Македонија
(Видео) Арсовски: И покрај срамниот договор, нема никакви гаранции дека Македонија ќе биде дел од евро-атлантското семејство

Зоран Заев и СДСМ го потпишаа најсрамниот и најкапитулантски договор за Македонија, каде што самите се откажаа од името, идентитетот, нацијата и македонското малцинство, рече на прес-конференција, портпаролот на ВМРО-ДПМНЕ, Димче Арсовски.
Како што истакна тој, Заев, Димитров и останатите доживеале фијаско на дипломатски план со својата „патлиџан дипломатија“.
„Заев откажувајќи се од името, идентитетот, нацијата, малцинство, сега преку своите инсталации сака грубо да го прекрши по којзнае кој пат Уставот на Република Македонија. Претседателот на Собранието, Талат Џафери и Директорот на Службен Весник, Мартин Костовски, се заканија дека доколку Договорот со Грција не го потпише Иванов тие ќе го објават со двоен потпис на Џафери“, кажа Арсовски на прес-конференцијата.
Притоа, тој порача никој да не си игра со Законите и Уставот на Република Македонија кои се гарантори за редот и поредокот на правната држава која, како што рече, ја заробиле Зоран Заев и СДСМ за исполнување на лични цели.
„Овој чекор доколку го направат, претставува ново кривично дело и тоа кривично дело никогаш не застарува. Одговорност за ова ќе има и неправдата која ќе и биде нанесена на државата и граѓаните ќе биде исправена кога тогаш. Затоа ги повикуваме Џафери и Костовски, да не одат спротивно законите, на Република Македонија, бидејќи ќе одговараат“, предупреди портпаролот на опозициската партија.
Подвлече и дека Република Македонија е поразена на меѓународен план.
„Заев ги урниса трајно позициите и националните интереси на Република Македонија во однос на евро-атланските интеграции. Немаме никакви гаранции дека Република Македонија ќе биде дел од евро-атлантското семејство. Сите, сите оние министри кои што се занимаваат со евро-атлантските интегративни процеси на нашата држава, поради ова фијаско што го направија на дипломатски план со нивната ‘патлиџан дипломатија’, уште веднаш треба да си поднесат оставка од морални причини“, нагласи Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Завршен првиот дел од санацијата на хидросистемот Ѓавато, кој повеќе од 4 години беше со пробиени цевки

Заврши првата фаза на санирање на хидросистемот Ѓавато. Бунарскиот дел е комплетно завршен, пуштена е водата и нема никаде протекување, објави премиерот, Христијан Мицкоски.
Тој додаде дека останува уште една интервенција на цевката за испуст и со тоа ќе бидат дуплирани количините вода кои ќе се влеваат во Дојранското езеро.
„Каква беше состојбата пред интервенцијата? Повеќе од четири години пробиени цевки на двата функционални бунари. Потрошени повеќе од половина милион евра за електрична енерија, а ефектот минимален или никаков. Два функционални од десет направени бунари. Негрижа и срам. Во втората фаза ќе обезбедиме најмалку уште две бунарски пумпи за зголемен капацитет и побрзо полнење на Дојранското езеро. Владата во втората фаза ќе го задолжи ФОД при ЕСМ (поранешно ЕЛЕМ) да ги репарира постојните потисни пумпи. Конечно во последната трета фаза ќе инсталираме сончеви панели со батерии за акумулирање на електричната енергија и сопствено производство на електрична енергија. Нема трошење милиони евра од буџетот за електрична енергија“, напиша Мицкоски.
Македонија
СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за градоначалници во уште 11 општини низ државата:
1. Бутел – Оливера Ливриниќ
2. Велес – Маја Хеско
3. Гевгелија – Миле Атанасов
4. Делчево – Дејан Глинџарски
5. Демир Капија – Лазар Петров
6. Конче – Благој Илиев
7. Кратово – Влатко Спировски
8. Кривогаштани – Игор Каравиловски
9. Македонски брод – Ивица Стојковски
10. Ранковце – Даниел Крстевски
11. Старо Нагоричане – Далибор Трајковски
„СДСМ јасно ја потврдува својата подготвеност да понуди силни, чесни, квалитетни и докажани кандидати за претстојните локални избори кои ќе работат во интерес на граѓаните и напредок на општините’“, соопштија од партијата.
Македонија
Гужва на границите: на Богородица и Табановце се чека по 40 минути

Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, информира АМСМ.
На ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце времето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
Од денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.