Македонија
Бугарското државјанство му давало спокој на Пендиков – нови обвинувања за Охрид и Македонија од новопечениот Бугарин

Ден по добивањето на бугарското државјанство, во интервју за БНТ, Христијан Пендиков изјави дека на крајот на месецот ќе се врати во Македонија на претстојното редовно рочиште за случајот за нападот против него.
Пендиков, кој е секретар на затворениот бугарски културен клуб во Охрид, истакна дека сè уште има многу македонски Бугари, како што се претседателите на бугарските клубови, кои немаат бугарско државјанство, а за ова доставиле документи пред долго време.
„Најистакнатите македонски Бугари, тие што најмногу се борат, кои добиваат најмногу закани, тие немаат бугарско државјанство, но тие пред многу години поднеле документ за бугарско државјанство и чекаат, им треба помош“, вели Пендиков во интервјуто.
Како што додаде, веќе речиси целосно заздравел од повредите, а како Бугарин е мирен бидејќи има бугарско државјанство.
„Чувството дека имам бугарско државјанство за мене е чувство што ми дава спокој за иднината“, вели тој.
„Отсекогаш сум бил прифатен од сите луѓе од општата популација, како во Охрид, во цела Македонија, каде што имам пријатели. Никогаш не сум имал проблеми. Но, кога гласно го покажавме бугарското чувство, тие почнаа да ни го покажуваат прстот. Не можеме мирно да шетаме во Охрид, во другите градови, кај и да одиме мора да се вртиме, некој ќе ни се обрати со закани, ќе нè опцуе, тоа не е убаво“, рече Пендиков.
Обвини дека властите во југозападниот дел на земјата не реагирале соодветно на нападот против него.
„Бугарите во Северна Македонија се малтретирани, прво, од самите државни органи, дали од полицијата, од нивните служби – ги прозиваат, ги уценуваат, некои такви работи. Второ, имаат многу такви профили – онлајн-медиуми, профили кои се од непознати автори и споделуваат наши приватни фотографии, наши семејни фотографии, каде што пишуваат дека треба да нè убијат, повикуваат на насилство врз нас, покажуваат некои наши лични фотографии, фотографии што ги наоѓаат на нашите профили на „Фејсбук“, на „Инстаграм“ и цело време повикуваат на насилство врз нас македонските Бугари, дека сме биле некакви си предавници“, вели тој.
На Пендиков претходно со сите почести на официјална церемонија му беше врачено бугарското државјанство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
СДС крева лажна паника за летањето на авионите, велат од ВМРО-ДПМНЕ

СДС крева лажна паника за летањето на авионите, ова е дел од црните сценарија на Филипче за покривање на неспособноста и безидејноста, реагираат од ВМРО-ДПМНЕ, на прес – конференцијата на портпаролката на СДСМ, Богданка Кузеска.
„Венко Филипле и СДС намерно креваат лажна паника за наводно нарушена безбедност на скопскиот аеродром. Каква врска има партиите со тоа што се расипал радар, што може да се случи на било кој аеродром во светот.
Расипаниот радар не само што не ја загрозува безбедноста на патниците туку работата на аеродромот продолжува непречено по утврдени протоколи. Впрочем ниту една реномирана авиокомпанија која оперира на скопскиот аеродром се нема пожалено ниту откажано од работење.
Што се однесува за партизираноста на МНАВ само да потсетиме дека каубојците од ДУИ се тепаа на работно место, а пајташите на СДС вработија 70 партиски војници во оваа институција. Затоа на ваквото ширење на паника од СДС гледаме како сценарио за кревање на паника слично на палењето на депониите во Скопје од кое што ќар имаат само СДС за да ја покријат безидејноста и неспособноста“, пишува во реакцијата.
Македонија
Николовски: Трубарево е земјоделски регион, веднаш да се направат анализи на почвата и водата

По големиот пожар во Трубарево, потребата од итни и стручни анализи на почвата и водата е неопходна и неминовна, предупреди пратеникот на СДСМ, Љупчо Николовски во одговор на новинарско прашање на денешната прес-конференција.
„Тоа требаше и да биде направено, заради тоа што Трубарево е регион во којшто се произведува храна, земјоделски производи. После една ваква хаварија која што ни се случи и после ваквите анализи во сегмент на воздухот, задолжително е институциите, министерствата и научните институции веднаш да ги направат неопходните анализи и на водата и на почвата, се со цел да ги знаеме и тие резултати. Граѓаните мора да бидат сигурни и безбедни, и да ги знаат точните информации и точно да се види дали има контаминации во делот на резултатите коишто ќе ги добиеме и од водата и од почвата“, рече Николовски.
При тоа, Николовски нагласи дека власта треба да прекине да ја бара вината во други, бидејќи како влада има одговорност да ги заштити а не да ги лаже граѓаните.
„Неколку министри ја лажеа јавноста дека нема никакви лоши резултати, дека се нормални, дека воздухот не е загаден. Меѓутоа, видовме дека експертите и сите оние стручни анализи, и податоци, го покажуваат токму спротивното, граѓаните имаат право да ја знаат вистината.Одговорноста е пред се во владата, во надлежното министерство. Власта мора да ја прекине праксата дека се она што ќе се случи во нејзино време, не може некој да биде друг крив, не може некој друг центар да биде одговорен за сето она што ни се случува постојано“, изјави Николовски.
Македонија
(Видео) Кузеска: Кој ќе ја преземе одговорноста за расипаниот радар на скопскиот аеродром?

Денес повторно гледаме како партизацијата и неспособноста на ВМРО-ДПМНЕ директно ги доведуваат граѓаните во опасност. Радар во Контролата на летање на скопскиот аеродром се расипал. Тоа значи дека секој авион што слетува во Македонија сега зависи од импровизација, бавни процедури и надворешни радари од соседни земји, обвини портпаролката на СДСМ, Богданка Кузеска.
Според неа, ова не е само технички дефект, ова е последица на насилното вдомување на партиски кадри во една од најважните институции за безбедноста на сите нас.
„Наместо професионалци, таму се вработуваат луѓе по партиска линија и јасно е дека срга ќе гледаме хаос и импровизација. Сега ќе понесе ли некој одговорност од власта“, рече Кузеска.
Таа прашува кој ќе ја преземе одговорноста за расипаниот радар и до кога безбедноста на граѓаните ќе зависи од импровизациите на ВМРО-ДПМНЕ и уште колку институции ќе паднат во колапс пред ВМРО-ДПМНЕ да признае дека нивниот модел на владеење е опасен и погрешен?