Македонија
(Видео) Гори галијата во Вардар
Пожар изби во галијата кај „Холидеј ин“. Противпожарната бригада на Скопје е на терен. Огнот е локализиран, но гасењето се уште трае, а облаци црн чад се креваат во центарот на Скопје.
„Опожарена е внатрешноста на галијата. Имаше и чад и оган, сега огнот е локализиран. На терен се дванаесетмина пожарникари и три возила“, вели Ѕвонко Томевски, командант на Противпожарната бригада на Скопје за „Макфакс.
Причините за пожарот допрва ќе се утврдуваат.
Ова не е првпат галијата да биде опожарена. Кусо откако Град Скопје во 2021 година почна да ја урива, пожар изби во нејзината внатрешност, а пожар имаше и во март годинава.
Поранешниот градоначалник на Скопје, Петре Шилегов, почна да ја урива галијата летото 2021 година оти биле исполнети условите да се раскине договорот со закупецот, не платил три кирии по ред, но уривањето сопре и покрај најавите дека есента, истата година таа целосно ќе биде отстранета од коритото на Вардар.
Закупец на галијата беше компанијата „ЕМУС сервис АД Скопје“ која поведе судски спор против Град Скопје и уверуваше дека градските власти немаат основ да ја уриваат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Подрачјето на Велес ќе биде зафатено од поројни врнежи, грмежи и засилен ветер
ЦУК информира, според известувањето на УХМР, дека подрачјето на Велес ќе биде зафатено од пообилни поројни врнежи со грмежи и засилен ветер.
Правец на движење на оваа нестабилна маса се предвидув дека е кон исток и североисток, додаваат од ЦУК.
Македонија
Министерството за животна средина отстапи движни ствари на повеќе општини, за потребите на училиштата вклучени во ГЛОБЕ програмата
Владата, на предлог на Министерството за животна средина и просторно планирање, донесе одлука со којашто движни ствари во сопственост на министертството, се даваат на трајно на повеќе општини во државата, за потребите на повеќе основни училишта и тоа во Гевгелија, Неготино, Валандово, Битола, Прилеп, Тетово, Куманово, Пробиштип, Ранковце, Велес, како и на училишта во скопските општини: Центар и Карпош.
Целта е спроведување на ГЛОБЕ програмата во Република Северна Македонија, а Министерството за животна средина и просторно планирање, како што е посочено, е носител на активностите на ГЛОБЕ програмата и со владина одлука е задолжено да обезбеди хемикалии и инструменти за вршење на мерењата и да ги пренесе на користење на вклучените училишта во програмата.
Станува збор за движни ствари што ќе им бидат од полза на училиштата во спроведувањето на проектот, а коишто, по пат на јавна набавка ги обезбедило ресорното министерство.
Македонија
Одлука за учество на Армијата во НАТО операцијата „КФОР“ во Косово
Владата, на предлог на Министерството за одбрана, донесе Одлука за определување на бројот на кандидати кои се запишуваат на Воената академија „Генерал Михаило Апостолски“- Скопје, во студиската учебна 2024/2025 година, чие образование се финансира од Буџетот на Република Северна Македонија.
Со одлуката е определено, во студиската учебна 2024/2025 година да се запишат 44-ца студенти/питомци како редовни студенти, од кои 25-мина студенти/питомци за потребите на Министерството за одбрана – Армијата на Република Северна Македонија; како и тројца студенти/питомци за потребите на Војската на Црна Гора; шестмина студенти/питомци за потребите на вооружените сили на Босна и Херцеговина; петмина студенти за потребите на управување со кризи и петмина студенти за потребите на заштита и спасување.
Согласно Законот за Воената академија, како што е образложено од ресорното министерство, на Академијата можат да студираат и припадници на вооружените сили на странски држави и странски државјани.
Владата, на предлог на Министерството за одбрана, донесе и Одлука за испраќање припадници на Армијата на Република Северна Македонија за учество во НАТО операцијата „КФОР“ во Република Косово.