Македонија
Велковски: Успеавме да обезбедиме пет негуватели за ЈУ Завод за рехабилитација на деца и младинци „Скопје“

Лицата со попреченост од ЈУ Завод за рехабилитација на деца и младинци „Скопје“ ќе добијат пет негователи, откако денеска на седница на Влада беше усвоена одлуката по барање на министерот за труд и социјална политика, Ѓоко Велковски.
„Денес успеав на седница на Влада да обезбедам вработувања на 5 негователи, кадар кој беше неопходен за непречено функционирање. За жал, корисниците ја немаа специјалната нега, дел од нив се заковани за креветите, со отворени рани и декубити, а други примаат храна преку сонда. Нема да дозволам во иднина да се загрозува функционирањето на процесот на деинститиционализација, а со тоа и здравјето на корисниците“, вели министерот Велковски.
„Лицата со попречености беа оставени на милост и немилост без нега и грижа од страна на претходното ракoводство“, за што Велковски порачува дека социјалната политика и заштита е и ќе остане приоритет во неговото работење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.