Македонија
Без струја ќе останат повеќе делови на Скопје

Од ЕВН Македонија информираат дека без електрична енергија ќе останат делови на Илинден, Аеродром, Сопиште, Карпош, Центар и Кисела Вода.
Во периодот од 8 до 12 часот струја ќе немаат корисниците од улиците со броевите: 406, 415, 500, Т-мобаил Марино (општина Илинден), од 8:30 до 14 часот, корисниците од улицата Гаврил Константиновиќ (општина Аеродром), од 8:30 до 17 часот, корисниците од селата: Јаболци, Осинчани, Елово, Малчишта, Патишка Река, Црн Брв, Дражилово, Нова Брезница, како и ХПП ПЦЦ Хидро, Сателитскиот центар, Ловиштето „Јасен“, каменоломот „Рудокоп“ и останатите стопански и нестопански објекти во тој реон (општина Сопиште) и од 8:05 до 15:30 часот, корисниците од улиците: 19, 38, 9, 8, 7, 15, 13, 14, ТИРЗ-Пумпа „Илинден“, ЗИК- Пумпа Илинден и објектите од непосредна околина (општина Илинден).
Во период од 8:30 до 12 часот струја ќе немаат и корисниците од улиците: Миле Поп Јорданов, броевите:25 и 42-а, Јуриј Гагарин броевите:29 и 35и хотелот „Гранит“ (општина Карпош), од 9 до 14 часот, корисниците од улицата Питу Гули (општина Центар), од 9 до 13 часот, корисниците од улицата Михајло Апостолски (поранешна Каирска) од бројот 2 до бројот 16 и објектите во непосредна близина (општина Карпош), од 9 до 13 часот, корисниците од улицата Скупи и подулиците: со бројот 12 и 20 и објектите во непосредна близина (општина Карпош) и во периодот од 9 до 12 часот, корисниците во кругот на поранешна „Стаклара“ и објектите во непосредна близина (општина Кисела Вода).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце за излез од државата се чека по 20 минути

Сообраќајот на државните патишта се одвива непречено, по суви коловози, информира АМСМ.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 20 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Притвор за уште едно лице од групата која е под истрага за злосторничко здружување, даночно затајување и перење пари

Управата за финансиска полиција информира дека во текот на вчерашниот ден, 28.08.2025 година, на граничниот премин „Долно Блаце“, при обид за влез во РСМ, е лишен од слобода С.А., државјанин на Р.Косово, за кој постои основано сомнение дека сторил кривично дело „Злосторничко здружување“ (чл.394 ст.2) и кривично дело „Даночно затајување“ (чл.279 ст.3).
Од страна на овластени службени лица од Управата за финансиска полиција, лицето веднаш било превземено и изведено пред судија на претходна постапка од каде му била определена мерка притвор во времетраење од 30 дена, по што истиот е спроведен во КПУ Куманово.
Притворањето, појаснуваат надлежните, е продолжение на акцијата од 25 август, кога беа притворени седум лица, како резултат на сложена предистражна постапка спроведена од страна на Управата за финансиска полиција, под раководство и во координација со надлежен јавен обвинител од ОЈО ГОКК, во рамки на која беа превземени низа мерки и активности и беше обезбеден обемен доказен материјал, што резултираше со поднесување на кривична пријава против 13 физички лица и 10 правни лица, за сторени кривични дела: злосторничко здружување, даночно затајување, даночна измама и перење пари и други приноси од казниво дело, со што е предизвикана огромна штета на државниот буџет во висина од над 430 милиони денари.
Македонија
Обвинение за насилство за таткото кој повреди 15-годишни деца на фудбалскиот натпревар во Штип

Основното јавно обвинителство Штип поднесе Обвинителен предлог против едно лице за кривично дело – Насилство од член 386 став 4 во врска со став 3 и став 1 од Кривичниот законик.
На 24 август, на фудбалскиот стадион “Бело Брдо“ во Штип, за време на фудбалскиот натпревар помеѓу пионерските екипи на фудбалските клубови “Брегалница“ од Штип и “Шкупи“ од Скопје, обвинетиот со грубо насилство ја загрозил сигурноста на оштетените две 15-годишни деца, кои биле играчи во тимот на ФК “Брегалница“.
На децата им нанел телесни повреди, а кај оштетените, останатата присутна публика и во јавноста предизвикал чувство на несигурност, загрозување и страв.
Настанот се случил во 89-тата минута од натпреварот, која судијата поради прекршок (фаул) доделил втор жолт картон со што го исклучил од игра синот на обвинетиот, кој играл за „Шкупи“. Незадоволен од одлуката, најпрво синот се однесувал неспортски и со тупаници и со удар со нога се обидел да се пресмета со еден од фудбалерите на „Брегалница“. Тогаш на теренот влегол таткото и со тупаници и клоци започнал да ги удира двете деца, нанесувајќи им телесни повреди. На игралиштето влегле и други лица од публиката, кои спречиле натамошна ескалација на настанот.
Јавниот обвинител до Основниот суд во Штип достави и предлог за продолжување на претходно определената мерка притвор за обвинетиот.