Македонија
(Видео) Антикорупцискиот тим на СДСМ ја претстави новата платформа против корупција – МИЦКО: Пријавувајте!
„Антикорупцискиот тим на СДСМ, АКТ, ја претставува новата дигитална платформа за борба против корупцијата и криминалот. Македонски истражувачки центар за корупција и организиран криминал или скратено МИЦКО (https://micko.mk/). Платформата е посветена на истражување и архивирање јавно достапни материјали и извештаи за наводни корупциски операции во Македонија“, рече Александар (Саша) Димитријевиќ, генерален секретар на СДСМ.
„Ние ги собираме, анализираме, организираме сите информации од разни извори како би обезбедиле транспарентност и информираност на граѓаните, на јавноста.
Што правиме?
Истражуваме случаи: Длабински прегледуваме тендери, медиумски објави или случаи на корупција, вклучително и проверени судири на интерес и други сомнителни операции во политиката, јавниот сектор, локалните и државните институции.
Ги архивираме податоците, креираме регистар на наводни случаи со наведени извори, датуми и релевантни детали, овозможувајќи лесен пристап и пребарување.
Промовираме транспарентност: Делиме анализи и известувања, како граѓаните, но и новинарите, експертите, невладините организации, може да дадат придонес.
На платформата против корупцијата веќе се објавени досегашните бомби на АКТ.
Случајот со една фирма со двајца вработени, основана лани, која добила тендери од 9 милиони евра.
Случајот со фирма што добила 161 тендер, вредни 5,3 милиони евра.
И, секако, скандалот за преземањето на Алта банка, со сомнителен капитал, кој НБРМ го дозволила под сомнителни околности.
Од денеска платофрмата е активна и целосно оперативна, на ваше располагање.
Ги повикуваме сите граѓани, невладини организации, истражувачи, новинари и медиуми да ни се приклучат.
На платформата има можноста граѓаните да пријават корупција и криминал – директно.
Има посебен дел, простор, за да се внесат информации и директно да се прикачат документи. Секој граѓанин може да пријави, дури и анонимно.
Почитувани граѓани, пријавувајте! Ние сме вашиот глас. Заедно се бориме против корупцијата и криминалот. Сите ќе одговараат, од прв до последен! Ова е заедничка борба за државата, за правдата“, изјави Александар (Саша) Димитријевиќ, генерален секретар на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Следува променливо облачно време со повремени врнежи од дожд и снег
Времето утре ќе биде променливо облачно со врнежи од дожд, кои локално ќе бидат пообилни (над 25 l/m²), особено попладне и во текот на ноќта. На планините врнежите ќе бидат од снег. Ќе дува засилен ветер од јужен правец (над 60 km/h).
Минималната температура ќе биде во интервал од 7 до 12, а максималната ќе достигне од 10 до 17 степени.
Во Скопје, променливо облачно со повремен дожд, особено кон крајот на денот и во текот на ноќта. Ќе дува умерен ветер од јужен правец. Минималната температура ќе се спушти до 8, а максималната ќе достигне до 14 степени.
Времето во наредните денови
Под влијание на циклонска активност во следните денови времето ќе биде променливо облачно со повремени врнежи од дожд, а на планините од снег. Поради продор на постуден воздух и засилен северен ветер во четврток врнежите ќе преминуваат во снег на повисоките и во некои од пониските места.
На планините во западните делови ќе се формира нова снежна покривка, а помала покривка се очекува и во пониските места. Во петок ќе има преодно стабилизирање на времето, а во деновите од викендот, особено во сабота повторно ќе има локални врнежи од дожд и снег, кои наместа ќе бидат пообилни. Температурите ќе бидат во опаѓање.
Македонија
(Видео) Николоски: 40 километри од автопатот Охрид – Кичево се веќе во функција
Вицепремиерот и министер за транспорт Александар Николоски на својот фејсбук профил објави ноќно видео од автопатот Охрид-Кичево, каде истакнува дека 40 километри од автопатот се ставени во функција.
„Погледнете го ова прекрасно ноќно видео од делот од автопатот Охрид – Кичево. 40 километри се веќе во функција. Се надевам голем број македонски граѓани ќе возат по овој автопат на пат кон Балканскиот Ерусалим – Охрид за овој Божиќ. Честитки на сите вредни работници кои се посветија на неговата изградба! За многу години Божиќ и Бадник!“ порача вицепремиерот Николоски.
Македонија
(Фото) Мицкоски: Бадник не е само ден, туку порака дека заедништвото, љубовта и солидарноста нe прават посилни
„Во пресрет на Бадник, денеска поделивме пакети помош во Карпош, Гази Баба, Чаир, Аеродром, Ѓорче Петров, Кисела Вода, Бутел и Центар со желба секое семејство да ја почувствува топлината на празникот на својата трпеза“, извести премиерот Христијан Мицкоски преку социјалните мрежи.
„Бадник не е само ден, туку порака дека заедништвото, љубовта и солидарноста нe прават посилни“, додаде Мицкоски.

