Македонија
(Видео) Уставни измени со вакви фолирања нема да има, велат од ВМРО-ДПМНЕ по условените оставки од ДУИ
![](https://makfax.com.mk/wp-content/uploads/2023/07/naum-1.jpg)
ВМРО-ДПМНЕ преку партискиот портпарол Наум Стоилковски го потврди ставот дека уставни измени нема да има откога вчера министрите од ДУИ поднесоа оставки, кои би се ефектуирале во мометот кога опозицијата ќе даде зелено светло за измените во Уставот.
Стоилковски е дециден: Ставот на ВМРО-ДПМНЕ е јасен, уставни измени со вакви фолирања нема да има.
Одговарајќи на новинарско прашање во однос за условените оставки, Стоилковски изјави дека е добро што ДУИ по 20 години власт, е подготвена да замине во опозиција, од каде ќе може да одговараат за криминалот.
Прашан за изјавата на вицепремиерот Артан Груби дека се подготвени да се откажат и од договорот за 100 дена премиер Албанец, Стоилковски изјави дека потешко му е на Социјалдемократскиот сојуз отколку на ДУИ да ја прифати идејата Артан Груби и де факто да не им биде премиер.
Стоилковски ги повика и функционерите од СДСМ да поднесат оставки, но тие да бидат неотповикливи и да се оди на брзи предвремени парламентарни избори. Сѐ друго, повтори Стоилковски, е одолжување и играње играчки.
Претходно вчера, лидерот на ДУИ, Али Ахмети, објави дека министрите од оваа партија ги доставиле своите оставки до премиерот Димитар Ковачевски, но ќе важат од моментот кога уставните измени ќе поминат во Собранието.
Ахмети образложи дека земјата е во критична фаза од европската иднина, а големите одлуки бараат политичка, национална и државна одговорност и жртви откако ВМРО-ДПМНЕ пред два месеца постави неколку услови за да гласаат за уставните измени, меѓу кои и ДУИ да излезе од Владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Возачот не е повреден а заглавениот камион е извлечен, соопшти ЦУК
![](https://makfax.com.mk/wp-content/uploads/2023/02/policija-2.jpg)
Возачот на камионот не е повреден и нема никакви посериозни штети направено на камионот, информира ЦУК откако претходно беше објавено дека преку единствениот повикувачки број за итни случаи 112 во ЦУК била добиена пријава за камион што се заглавил меѓу паднати дрвја кај ресторанот „Јавор“ на патот помеѓу Росоман и Прилеп.
„Конкретно, заглавениот камион на патот кај Росоман кон Прилеп, на место викано „Камен Дол“ близу кај ресторанот „Јавор“ е извлечен од страна на ТППЕ Кавадарци со екипа од три пожарникари и две ПП возила. Камионот бил заглавен и во кал со предните две тркала“, велат надлежните.
Македонија
ЦУК: Заробен возач во заглавен камион на патот меѓу Росоман и Прилеп
![](https://makfax.com.mk/wp-content/uploads/2021/06/85020985.jpg)
Преку единствениот повикувачки број за итни случаи 112 во ЦУК е добиена пријава за камион што се заглавил меѓу паднати дрвја кај ресторанот „Јавор“ на патот помеѓу Росоман и Прилеп.
„Пријавителот побара интервенција на ТППЕ Кавадарци, бидејќи според него, како очевидец кажува дека возачот на камионот е заробен во камионот. Инаку, јавувачот беше известен дека ТППЕ Кавадарци имаат екипа подолу од нивната локација и дека веднаш ќе се упатат на местото.
Регионалниот ЦУК Велес го следи случајот и извести дека екипа од ТППЕ со 1 ПП возило и 2 пожарникари веќе се упатени на местото на настанот и кога ќе завршат со интервенцијата, дополнително ќе не известат“, информира Центарот за управување со кризи.
Македонија
ЦУК: Падна карпа на булеварот „Никола Карев“ после влезот на касарната „Илинден“, во Скопје
![](https://makfax.com.mk/wp-content/uploads/2024/06/Screenshot-2024-06-27-214830.jpg)
Преку единственствениот повикувачки број за итни случаи 112 во ЦУК била добиена пријава за падната карпа на булеварот „Никола Карев“ после влезот на Касарна „Илинден“, во Скопје.
„Регионалниот ЦУК Скопје известува дека веднаш ги информирале надлежните од Град Скопје за итниот случај, по што ќе превземе мерки Градот преку своите служби“, соопштија од центарот.