Македонија
„Венко Филипче да ги даде уплатниците за џипот и да каже како го набавил со плата“, велат од ВМРО-ДПМНЕ
![](https://makfax.com.mk/wp-content/uploads/2024/06/filipce-kumanovo-1.jpg)
„Венко Филипче да ги даде уплатниците за џипот, и да каже како го набавил со плата. Венко Филипче може да се види како се вози во луксузно Ауди Q8, кое го нема пријавено ниту во својот анкетен лист. Венко Филипче мора да каже како го платил луксузниот џип, и како успеал тоа да го стори со плата“, велат од ВМРО-ДПМНЕ.
„Доколку џипот не е на негово име, Филипче да каже што услуга завршил на тој што го купил истиот.
Никој не купува нов џип од стотици илјади евра и го дава на возење на некој друг, и сосема случајно тој друг да е поранешен министер за здравство и лидер на опозициска партија.
Филипче да не се крие зад партијата, да излезе и да ги покаже уплатниците за џипот, ако ги нема да каже кој му го купил и зошто.
Филипче мора да знае дека тоа што е претседател на политичка партија нема да го спаси од одговорност“, се наведува во соопштението на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
И утрово гужва за влез и излез на Табановце
![](https://makfax.com.mk/wp-content/uploads/2018/10/tabanovce.jpg)
Сообраќајот на државните патишта се одвива непречено, по суви коловози, соопштуваат од АМСМ.
Интензитетот на сообраќај на патните правци надвор од градските средини е зголемен.
„На ГП Табановце за излез и влез се бележи зголемена фреквенција на возила. На останатите гранични премини, од македонска страна, нема подолги задржувања“, додаваат од АМСМ.
Македонија
Денеска сончево време, попладне краткотраен дожд и грмежи
![](https://makfax.com.mk/wp-content/uploads/2022/09/sonce-41217.jpg)
Сончево со мала до умерена облачност и со умерен ветер од северен правец. Попладне ќе има изолирана појава на нестабилност со краткотраен пороен дожд и грмежи. Минималната температура ќе биде во интервал од 12 до 19, а максималната ќе достигне од 29 до 36 степени. UV=7
Во Скопје сончево со умерена облачност и со слаб до умерен северен ветер. Попладне ќе има услови за краткотраен пороен дожд и ретки грмежи. Минималната температура ќе се спушти до 17, а максималната ќе достигне до 34 степени.
Во петок и сабота времето ќе биде сончево и топло со мала до умерена облачност, а од недела во попладневните часови ќе има услови за појава на локален пороен дожд со грмежи.
Македонија
Без струја делови од Гази Баба и скопски Сарај
![](https://makfax.com.mk/wp-content/uploads/2017/11/25082014215627_struja-18981-696x392.jpg)
Од ЕВН Македонија АД известуваaт дека денеска, ( четврток ) без електрична енергија ќе останат:
– во периодот од 04.30 до 15.00 часот, корисниците кои се напојуваат од приватните сопствени трафостаници Капитал, Рибник, Ергела и Радио Предавател, корисниците кои се напојуваат од трафостаниците на ЕВН Трубарево 6 и Маџари 28, корисниците од ул. 1 во населба Трубарево, како и дел од корисниците од населба Трубарево. ( општина Гази Баба )
– во периодот од 08.00 до 09.00 часот, дел од корисниците од село Крушопек лоцирани кај џамијата. ( општина Сарај ).