Македонија
(Видео) Алијансата за Албанците: Граѓаните се задушуваат во воздухот што го загадува самата држава

„Како годинава, така и лани загадувањето на воздухот го достигна својот врв во Скопскиот Регион. Исто како и загадувањето, на високо ниво беа и ветувањата на Владата за решавање на овој проблем. Но, за жал, сфативме дека ова беше само празно ветување за дневна политика. Загадувањето продолжува и оваа година на високо ниво“, соопшти Алијансата за Албанците – разгранок Чаир.
Пред неколку месеци Алијансата за Албанците побара образложение од Министерството за здравство, Град Скопје и од другите надлежни органи за тоа зошто мазутот уште се користи како гориво во болниците и други државни институции за кои беше ветено дека ќе преминат на системот на греење со гас.
„Но, не е тешко да се сфати дека сè за оваа Влада останува само проект на хартија, како што се и нивните оправдувања. Граѓаните продолжуваат да се задушуваат во воздухот што го загадува самата држава, а за функционерите тоа не претставува проблем затоа што за себе нарачале и прочистувачи на воздухот за затворени простории (Владата) со пари на народот.
Алијансата за Албанците повикува на итно решавање и реализација на ветувањата наместо тие да се користат како следна ветувачка алатка. Треба да се преземат конкретни мерки за да се намали загадувањето на воздухот за граѓаните да не ги плаќаат сметките на Владата со своето здравје“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Почина Панчо Минов, поранешен пратеник и градоначалник на Кавадарци

На 67-годишна возраст денеска почина Панчо Минов, поранешен градоначалник на Кавадарци и поранешен пратеник во Собранието.
Панчо Минов беше дипломиран правник и политичка фигура со повеќедецениско искуство. Тој два пати беше избран за градоначалник на Општина Кавадарци – прво како кандидат на Либералната партија (2000–2005), а потоа како независен кандидат (2005–2009).
Минов имаше и пратеничка кариера, учествувајќи во повеќе состави на Собранието.
Првпат беше избран во првиот повеќепартиски состав (1990–1998), а подоцна повторно стана пратеник преку ГРОМ (2016–2020) и СДСМ (2020–2024).
Македонија
Уште колку луѓе треба да настрадаат за Панче Тошковски да почувствува одговорност, прашуваат од СДСМ

Министерот Панче Тошковски без око да му трепне јавно соопшти дека не чувствува никаква одговороност за колапсот на безбедносниот систем и фактот што на улиците се пука како да сме Див Запад, велат од СДСМ.
Според нив, последиците од партизацијата на полицијата и претоварењето во партиски сервис на ДПМНЕ скапо ги чини граѓаните.
„До кога мисли Тошковски да се криe зад политички реторики додека улиците стануваат небезбедни за граѓаните?
Не е само последното пукање во Куманово, непрекинатиот раст на вооружените и насилни инциденти во различни градови е сигнал за целосно системско потфрлање на безбедниот апарат, нема ниту превенција ниту соодветна реакција.
За тоа мора да има одговорност“, додаваат од оваа партија.
Македонија
Парични казни за три градинки и едно училиште по спроведени инспекциски контроли во кујните

Инспекциските служби на Агенција за храна и ветеринарство (АХВ), во септември годинава спроведоа инспекциски контроли во училишните и кујните во градинките на територијата на цела држава. Спроведени беа 91 контрола во градинки и 23 вонредни надзори во училишта.
За утврдените недоследности, издадени се 9 решенија со наредби за нивно отстранување. Во две градинки, хигиената не била задоволителна во кујните, а една градинка немала спроведено задолжителен здравствен преглед на вработениот персонал во кујните. Парични казни изречени се за 3 градинки, и поради несоодветно чување, уништени се 24 килограми храна.
Од спроведените контроли во училиштата, незадоволителни услови констатирани се само во една училишна кујна. Отстапки во однос на добрата производствена и добра хигиенска пракса утврдени се во две кујни. Поради погрешно декларирање, уништени се 59 килограми храна.
Инспекциските служби на АХВ за утврдените недоследности со контролите во училишните кујни изрекле 1 парична казна и донеле 5 решенија со наредба за нивно отстранување.