Македонија
(Видео) Активистка на „Парада на гордоста“: Ме нарекуваат болна, ми посакуваат смрт – пријавувам, никој ништо не презема

Активистка за борба за права на ЛГБТ луѓето кажа дека трансродовата заедница се уште може да оствари едно од најелемтарните човекови права – правото на индетитет, односно да се идентификува така како што се чувствува. Таа посочи дека како трансродово лице постојано е мета на напади, исмејување, закани.
„Се уште се соочуваме со недоволно капацитети на органите на прогон. Не можеме да се пофалиме дека ревносно ги браниме правата на ЛГБТ луѓето и институционално да ја спречиме омразата. Далеку сме од демократско општество. Говорот на омраза во нашето општество зема замав. Иако безброј пати сме пријавувале и до полицијата и до Јавното обвинителство, немаме случај каде некој е санкциониран“, кажа активистка.
Посочи дека и натаму не може да извади документи, иако е трансродово лице. Таа додаде дека основно право во европа е да може да се смени пол во документи, и додаде: „Бараме да можеме еднакво да придонесуваме во општеството, наместо со години да се занимаваме со документи“.
„Ме нарекуваат, болна, неморална, ми посакуваат смрт, ме исмејуваат и ми се закануваат. Многупати досега сум побарала заштита, сум поднела кривична пријава. Но Обвинителството, полицијата, ништо не преземала“, додаде активистката.
Зборуваше и за верските лидери.
„Тие морализираат што е жена и како треба да изгледа. Тие си земаат за право да сеат омраза и тоа да го викаат морал. Ако тоа е морал, а нашата борба за да не нѐ тепаат и за да се вработуваме е неморална – тогаш треба да се запрашаме дали сакаме да бидеме демократија или теократија (облик на државно уредување во кое владее Бог преку свештенството).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити го претстави мега-спортскиот проект во Чаир

Првиот Заменик-претседател на Владата и министер за животна средина и просторно планирање, воедно и кандидат за градоначалник на општина Чаир, Изет Меџити, денес го претстави најголемиот спортски проект во историјата на Чаир, трансформација на напуштениот базен во нов, модерен спортски и рекреативен центар.
Овој амбициозен проект, конципиран по примерот на познатите спортски центри „Јане Сандански“ во Аеродром и „Борис Трајковски“ во Карпош, има за цел да донесе мултифункционален центар според европски стандарди, во срцето на Чаир.
„Комплексот ќе содржи: голема спортска сала за ракомет, одбојка и кошарка со капацитет од над 3.000 гледачи, затворен фитнес центар, сали за пинг-понг и боречки спортови како карате и бокс; како и надворешни игралишта за мал фудбал и две кошаркарски игралишта – отворени и достапни за сите граѓани”, информираше Меџити.
Според него, проектот ќе се реализира преку јавно-приватно партнерство, при што Општина Чаир ќе ги обезбеди сите правни и институционални предуслови во целосна соработка со централната власт.
„Инвеститорот што ќе биде избран, ќе има обврска да изгради центар што ги исполнува современите стандарди и да понуди одржлив модел на функционирање. За возврат, ќе има право да го користи комплексот во рок од 20 до 30 години“, изјави Меџити.
Тој додаде дека по истекот на тој период, овој модерен спортски и рекреативен центар ќе стане целосна сопственост на Општина Чаир и на сите наши граѓани. Со одлука на Влада на РСМ е дадено на трајно користење на Општина Чаир и Општината може да управува односно да ги спроведе сите процедури кои се потребни за реализација на овој проект.
Време е и Чаир да добие спортски центар од европски ранг, порача Меџити за време на презентацијата.
Македонија
(Видео) Полицискиот хеликоптер денеска фрли повеќе од 30 тони вода врз дел од пожарите

Денеска полицискиот хеликоптер Бел 412 беше ангажиран во два наврати за гасење пожар во реон на село Русиново и во реон на село Никуштак на Скопска Црна Гора и притоа исфрли преку 30 тони вода, соопшти МВР.
– Активностите на полициските хеликоптери продолжуваат и во наредните денови, се до целосно гасење на пожарите на територијата на целата држава, известува МВР.
Македонија
Меџити: Работа, не зборови-започнува целосна реконструкција на улицата „Банатска“ во Чаир!

Првиот заменик на претседателот на Владата и министер за животна средина и просторно планирање, воедно и кандидат за градоначалник на Општина Чаир, Изет Меџити, денеска присуствуваше на почетокот на градежните работи за целосна реконструкција на улицата „Банатска“ во населбата Топхана.
Овој проект е еден од многуте инфраструктурни зафати што Општина Чаир ги реализира со цел подобрување на животните услови на граѓаните, изјави Меџити пред присутните жители.
„Инвестицијата, во вредност од околу 3 милиони денари, е финансирана преку Вториот повик на Владата за поддршка на општините. Работите опфаќаат целосно асфалтирање“, истакна Меџити.
Тој додаде дека оваа инвестиција ќе овозможи побезбедна, пофункционална и поодржлива инфраструктура за жителите на оваа населба, директно придонесувајќи за зголемен квалитет и удобност на живеењето.
„Овој проект е конкретен доказ за нашиот модел на управување, професионалност, ефикасност и постојан фокус кон граѓанинот. Секоја интервенција во инфраструктурата е чекор кон поразвиен, помодерен и поинклузивен Чаир“, изјави Меџити во своето обраќање.
Општина Чаир, додаде Меџити и во следните четири години ќе продолжи со реализација на слични проекти кои имаат за цел создавање на квалитетна, безбедна и достапна урбана средина за сите граѓани.