Македонија
Бетина Рауш во Кичево: Се видов со Курц и ми кажа да ги поздравам пријателите од ВМРО-ДПМНЕ

На денешниот митинг на ВМРО-ДПМНЕ кој се одржа во Кичево приствуваше Бетина Рауш, претседател на политичката академија од редовите на Австриската народна партија. На митингот приствуваа и членови на парламентот во Салзбург и седум градоначалници на општини и градови од редовите на австријската народна партија со нивните соработници.
Бетина Рауш истакна дека ја посетиле Македонија затошто имале голема желба да се запознаат со што поголем број на граѓани од Република Македонија и поголем број на луѓе од ВМРО-ДПМНЕ.
„Денес имав средба со вашиот претседател, Христијан Мицкоски, пратеникот од ВМРО-ДПМНЕ, Владимир Ѓорчев и со амбасадорот на ЕУ, Самуел Жбогар кој рече дека е важно што ВМРО-ДПМНЕ во Парламентот, дека учествува во институциите кој за разлика од многу балкански земји кадешто имаме многу партии кои се надвор од институциите, и тоа е добра оценка за ВМРО-ДПМНЕ“, рече Бетина Рауш.
Таа каже дека треба да упати поздрав до кандидатот за претседател, Гордана Силјановска Давкова од австрискиот канцелар, Себастијан Курц.
„Се видов со него и ми кажа поздрави ги нашите пријатели во Македонија, поздрави ги нашите пријатели од ВМРО-ДПМНЕ. Се сеќаваме на 2015 и 2016 година кога заедно со македонската армија, полиција сите заедно повеќе земји ја затворивме западно-балканската рута. Така што одиме заедно и Македонија ја има поддршката за членство во ЕУ од Австрија и Себастијан Курц“, рече Рауш.
Таа додаде дека македонскиот народ може да смета на Гордана Силјановска Давкова со што граѓаните ќе ја подржат на престојните претседателски избори бидејќи таа е за владеење на правото, таа е за правда во Македонија .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Арсовска: Висар Ганиу фатен со криминално легализирање дивоградби со фалсификат, документи се доставени до обвинителство

„Висар Ганиу фатен со криминално легализирање дивоградби со фалсификат, за што документи се доставени до обвинителство и има изјави кои сведочат за начинот на кој ги спроведувал овие незаконски постапки, институциите уште се мислат кога да ПОЧНАТ да постапуваат“, вели градоначалничката на Град Скопје, Данела Арсовска.
„Во меѓувреме Висар си брише имотни листови од Катастар, замислете овие луѓе кои до вчера имале имот, денес немаат, поради неговите фалсификати.
Фалсификатот го запишувал во Катастар на 20.03.2025 година сред денови на жалост за трагедијата во Кочани, користејќи период кога мислел дека нема никој да примети што прави.
1. Барање за упис во катастар
2. Решение за упис во катастар со фалсификат документи
3. Барање за бришење имотен лист од катастар
4. Решение за бришење да може да го уништи досието со фалсификатите
5. Катастар за 24 часа го брише досието со што директно овозможува да можат да се уништат докази за делото
Зошто само 2% доверба имаат граѓаните во правосудството? Во моментов во затвор лежат луѓе за влез во Собранието на 27 април и за 100 ќебапи. Таму се постапило веднаш! Во Чаир кај Висар Ганиу ќе влезат да обезбедат докази за некоја година, нека троши кеш и нека ужива до тогаш!“, додаде Арсовска.
Македонија
Бројот 192 моментално не е во функција, граѓаните кои имаат потреба, да го користат 112, велат од МВР

Министерството за внатрешни работи ги известува граѓаните дека бројот 192 поради технички причини моментално не е во функција и се преземаат мерки за нивно отстранување.
„Ве информираме дека во функција е бројот 112 и граѓаните кои имаат потреба можат да го користат овој број“, додаваат од МВР.
Македонија
Пожарот во Вардариште е во голема мера изгаснат, полека се враќа протокот на струјата

Пожарот во Вардариште е во голема мера изгаснат, но БППЗ Скопје во моментот се уште вршат догаснување, извести Центарот за управување со кризи.
„ЕВН дел по дел полека го враќаат протокот на струјата во нисконапонскиот дел во нормала. За краток период се очекува целосно нормализирање на состојбите“, соопшти ЦУК.