, демант на сите изјави на истите тие политичари кои велеа дека сме свесни за значењето на соживотот, меѓуетничките односни, но и најголем доказ дека некои политичари не ја сфатиле суштината на интеграцијата во Европската унија и не ја сфатиле својата улога во нашето општество, истакна на денешната прес-конференција Славјанка Петровска, пратеничка на СДСМ.
Предлог законот, според неа, има една единствена цел, а тоа е да се допрецизира право кое е веќе утврдено во законите и да се предвидат одредби кои ќе значат правилен и правичен надоместок за жртвите и настанатите последици.
„Но, наместо дебата, наместо дисусија за подобрување на текстот на законот, изјавите се сведоа под секое ниво и за жал, партиите на власт наместо да покажат државнички капацитет, покажаа незрело однесување и се впуштија во натпревар за тоа кој ќе го има последниот збор или кој ќе излезе со некој досетлив предлог. Почитувани колеги пратеници од власта, овој предлог закон не е шаховска игра, не е ниту провокација, ниту обид за дестабилизација. Овој предлог закон е одговор на барањето за правда и правичност и тоа се мотивите заради кој овој закон е поднесен. И овој закон не се однесува само на припадиниците на безбедносните сили кои учествувале во воениот конфликт во 2001, туку и на оние кои загинале извршувајќи задачи во интерес и заштита на Република Северна Македонија. Ако денес мене како предлагач ме обвинувате за дестабилизација и скриени намери, тогаш значи ли тоа дека и во ноември 2023 година кога ДПМНЕ го поднесе предлог законот правеше провокација? Дали тогаш нивниот предлог беше предизборен маркетинг и злоупотреба на ова прашање за изборни цели? Не сакам да помислам дека ова е така“, вели Петровска.
Додаде дека јавноста има право да ја знае вистината, и соопши дека предлог-законот кој тогаш бил поднесен како иницијатива од Достоинство бил подготвен во нејзиниогт кабинет како министерка за одбрана во координација со Стојанче Ангелов.
„Но, заради неговата одлука да направи предизборна коалиција со ДПМНЕ, тој предлог-законот го поднесе како сопствена иницијатива, а не како предлог на Владата. И тој предлог-закон СДСМ го поддржа. Наместо од ДПМНЕ да уценуваат со писма кои постапката ја враќаат чекор назад, нека го задолжат Претседателот на Собранието да го примени Деловникот, исто онака како што тоа го направи за задолжувањето од Унгарија и согласно член 126 став 3 нека ја закаже седницата на комисијата за труд.
Во спротивно, изјавите на првиот вицепремиер Меџити дека ставот на владејачката коалиција е дека овој закон нема да се донесе ќе биде потврда дека ДПМНЕ во Собранието се само бројка и немаат капацитет да ги реализираат ветувањата“, нагласи Петровска.
Македонија
Мицкоски: За следната година предвиден е раст на платите во образованието и во други институции
Претседателот на Владата на Република Северна Македонија Христијан Мицкоски, на новинарско прашање, дали наредната година може да се очекуваат раст на платите во државната администрација изјави:
„Па ќе има, предвидено е тоа во рамките на Буџетот, имаме една работна верзија којашто ја до средуваме. Оваа недела би требало да ја до средиме и почетокот на следната и очекувам веќе следната недела да се најде на владина седница предлог-верзија на Буџетот за следната година. Па потоа, нормално како што е редот и процедурите да се најде пред пратениците во македонското Собрание. Така што предвидени се раст на платите и во рамките на образованието и во рамките на некои други од институциите, во зависност од можностите. Очекувам консолидирањето да заврши до крајот на годината“.
Премиерот Мицкоски истакна дека поголем дел од наследените долгови од претходната власт се враќаат, очекува следниот месец државата да влезе во позитивно салдо.
„Веќе големиот дел од долговите полека, но сигурно се враќаат, полека сметката на Владата излегува од она негативно салдо коешто го наследивме. Ќе потсетам сметката на Владата, 24 јуни беше околу минус 12 милијарди денари, минус 200 милиони евра, сега сме тука некаде се приближуваме кон позитивна нула. Очекувам дека овој месец октомври, веќе ќе влеземе во плус. Дел од долговите се враќаат, заборавените обврски се исполнуваат. Морам да ви кажам, еве денеска пред да дојдам тука имав состанок со директорот на поранешно ЕЛЕМ, денешно ЕСМ, таму долгувањата се некаде околу 5 милијарди денари. Некако оваа петка им станувала заштитен знак. Пет милијарди долгови за пензионерите, пет милијарди за Фондот за здравство, пет милијарди ЕСМ итн. итн. Од долгови, како да кажам се таложеле, пари се калапеле во приватни џебови, отприлика таа е реалноста којашто ја наследивме. Но, нема кукање, нема жалење, затоа ја добивме довербата од граѓаните жестоко да работиме и да излеземе од ова мочуриште коешто го наследивме и конечно да влеземе во процес на развој и на проекти“, подвлече премиерот Мицкоски.
Скопје
Пуштени во употреба новото детско и кошаркарско игралиште во Бучинци
Општина Илинден со засилено темпо работи на изградба и реконструкција на спортските терени во повеќе населени места. Деновиве беше пуштено во употреба новото детско и кошаркарско игралиште во населено место Бучинци. Во рамки на детското игралиште поставени детски реквизити, лулашка, лизгалка, клацкалка, клупи, канти за отпадоци за почиста и поубава средина, партерно уреден простор со павер елементи.
Дополнително во рамки на детското игралиште изградено е кошаркарско игралиште со бетонска подлога, кош и партерно уреден простор.
Градоначалникот на Општина Илинден, Александар Георгиевски, истакна дека децата и младите од Бучинци добија ново катче каде можат да го поминуваат слоборното време во игра, забава и спортски дух.
Новото детско и кошаркарско игралиште претставува континуитет на успешните проекти на општина Илинден, нов уреден простор за рекреација и забава на најмладите во општината. Во наредниот период ќе бидат изградени нови и реконструирани постојните игралишта и во останатите населени места, велат од општината.