Македонија
(Видео) ВМРО-ДПМНЕ бара оставка од Оливер Спасовски поради смртта на Никола Саздовски
Денес сме сведоци дека уште еден млад живот е изгубен. 21-годишниот Никола Саздовски им подлегна на повредите кога пред 10 дена на автобуска постојка беше избоден од тројца напаѓачи. За жал, овој случај не е ниту прв, а со заштитничкиот однос на власта кон криминалот, веројатно нема да биде ниту последен. На местото на несреќниот Никола можеше да биде кое било друго момче. Има ли поголем апсурд за правниот систем кога против напаѓачите МВР поднесува само кривични пријави за насилство, а млади момчиња ги губат своите животи?, прашува Димче Арсовски, портпарол на ВМРО-ДПМНЕ.
Овде не станува збор за насилство, додаде тој, туку, како што видовме, за брутално убиство. Тој рече дека Оливер Спасовски во најмала рака мора уште веднаш да си поднесе оставка. „Бараме да се најдат веднаш сите сторители, бараме делото да се квалификува како убиство, а не да се покрива со некакво насилство. Исто така, бараме соодветна казна за сторителите на ова срамно и кукавичко дело. Ова е најмалку што може да се направи за малиот Никола Саздовски да може да почива во мир“, рече Арсовски.
Има ли поголем апсурд, додаде тој, кога Владата и МВР најпрвин прикриваат, а потоа забошотуваат убиство на исто така млад човек, Мартин Јанушев?
„Почитувани, има ли поголем апсурд кога пред само неколку месеци имаше исто така прободено малолетно дете на автобуската постојка кај Рекорд во самиот центар на Скопје, тоа беше на 1 март, а министерот Спасовски и СДСМ ја лажат јавноста за професионално работење. Криминалот секојдневно го гледаме на улиците, а младите навечер кога излегуваат, се плашат за сопствениот живот. Скопје, за жал, стана едно криминално гето, каде што родителите не знаат дали децата ќе им се вратат од град живи и здрави дома. Стапката на криминалот во последната година е зголемена до плафон. Само за една година имаме случај каде што е убиен Мартин Јанушев пред својот дом, имаме убиство на младо 24-годишно момче, кое е убиено во Чаир непосредно пред својот дом, имаме прободено дете од групата „Комити“ на Рекорд, кое се бореше за својот живот, имаме убиство во Мала Речица и уште редица многу други криминални случаи“, рече Арсовски.
За жал, додаде тој, сите овие случаи се без конкретни разрешници, каде што сторителите ќе бидат изведени пред лицето на правдата и ќе добијат соодветни казни за она што го сториле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
По јавниот притисок, на прославата на плоштад нема да има огномет, велат од „Зелен хуман град“
Благодарение на институционалниот притисок вршен внатре во Советот на Град Скопје од страна на нашиот советник, Марјан Калевски, како и вонинституционалниот притисок вршен со нашите јавни реакции и секако, најважното, ангажираноста на нашите сограѓани со испраќање мејлови до надлежните институции и давање поддршка за нашата иницијатива на социјалните мрежи, градоначалникот Орце Ѓорѓиевски најави дека оваа година на прославата огномет нема да има, објави „Зелен хуман град“.
„Потегот на градоначалникот го сметаме за позитивен, но истовремено сметаме дека не смее една ваква клучна материја да е нечие дискреционо право. Денес овој градоначалник донел позитивна одлука, утре некој друг нема да донесе таква. А останува фактот дека огнометите и пиротехниката на хартија се дозволени со поседување лиценци и обезбедување стручни лица кои ќе ракуваат со неа. Оттука, инсистираме оваа високоризична материја да се нормира и законски да се забрани експлицитно и на отворен и на затворен простор“, велат од граѓанската ијцијатива.
Пд таму потсетуваат и на нивното барање што побрзо Собранието да усвои законски измени и да забрани огномет и каква било пиротехника и на затворено и на отворено.
„Скопската централна новогодишна прослава без огномет претставува мал но значаен чекор кон подобрување на квалитетот на животот на најранливите групи граѓани во Скопје, намалување на преголемото загадување на воздухот, како и на сите медиуми на животна средина и, се разбира, етички чекор кон тоа безгласните жители на Скопје, животните, да не доживуваат енормен стрес и потенцијална смрт за 3 минути „забава“. Секако ова не ги спречува бројните несовесни граѓани кои новогодишните празници ги доживуваат како погоден момент на своја рака да испалуваат огномет и разни пиротехнички средства и поради ова апелираме и очекуваме Министерството за внатрешни работи да е на висина на задачата, особено на дочекот на Новата година“, велат од „Зелен хуман град“.
Македонија
Стојаноски: СДСМ ја напуштија седницата кога требаше да се разговара за Резолуцијата за наводни мигранти
Лицемерието на СДС излезе на виделина, ја напуштија собраниската седница кога требаше да се разговара за Резолуцијата за наводни мигранти, изјави пратеникот од ВМРО-ДПМНЕ, Бојан Стојаноски.
„Откако устата им беше полна со наводни мигранти, кој ене ги чекале на граница, само што не дошле и што уште не излажаа, денес кога требаше да се дискутира во Собранието на таа непостоечка тема која тие ја отворија, тие го напуштија Собранието. Не само што избегаа од темата, како маче од куче, туку и фамозната Резолуција која ја предлагаа во јавноста и устата пена им фати од говорење дека била најдобрата, ја немаат ниту поднесено во Собрание“, рече Стојаноски.
Тој кажа дека Резолуцијата на ВМРО-ДПМНЕ која е поднесена и е на дневен ред, денес ќе биде изгласана и со тоа ќе ја затвориме измислената тема од страна на СДС за наводни мигранти во Македонија.
Македонија
СДСМ: Владата на Мицкоски го враќа паралелниот увоз на лекови како во времето на Груевски
Свиркачи од Министерството за здравство информираат дека Владата на Христијан Мицкоски го враќа паралелниот увоз на лекови со сомнителен квалитет, кој беше укинат во времето на СДСМ, велат од опозициската партија.
„Еве како планира владата на Мицкоски да го направи тоа, со измена на член од Закон за до членство на ЕУ да може да тераат паралелен увоз. Не сакаат во ЕУ заради пари, тргуваат и со здравјето на луѓето. Информациите за намерите на власта ги потврдуваат и некои здруженија но и многу пациенти кои стравуваат од лекови со крајно лош квалитет опасни по здравјето. Токму преку паралелниот увоз на лекови власта на ДПМНЕ и Никола Груевски ги правеше најголемите криминали на штета на здравјето на граѓаните“, велат од СДСМ.
Од таму велат дека во 2016 бил откриен скандал дека во државава биле внесени фалсификувани лекови и тоа дел од нив биле откриени на Клиниката за онкологија каде се лекуваат пациенти болни од рак.
„Затоа СДСМ го забрани. Но, криминалот за ДПМНЕ е поважен од здравјето на граѓаните. Оттука се овие обиди на власта да го врати паралелниот увоз на лекови. Само заради бизниси со тендери. За пари. Ова се случува во време на корупциски скандали и обиди на власта да дефокусира од темите со мигрантите и недостатокот на пари. На мала врата буктаат вакви сериозни и големи работи. СДСМ ги поддржи сите акции кои ќе значат спречување на овој обид на власта да го врати паралелниот увоз и да ги загрози животот на пациените за пари“, наведува СДСМ.

