Македонија
Беса почна со кампања за рефендумот, Касами порача граѓаните да гласаат „за“

Претседателот од тетовското крило на Движењето Беса, Биљал Касами, од општина Желино ја почна кампањата за референдумот, каде што оствари неколку средби со граѓаните на општината.
„Треба да придонесеме за референдумот да биде успешен бидејќи само како дел на НАТО и ЕУ ќе може да ги смените животните услови, ќе може да имаме добра економија, квалитетно образование и напредно здравство“, порача Касами од Желино.
Тој додаде дека граѓаните треба да гласаат „за“ на референдумот, со цел да се обезбедат мир и безбедност, а истовремено да се каже „стоп“ на влијанието од анти-НАТО во Македонија.
На овие средби заедно со претседателот Биљал Касами беа и генералниот секретар и воедно шеф на штабoт за референдумот, Арјанит Хоџа, потпретседателите Абдуш Демири и Кастриот Реџепи, како и пратеничката Теута Биљали. На првиот ден од кампањата присуствуваше и градоначалникот на општина Желино од редовите на Движењето Беса, Блерим Сејдиу.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.