Македонија
Без струја дел од општина Карпош, Гази Баба, Студеничани и Кисела Вода

Од „ЕВН Македонија“ АД информираат дека во текот на денот се планирани исклучувања во електро-системот во делови од општина Карпош, Гази Баба, Студеничани и Кисела Вода.
Во нивното соопштение се наведува дека во период од 09:00 до 15:00 часот без струја ќе бидат дел од корисниците од улицата „Борка Талески“ во општина Карпош.
Понатаму се додава во соопштението, во периодот од 08:30 до 10:00 часот без екетрична енергија ќе бидат и корисниците од ЕКО КЛУБ во кругот на МЗТ, дел од МЗТ (Заеднички служби), фирмата Ариље Метал во близина на трафостаницата МЗТ и потрошувачите во близина на трафостаницата, во општина Гази Баба.
Во периодот од 09:00 до 15:00 часот без струја ќе бидат и корисниците од улиците 4, 6 и 7 во село Батинци, во општина Студеничани, додека пак корисниците улицата „Благоја Гојан“ броевите 4А, 4Б, 14, 16, 18 и 20 во општина Кисела Вода, без електрична енергија ќе останат во периодот од 08:00 до 13:00 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.