Македонија
Вештак во судењето за Ласкарци: Човечкиот фактор пресуден за несреќата
Првата реакција и обидот за сопирање кај возачот настанала во првата секунда, кога ја кренал ногата за гас и ја префрлил кај педалот за сопирање, одговори вештакот Драган Аксентиев, одговарајќи на прашањето на адвокатот Сашо Дуковски дали возачот реагирал со хавариско, односно таканаречено „ѓаволско кочење” дури во моментот кога несреќата била неизбежна.
Сообраќајно-техничкиот вештак Драган Аксентиев на денешното рочиште за автобуската несреќа кај Ласкарци, одговарајќи на адвокатско прашање рече дека делумно се согласува со констатацијата дека возачот ја создал опасната ситуација.
„Гледано од сообраќајно-технички аспект, најодговорно тврдам дека ниту еден сообраќаен технички вештак не може да каже кое е тоа краткотрајно дејствие што го има направено возачот за да му го одземе вниманието и тоа да се рефлектира преку отсуство на внимание”, рече Аксентиев.
До човечкиот фактор како виновен за несреќата се дошло по пат на елиминација.
„Како што имаме наведено во вештачењето, како што кажав на минатата расправа и како што беше поставено едно од прашањата на почитуваната адвокатка, нашата наука познава анализа и во таа анализа едно по едно се елиминираат одредени фактори кои можат да доведат до насочување на автобусот кон лево. Сите тие фактори коишто се анализирани се јасно прикажани во вештачењето, а особено на страница 50, 51 се анализирани и прикажани еден по еден, каде што се вели дека вештачењето на Електро факултетот укажува дека дејствијата извршени врз фактографот не доведуваат до почнување на незгодата.
Вештачењето на Машински факултет укажува дека одредените слабости во одржувањето на автобусот исто така не се причина за почеток на незгодата”, рече Аксентиев.
Тој истакна дека стручната литература вели дека таква ситуација кога ќе се елиминираат сите можни фактори кои би довеле до почеток на незгодата останува човечкиот фактор, но како и минатиот пат повтори дека и стручната литература вели треба внимателно да се оперира со термините кои се врзани со човечкиот фактор.
„Вештакот не може да навлезе во главата на возачот, тоа претпоставувам можат психијатрите, но не сообраќајно техничкиот вештак”, рече Аксентиев.
Според Аксентиев, неприфатливо е тактичко-теоретско посматрање на сообраќајната ситуација, меѓутоа возачот не реагирал со воланот.
Адвокатот Дуковски сакаше да дознае од вештакот дали возачот спиел во секундите пред несреќата, на што обвинителот Јакимовски приговараше дека вештакот веќе има одговорено на прашањето. По што, Дуковски се пожали дека обвинителот пречесто приговара и со тоа можно сугерира на одговорите на вештаците и сведоците.
Обвинителот Јакимовски неколку пати ургираше до Судот за претерано долги експозеа на сите кои земаат збор во судницата поради што сите присутни го губат фокусот и вниманието.
Денешното рочиште за несреќата кај Ласкарци трае веќе повеќе од четири часа. За автобуската несреќа се обвинети шест лица. Сопственикот на „Дурмо турс“, Дурмиш Белули, одговорниот за транспорт во фирмата Ремзи Мифтари, и возачот на автобусот Маноел Трифуновски се товарат за сторени тешки дела против безбедноста на луѓето и имотот во сообраќајот, а тројца вработени во станицата за технички преглед Игор Ѓорѓиевски, Горан Дуковски и Јане Боварски за соучество во истото дело.За автобуската несреќа се обвинети шест лица. Сопственикот на „Дурмо турс“, Дурмиш Белули, одговорниот за транспорт во фирмата Ремзи Мифтари, и возачот на автобусот Маноел Трифуновски се товарат за сторени тешки дела против безбедноста на луѓето и имотот во сообраќајот, а тројца вработени во станицата за технички преглед Игор Ѓорѓиевски, Горан Дуковски и Јане Боварски за соучество во истото дело.
Искра Манојлоска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Влен“: Влада и Бадентер да, но без ДУИ и Левица
ДУИ ги напушти вредностите за кои се залагаше во 2001 кога наместо за Албанската кауза почна да се грижи единствено за џебовите на нивното раководство и ним блиските роднини. Кога од партија се претворија во Коза Ностра, велат од албанскиот опозициски блок „Влен“.
„Сега кога доаѓа време за одговорност за коруптивните скандали се обидуваат како штит да го користат целиот Албанскиот народ и помалите етнички заедници кои ги користат како заложници. Тие веќе видени трикови не поминуваат. После 8-ми мај ќе има и Влада со ВЛЕН како единствен легитимен политички репрезент на Албанците, ќе има и Бадинтерово мнозинство, ќе бидат обезбедени и фундаментите на Охридскиот Рамковен договор и ќе има одговорност за сите што се огрешиле пред законите“, велат од „Влен“.
Како што оценуваат, не може и не смее одењето во опозиција ДУИ да го претставува како проблем за опстанокот на државата, бидејќи тоа е крајно неодговорно и кукавички. Затоа ги повикуваме да престанат да ги срамат Албанците и славните борци на УЧК.
„Не е крај на светот ако отидат во опозиција. Гарантираме дека нема да има политички реваншизам туку ќе само одговорност утврдена во фер правосудни постапки“, велат од партијата преку соопштение.
Македонија
Игор Димески од Тетово: Државни пензионерски домови, линеарно покачување на пензиите
Носителот од Левица во ИЕ6, Игор Димески, денес беше на средба со тетовските пензионери.
Пред пензионерите ја претстави Програмата на Левица за целната група – пензионерите, за која партијата има поставено јасни законски прописи.
„Со Програмата на Левица целиме кон: линеарно покачување на пензиите, 2/3 повисоки пензии во однос на минималната плата, државни пензионерски домови, намалување на старосната граница за пензионирање и тоа: 60 години за жени, 62 години за мажи”, истакна Игор Димески од средбата со пензионерите во Тетово.
Носителот Игор Димески потенцираше дека пензионерите во денешно време се столб на финансирање на семејството и дека нивниот статус треба на општествено ниво да се промени и да имаат спокојна старост.
Исто така, Димески на тетовските пензионери им понуди бесплатана правна помош од страна на Левица и отворена соработка во секое време.
Пензионерите истакнаа дека се оставени самите на себе за одржување на здруженијата со свои финансии, а револтот го насочија и кон опустошениот пензиски фонд.
Македонија
Чекајте, па ние сме на избори конкуренти, одговори Ковачевски прашан дали би им помогнале на ВМРО-ДПМНЕ ако не можат да формираат Влада
Чекајте, па ние сме на избори конкуренти, првин да ги видиме резултатите на 8 мај. Вака лидерот на СДСМ, Димитар Ковачевски одговори на прашањето дали како партија би им помогнале на ВМРО-ДПМНЕ да формираат Влада, во случај да не успеат да стигнат до 61 пратеник.
Ковачевски вели: „Оној кој што не може да формира Влада, значи дека ги изгубил изборите“.
Прашан за коментар за кампањата на ДУИ и ВМРО-ДПМНЕ, Ковачевски рече дека јавно ги осудил изјавите и на Ахмети во однос на скандирањето на плоштадот Макеоднија.
„Тие работи не’ враќаат 20 години наназад, во едно закопано минато кое сме го надминале со Охридскиот договор и членството во НАТО благодарение на СДСМ, и сме го надминале со почетокот на преговорите со ЕУ,истотака благодарение на СДСМ. Истовремено упатив порака и до претседателот на ВМРО-ДПМНЕ и кандидатката на таа партија Сијановска дека националистичката реторика не води никаде“, рече Ковачевски.
Како што рече, СДСМ е единствената партија којашто се бори за мултиетничко општетство, рамноправност на сите граѓани и интеграција во Европската Унија.