Македонија
Богоевски: На снимката е мојот глас, но не нарачувам кокаин туку масло од канабис за моја блиска личност

Пратеникот Павле Богоевски, по објавувањето на снимка на руската мрежа „vk.com“, за која се тврди дека на неа се слуша неговиот глас како нарачува кокаин, на социјалните мрежи потврди дека снимката е автентична, но дека на истата не набавува кокаин туку масло од канабис.
„Би сакал да расчистам неколку работи: Дали тоа е мојот глас на снимката? Да. Дали разговарам за супстанца чиј промет е забранет? Да. Но, во овој разговор не нарачувам кокаин. Договарам набавка на масло од канабис. За медицинска употреба, за моја многу блиска личност на која маслото од канабис и’ помогна таму каде другите лекови не можеа да и’ помогнат. Тоа го правам веќе неколку месеци и ќе го правам се’ додека е потребно“, пишува Богоевски во објавата на својот фејсбук-профил.
Пратеникот исто така пишува дека намерата не му е да се прави светец, ниту да глуми оти е изненаден што на ваков начин е нападнат од политичките противници.
„Во оваа таканаречена ‘бомба’ нема договарање на милионски криминали. Нема заговарање за уништување животи. Нема местење избори. Нема ендеци и запалени кафани. Има наводи за мојот приватен живот, кои (во овој случај) се извадени од контекст“, објасува тој.
Богоевски воедно порачува дека очекува службите сериозно да го истражат овој случај бидејќи, според него, станува збор за неовластено прислушкување и тонско снимање. Пратеникот во рамки на објавата на „Фејсбук“ исто така истакнува дека снимката најпрво била споделена од пропагандната твитер-машинерија на ВМРО-ДПМНЕ и од порталите блиски до нив.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Забрана за камиони на регионалниот пат Дебар – Маврово

Од 06:50 часот поради врнежи од снег, воведена е забрана за сообраќај на товарни моторни возила на регионалниот пат Дебар – Маврово, извести АМСМ.
Од 06:45 часот сообраќајот на патниот правец село Живалево – село Туралево е нормализиран.
Македонија
Нормализиран сообраќајот на патниот правец Живалево – Туралево

Од 06:45 часот сообраќајот на патниот правец село Живалево – село Туралево е нормализиран, извести АМСМ.
Од 05:00 часот, поради одрон, сообраќајот на тој патен правец беше во прекин и се одвиваше наизменично, по една коловозна лента.
Македонија
Одрон на патниот правец Живалево – Туралево, сообраќајот се одвива по една коловозна лента

Од 05:00 часот на патниот правец село Живалево – село Туралево има одрон, сообраќајот се одвива наизменично по една коловозна лента.
Во 03:40 часот се укинува забраната за тешки товарни возила према превој Стража, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.