Македонија
(Видео) Бачев: Спасовски наредил брутално да се нападнат граѓаните пред Собрание
Според наши сознанија министерот за внатрешни работи, Оливер Спасовски ја издал наредбата полицијата брутално да реагира токму во моментот кога протестот беше мирен. Марионетската власт во Скопје вчера употреби брутална сила, беа тепани жени, деца, претседатели на партии, беше тепан македонскиот народ. Бараме оставка од Спасовски и очекуваме Владата да одговори на овој чекор и да го усвои ова наше барање кое што е и барање на македонскиот народ. За таа прекумерна сила треба некој да одговара, вели претседателот на Единствена Македонија, Јанко Бачев.
-Од сите камери присутни на настанот како и од полициските камери јавноста може да види дека во моментот кога реагираше полицијата демонстратите мирно протестираа и единствено што правеа е тоа што го извикуваа името на државата, Република Македонија, вели Бачев.
Ова ни дава за право да се посомневаме дека постои сценарио во кое ќе дојде до судир меѓу македонската полиција и македонскиот народ, вели Бачев. Според него, по завршување на настанот, неосновано се апсени голем број деца кои што единствена нивна вина било тоа што вчера ја покажале својата демократска и патриотска определба спрема Република Македонија.
-Вчера целата полиција беше составена од Албанци, некаде околу 90 отсто, дали министерот Спасовски смета дека на таков начин полицијата ќе биде уште помотивирана така да го тепа македонскиот народ. Народот го искажа револтот поради промената на името и невиденото предавство што го прави марионетската власт во Скопје купена и корумпирана од странски центри. Македонија живее во мрачна доба во новиот светски поредок и ги живее најтешките денови од својата работа, вели Бачев.
Лидерот на Единствена Македонија ја повика меѓународната заедница, посебно Русија, Кина и Турција, за кои смета дека не се дел од темниот светски поредок за отворање на македонското прашање, да формира меѓународна комисија за истражување на сите настани од последните 3 години. Бачев кој лично беше присутен на вчерашните протести пред Собранието, сведоше за немилиот настан по што изјави дека се здобил со тешки повреди на нозете откако се качил на полицискиот хермелин кој имал намера да тргне кон граѓаните.
-Полицискиот хермелин тргна да го гази народот во кој што јас реагирав од моја страна со цел тоа да биде спречено и од тој момент од самиот хермелин се здобив со тешки повреди на нозете. Кога полициското лице кое управуваше со возилото кажа дека тука ќе застане, односно нема да тргне кон народот, јас се симнав од возилото, вели тој.
Лидерот на партијата најави дека од денеска ќе покрене иницијатива за семакедонско обединување на сите патриотски сили во земјата, како политички партии, здруженија, поединци.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ковачевски: Треба да одлучиме дали ќе чекориме по патот кон ЕУ, или ќе се вратиме назад во изолација и неизвесност
СДСМ е опција која носи надеж, обезбедува подобар и подостоинствен живот за сите, опција која не е откажува од европскиот пат, порача претседателот на Социјалдемократскиот сојуз на Македонија, Димитар Ковачевски, на вечерашното отворање на промотивниот штаб на СДСМ, во Куманово.
„Ние треба да одлучиме дали ќе чекориме по патот кон Европската Унија во која ќе биде подобро за сите или ќе се вратиме назад во изолација и неизвесност. Тоа ќе биде одлуката на претстојните избори, помеѓу „надеж со СДСМ“ и „безнадежност со ВМРО-ДПМНЕ“, помеѓу „просперитетна иднина со СДСМ“ и „враќање во темното минато со ДПМНЕ“. СДСМ е единствената партија која ја постави и која работи да се исполни визијата за европска иднина на нашата земја. Ние во СДСМ имаме јасна визија за иднината. Затоа јасно и гласно кажуваме одиме напред кон Европа, нема откажување од иднината. СДСМ ги исполнува ветувањата и даваме сѐ од себе да ги исполниме и очекувањата на граѓаните“, потенцираше Ковачевски.
Порача дека СДСМ ќе извојува победа и на претстојните претседателски и парламентарни избори, а победата ќе биде очигледна и во Куманово.
„Јас знам дека и овој пат ќе издвојуваме голема заедничка победа и ќе им покажеме дека лаги и манипулации не поминуваат во Куманово. Градот што се крена прв против фашизмот во време не НОБ знае што значи да си на вистинската страна на историјата. Куманово знае што значи борба за подобра иднина. Куманово секогаш било бастион на социјалдемократијата. На последните парламентарни избори, пред четири години, СДСМ и коалицијата во Куманово освоија три и пол илјади гласови повеќе од ДПМНЕ“, нагласи Ковачевски додавајќи дека граѓаните ги поддржуваат големите партии како СДСМ затоа што знаат дека можат да ја однесат државата напред во иднината, а не да ја вратат назад во минатото.
Македонија
Ковачевски: Поголеми плати и пензии, СДСМ направи многу за подобар живот, но мораме повеќе
На вечерашното отворање на промотивниот штаб на СДСМ во Куманово, претседателот на Социјалдемократскиот сојуз на Македонија, Димитар Ковачевски, порача дека со СДСМ сигурна е иднината во ЕУ, поголеми плати и пензии за европски животен стандард.
Ковачевски потенцираше дека во изминатите седум години СДСМ направи многу за подобар и подостоинствен живот во нашата Македонија, се зголемија просечната и минималната плата, а паралелно растеа и пензиите.
„Минималната плата денес е над 370 евра, просечната плата е над 650 евра. Иако ветивме 500 евра. Пензиите се за 6.400 денари повисоки од тоа што беа во 2016 година. Невработеноста ја преполовивме и ќе продолжиме да отвораме нови работни места, да ги стимулираме на домашните и странските инвестиции, бидејќи тоа е единствениот начин да имаме посилна, поконкурентна економија“, рече Ковачевски.
Во своето обраќање, Ковачевски порача дека СДСМ може и мора да направи повеќе и подобро за сите, и тоа ќе се исполни преку новата програма која обезбедува подобар животен стандард и економски раст.
Говорејќи за новата програма на СДСМ, Ковачевски посочи дека поддршката за компаниите ќе биде најмалку 50% повисока од сегашните рекордни 100 милиони евра и до 2028 година ќе се зголеми на 150 милиони евраа, земјоделците ќе може да сметаат на нови, зголемени 750 милиони евра субвенции.
Македонија
Ковачевски: Мицкоски само ќе продолжи каде застана Груевски, ДПМНЕ не може да донесе промена
Мицкоски само ќе продолжи каде застана Груевски, ДПМНЕ не може да донесе никаква промена, рече вечерва во Куманово претседателот на СДСМ, Димитар Ковачевски во обраќање при отворање на промотивен штаб на партијата.
-Никој од нас не заборавил како изгледаше кога менторот на Мицкоски, Груевски нѐ заглави и не донесе до дното. Мицкоски, само ќе продолжи таму каде што неговиот ментор застана, ќе продолжи да копа до ново дно, ќе нѐ закопа и ќе не заглави, само за своја лична цел. ДПМНЕ не ги интересира иднината на државата и граѓаните. Погледнете ги само нивните носители на листи и тоа ќе ви каже сè. Сакаат на голема врата да ги вратат поданиците на Никола Груевски. Ништо не е променето во ВМРО-ДПМНЕ, тоа е истата партија која не може да донесе никаква промена. Па има ли поголем доказ за тоа од целосното потфрлање на нивните градоначалници. Видете што се случува во Скопје, и ништо друго не ви треба. Мавтаа со програми пред локалните избори, а ништо не реализираа, рече Ковачевски.
Кога ќе ги прашате која е нивната визија и алтернатива за Македонија – тие нити знаат, нити кажуваат, нити имаат план, додаде тој.
-Тие нема да мрднат ни милиметар кон Европската Унија, и кога нема да има никаков прогрес, не само што нема да си ја признаат грешката, не само што нема да кажат дека лажеле, тие исто како Груевски ќе ги обвинуваат сите други, и ќе ја обвинуваат Европската Унија. Сите ќе им бидат виновни, освен тие самите! Тие едноставно сакаат да се вратиме во минатото, да ја закопаме иднината и да ја уништиме надежта за подобро утре, потенцираше Ковачевски.