Македонија
Битиќи во Куманово: Членството во ЕУ ќе не воведе во нова ера на стабилна и безбедна енергетска иднина
„Членството во Европската Унија(ЕУ) ќе не воведе во една нова ера исполнета со соработка, иновации и одржливи практики, поттикнувајќи изградба на силна и меѓусебно поврзана енергетска инфраструктура, отпорна на шокови, стабилна во испораката на електрична енергија во вашите домови. ЕУ, ќе значи енергетски безбедна иднина, која ќе биде изградена во здрава животна средина“, порача заменикот на претседателот на Владата задолжен за економски прашања, координација на економските ресори и инвестиции, Фатмир Битиќи, кој се обрати на осмиот завршен настан од кампањата „Ние сме Европа“, на тема: „Членството во ЕУ од аспект на енергетиката“, кој се одржа во Куманово,.
„ЕУ излезе со својот финансиски влог за Западен Балкан, со кој на нашата држава и се даваат можности да ги користи придобивките уште пред да станеме полноправни членки. Станува збор за Планот за раст на Западен Балкан, со кои 6 милијарди евра се наменети за земјите од регионот, од овие пари, на нашата земја и се достапни околу 850 милиони евра, од кои пари дел ќе се насочат кон правична енергетската трансформација и зелена транзиција на овој сектор. Ние веќе сме лидери на целиот Балкан со инсталирани преку 600 мегавати соларни електрани и приклучени на мрежа кои веќе произведуваат струја, и ако оваа бројка некој ја кажеше во 2019 кога имавме само 17 мегавати, сигурно ќе беше осуден дека не ја зборува вистината и дека креира лажен ПР со преоптимистички бројки“, рече вицепремиерот Битиќи.
Тој истакна дека целта не е само оваа транзиција да се случи, да се има повеќе фотоволтаични централи, ветерници и други извори на обновлива енергија, туку се тоа ова да биде спроведено на праведен начин за сите граѓани.
„На никому нема да му биде ускратена можност за сигурност во снабдувањето со електрична енергија, и таа сигурност нема да биде привилегија само за тие кои се побогати или заработуваат повеќе, туку за сите граѓани на државата. Затоа и Владата, водејќи грижа за секое едно домаќинство, подготвува Инвестициски план, во соработка со Европската банка за обнова и развој, со кој ќе се обезбедат финансиски средства од 4 милијарди евра за период од шест години, од 2024 до 2030 година, обезбедиме праведна енергетска транзиција на земјата кон обновливи извори на енергија“, рече вицепремиерот Битиќи.
Тој посочи дека Владата не седи со скрстени раце, дека креира конкретни мерки со кои енергетската транзиција ќе добие засилено темпо, притоа потсетувајќи дека со новиот деветти пакет на анти-кризни мерки од 662 милиони евра, еден сегмент се насочува кон енергетска транзиција кон обновливи извори на енергија, но и зголемувањето на енергетската ефикасност.
„Ќе го споменам и инструментот на ЕБОР за „зелено финансирање“, со кој обезбедуваме поддршка за малите и средни претпријатија, за поединци и домаќинства, да инвестираат во обновливи извори на енергија и иновативни решенија за енергетска ефикасност во висина од 800.000 евра. Во соработката со Светска банка, предвидени се поволни кредити наменети за општините за инвестиции во енергетската ефикасност, со цел намалување на потрошувачката на струја. За оваа цел се издвоени 10 милиони евра. Во рамките на овие мерки, предвидени се поволни заеми за мали и средни претпријатија во износ од 10 милиони евра, за инвестиции во проекти за енергетска ефикасност и обновливи извори, преку издавање на зелена обврзница. Ова се само еден мал дел од мерките и политиките кои како Владата ги креиравме за во период на економска и енергетска криза транзицијата кон обновливи извори на енергија да не застане“, рече вицепремиерот Битиќи.
Во своето обраќање, вицепремиерот Битиќи спомена дека полноправното членство во ЕУ ќе донесе енергетски скок кон стабилен и сигурен пристап до електрична енергија.
„Полноправното членство ќе ја олесни интеграцијата на различни извори на енергија, обезбедувајќи сигурно, одржливо и поефикасно снабдување со струја, по цени кои нема да ги оптеретуваат семејните буџети, затоа што енергетскиот систем повеќе нема да биде зависен само од еден извор на енергија. Дополнително, усогласувањето со стандардите и иницијативите на ЕУ постојано ќе го поттикнува усвојувањето на најсовремените технологии, правејќи ја електричната енергија подостапна и по еколошка за вас, граѓаните. Во суштина, полноправното членство во ЕУ не само што го подигнува севкупниот квалитет на енергетскиот систем, туку и гарантира дека секој граѓанин ќе има правичен пристап до струја“, рече вицепремиерот Битиќи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Претседателката и премиерот единствени кои не реагираа на злосторничкиот напад во Суми“, реагира ДУИ
„Во текот на изминатиот ден, САД, ЕУ и целиот демократски свет, јавно и јасно го осудија ужасниот руски ракетен напад врз Суми и изразија сочувство за десетиците цивилни жртви. Во исто време, од Северна Македонија – молк. Нема реакција од Претседателот, нема став од Премиерот, нема ниту било каква реакција со јасен израз на несогласување со ова злосторство“, велат од ДУИ.
„Ова не е пропуст, туку ова е свесна стратегија за приближување на земјава кон алтернативните центри на геополитичко влијание. Ова е манифестација на цената што државата ја плаќа под тежината на индиректните кинески заеми и засиленото руско влијание на клучните позиции во Власта.
Владата не пропушти да го осуди военото злосторство, туку ја избира тишината за јавно да ја демонстрира лојалноста кон новите партнери. Молкот на институциите во вакви моменти е пред сѐ срам за земјава.
Тоа воедно е и прекршување на нашата усогласеност со заедничката надворешна и безбедносна политика на Европската Унија; тоа преставува издвојување од заедничките позиции на НАТО алијансата; и на крајот, тоа е спротивно и на Стратешкото партнерство со САД.
Дозволете во оваа прилика, во името на граѓаните на Република Северна Македонија, да изразиме целосна осуда за вчерашниот ужасен напад од страна на Руската Федерација врза градот Суми, при што десетици невини цивили ги загубија своите животи, што претставува акт на терор и воено злосторство.
Изразуваме длабоко сочувство до семејствата на жртвите, но и потсетник до Украинскиот народ дека и понатаму ја имаат поддршката од граѓаните на Република Северна Македонија“, се наведува во соопштението на ДУИ.
Македонија
„Повисоки плати за сите вработени во образованието за 12 проценти, во еден мандат зголемување ќе има од 46% до 60% со цел модерно и квалитетно образование“, вели ВМРО-ДПМНЕ
„СДС и ДУИ го девалвираа и уништија образованието изминатите 7 години. Владата предводена од ВМРО-ДПМНЕ работи за да воспостави напреден воспитно-образовен систем. Образованието е еден од клучните столбови на државата и има клучна улога во обликувањето на поединецот“, соопшти ВМРО-ДПМНЕ.
„Владата предводена од ВМРО ДПМНЕ креира национална образовна стратегија креирана со општ консензус.
Владата предводена од ВМРО ДПМНЕ се грижи за сите вработени во образованието и ги покачи платите за 12 проценти.
Просветните работници и сите вработени во образованието добија покачување од 12 проценти. Првото покачување од 5 проценти го добија со септемвриската плата исплатена во октомври минатата година. А второто покачување од 7 проценти го добија со мартовската плата, исплатена во април.
Вработените во образованието ќе добијат од 46 до 60 проценти повисоки плати во еден мандат.
Историско зголемување на платите во образованието. Најмалку 46% до 60 проценти поголеми примања во следните четири години ќе добијат вработените во основното и средно образование.
Октомвриската плата исплатена минатата година беше повисока за пет проценти, потоа со мартовската плата 2025-та, која беше исплатена во април 2025-та седум проценти дополнително зголемување, а од март 2026-та ќе има дополнително покачување меѓу 7,5 и 10 проценти во зависност од состојбата на буџетот, март 2027-ма повторно помеѓу 7,5 и 10 проценти и март 2028-ма помеѓу 10 и 12,5 проценти.
Владата предводена од ВМРО-ДПМНЕ работи на сеопфатно подобрување на образовната структура. Владата предводена од ВМРО-ДПМНЕ со активни политики работи на задржување на младите и реализирање на нивниот потенцијал во Македонија“, се наведува во соопштението на ВМРО-ДПМНЕ.
Македонија
„ВМРО-ДПМНЕ го блокираше проектот за нов Клинички центар“, велат од СДСМ
„Со години ВМРО-ДПМНЕ спроведуваше блокади и опструкции на проектот за изградба на модерен Клинички центар – инициран од Владата предводена од СДСМ. Иако имаа можност да учествуваат, да го водат процесот како опозиција и целосно да го контролираат решија да го блокираат проектот наместо да допринесат“, велат од СДСМ.
„СДСМ предложи концепт и подготви проект кој ќе ја обезбеди целосната здравствена услуга на едно место – како што имаат сите современи европски држави. Но ВМРО-ДПМНЕ го сруши тој концепт.
Нов Клинички центар за граѓаните нема само поради блокадите на ВМРО-ДПМНЕ, а во мандатот на оваа власт исто така нема да се изгради.
Иако ВМРО-ДПМНЕ ветуваше изградба на нов Клинички центар ги излажа граѓаните. Сите ветувања, гласни изјави и прес-конференции од белата палата се само празен театар за јавноста.
Сега се најавува некакво проширување на болницата „8 Септември“ но тоа не е замена за вистински, интегриран Клинички центар. Тоа е импровизација без ефект. Наместо европски модел на здравство, граѓаните добиваат систем што се распаѓа – расцепкан, нефункционален и без основни услови за лекување.
Неспособноста на власта го уништува македонското здравство. Нема лекови со месеци, умираат пациенти, се зголемува смртноста, листите на чекање растат секој ден а нема да има ниту нов Клинички центар. Со оваа власт здравството само дополнително ќе тоне“, соопшти СДСМ.
„Филипче наместо Клинички центар изгради полигон за семејни тендери, корупција и скандали“, велат од ВМРО-ДПМНЕ
„Филипче во улогата како министер за здравство под СДС, ја покажа неспособноста на една власт да ја разбере суштината на...
СДСМ: Истрагата за Кочани е фарса под команда на ВМРО-ДПМНЕ и Тошковски
„Истрагата за најголемата трагедија во историјата на Македонија, која требаше и мораше да донесе правда, се претвори во фарса. И...
Грантови од 10.000 евра за младите земјоделци, велат од Владата
„Приоритет на Владата и министерството за земјоделство, шумарство и водостопанство е развој на македонското земјоделство, со посебен акцент на младите...
ЦУК: Пронајдени рачни бомби во нива во Тетовско и американска авионска бомба од минатите војни во Битолско
За пронајдени неексплодирани убојни средства известува РЦУК Тетово. Конкретно, преку 112 во ЦУК е пријавено пронаоѓање рачни бомби на приватна...
ДУИ: Прес-конференцијата на Тошковски и Коцевски – најголемата карикатура на заробената држава
„Прес-конференцијата на министерот за внатрешни работи Панче Тошковски и јавниот обвинител Љупчо Коцевски претставува најголемата карикатура на заробената држава“, велат...
(Видео) Европа го осуди рускиот ракетен напад врз Суми: „Суровоста повторно удри“
Најмалку 34 лица, меѓу кои две деца, загинаа вчераутро во руски ракетен напад врз украинскиот град Суми, додека други 117...
Подметнат пожар во домот на гувернерот на Пенсилванија: полицијата го разбуди и го евакуираше
38-годишен маж е уапсен и ќе се соочи со обвинение откако наводно ја запалил официјалната резиденција на гувернерот на Пенсилванија...
Полицијата го пронајде девојчето кое вчера се оддалечило од дома
Полициски службеници од СВР Скопје го пронајдоа малолетното девојче од село Кадино, скопско за кое вчера едниот родител во Полициска...
Судот изрече притвор за четири лица од проширената истрага за пожарот во „Пулс“
Судот на четири лица им изрече мерка притвор во траење од 30 дена, за шест лица куќен притвор и мерки...
Таравари: Политиката не треба да биде средство за личен комодитет, туку служба за народот
Претседателот на Алијанса за Албанците, Арбен Таравари, преку статус на Фејсбук порача дека никогаш не чувствувал завист за власта, иако...
Во Свети Николе затекнат локал на нива: вработените непријавени, објектот дивоградба, без план за евакуација
Полицијата во соработка со инспекторите и претставници на локални институции изврши контрола на угостителски објект во Свети Николе сопственост на...
Граѓаните биле под потенцијална загрозеност во сите дискотеки, рече Коцевски
Доказите упатуваат на суштински пропусти кај раководната структура во Дирекцијата за заштита и спасување. Ова го истакна државниот обвинител Љупчо Коцевски...
Актуелниот министер за економија не е опфатен со истрагата за „Пулс“ оти немало ново барање за лиценца
Актуелниот министер за економија не е опфатен со истрагата оти нема никаков доказ дека сопственикот на клубот „Пулс“ иницирал лиценца...
Поранешни министри и директори меѓу новоосомничените за пожарот во „Пулс“, се бара притвор за четири лица
За четворица од новоосомничените за пожарот во Кочани Обвинителството бара притвор, за седум мерка куќен притвор во комбинација со забрана...
Пожарникарите во изминатото деноноќие гаснеа седум пожари на отворено
Во последното деноноќие имало седум пожари на отворени, а пожарникарите гаснеле, паралелно и други пожари во населени места и сите...
Црвено светло за Украина од Мерц: Не може НАТО и ЕУ додека е во војна
Можноста Украина да влезе во Европската унија и НАТО може да се разгледа само по завршувањето на борбите, вели Фридрих...
Се’ уште се трага по исчезнатото лице од Степанци, 80 лица се вклучија во потрагата
Исчезнато повозрасно лице од селото Степанци во Општина Штип не е пронајдено, иако вчера во потрагата се вклучија околу 70...
Уништени 1.230 килограми небезбедна храна пред Велигден, изречени се казни
Официјалните ветеринари и инспекторите за храна на Агенцијата за храна и ветеринарство (АХВ) спроведуваат вонредни засилени контроли пред велигденските празници....
(Видео) Хамас објави видео од израелски заложник што го држи во Газа
Хамас објави видео во кое се тврди дека го прикажува израелско-американскиот заложник Едан Александар, кој е држен во Газа откако...
(Видео) Граѓани со часови се заглавени во подземниот паркинг на ГТЦ оти автоматите за наплата не работат, а службите се отстутни
Вистински хаос се случува попладнево во подземниот паркинг на ГТЦ. Вознемирени граѓани кои се обратија до нашата редакција велат дека...
