Македонија
Блинкен и Лавров ќе се разминат во Скопје

Во Скопје почна неформалната вечера на министрите за надворешни работи кои учествуваат на состанокот на ОБСЕ, а чијшто домаќин е македонскиот шеф на дипломатијата и претседавач на ОБСЕ, Бујар Османи.
Османи вечерва на социјалните мрежи објави фамилијарна фотографија од состанокот, на која го нема рускиот министер за надворешни работи, Сергеј Лавров.
Според најавите, американскиот државен секретар Антони Блинкен ќе си замине по оваа средба, а рускиот министер ќе пристигне подоцна во Скопје. Од Американскиот Стејт департмент, денеска за „Гласот на Америка“, беше истакнато дека нема очекувања за каква било средба меѓу Блинкен и Лавров, за време на состанокот на министрите на ОБСЕ во Скопје.
Претходно, како што објави „Макфакс“, високиот претставник за надворешна политика на ЕУ, Жозеп Борел кој допатува во Скопје на заедничката прес-конференција со македонскиот премиер, Димитар Ковачевски, порача дека е добро што Лавров ќе пристигне и ќе слушне од сите учесници на состанокот на ОБСЕ зошто Русија е санкционирана и изолирана. Потоа Лавров ќе може да се врати во Кремљ, рече Борел, и да му каже на господарот на Кремљ дека ЕУ и ОБСЕ остануваат обединети во осудувањето на агресивното и незаконско делување на Русија.
Балтичките земји, Украина и Полска во знак на протест поради присуството на Лавров во Скопје не ги испратија министрите за надворешни работи, туку свои делегации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Целосно изгаснат пожарот во општина Желино кој се прошири кон месноста Карпалак

Пожарот кој вчера изби на територијата на општина Желино во атарот на село Церово, а подоцна во вечерните часови се прошири во насока на месноста Карпалак покрај автопатот Скопје – Тетово, е целосно изгаснат, извести директорот на ДЗС, Стојанче Ангелов.
Врз него од тетовската страна дејствуваше ТППЕ Тетово, а од скопската страна БППЗ Скопје.
Ангелов упати голема благодарност до тетовските и скопските пожарникари кои во ноќни услови успеаја да го изгаснат овој голем пожар кој во делови се одвиваше на тешко пристапен терен.
Во текот на вчерашниот ден целосно се изгаснати 29 пожари на отворен простор. Во овој момент 4-те активни пожари на отворен простор се под целосна или делумна контрола, додаваат од ДЗС.
Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.