Македонија
(Видео) Димитриеска Кочоска: Власта става европско знаменце на договорот со „Бехтел и Енка“, затоа што повеќе од јасно е дека тој договор е многу штетен и е заснован на непостоечки закони
„Злоупотребата која оваа власт ја прави во континуитет и не запира, а од друга страна народот веќе е свесен и го знае тоа. Кога го зборувам ова мислам точно на договорот со „Бехтел и Енка“ договор кој е повеќе од јасно дека е многу штетен и договор кој го кријат токму заради тоа што има внатре многу корупција и криминал. Тој е договор кој е заснован пред се на непостоечки закони. Закони кои сега влегуваат во Собранието и им ставија не случајно Европско знаменце затоа што тој им е единствениот начин да ја избегнат јавноста, тоа е единствен начин да ги скријат работите и да нема јавна дебата“, истакна потпретседателката на ВМРО-ДПМНЕ Гордана Димитриеска Кочоска при теренската активност на ВМРО-ДПМНЕ насловена „Ова е Македонија за сите“ во селата Ротинце и Копанци во Тетово.
Димитриеска Кочоска истакна дека народот е свесен и го знае тоа. Жално е што упорно власта пробува да го протурка овој договор кој носи огромна штета на Македонија и за кој ќе платиме 300 милиони евра до сега.
Таа додаде дека во исто време имаме една од највисоките стапки на инфлација во Европа, како и дека нема никаква работа, нема инвестиции, нема учебници, нема здравство, нема образование.
„Жално е што наместо да се фокусираат на тоа што треба да биде приоритет тие создаваат фискални импликации, трошоци заради неодговорност заради криминал и затоа не случајно овде од Ротинце и Копанци им порачувам дека секој еден ќе одговара од сите тие кои што го спремаа договорот затоа што народот ќе си ја испорача сметката“, кажа таа.
Димитриеска Кочоска заклучи дека ова е договор за кој никој нема да им прости, нема да им прости затоа што не зборуваме за една, две а можеби и три милијарди евра на крај ќе чини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Владата на СДС и ДУИ за мерки за ковид кризата неосновано исплатила околу 100 милиони евра“, ВМРО-ДПМНЕ најави дека ќе продолжи со објавување детали за злоупотреба на народни пари
„Владата предводена од СДС и ДУИ не правела ништо освен што крадела од граѓаните и државата, односно народните пари завршувале во џебови на поединци наместо за развој. Ваквото однесување го поткрепува и Државна ревизија, или со ревизијата завршена во мај 2023 година се гледа дека неосновано се трошеле стотици милиони евра народни пари“, велат од ВМРО-ДПМНЕ.
„Извештајот констатира дека преку владината потпрограма Мерки за справување со ковид кризата, исплатени се средства во износ од над 6 милијарди денари или околу 100 милиони евра. Станува збор за пари исплатени без утврдени критериуми во однос на избор на институции и износот на одобрените неповратни финансиски средства.
Според Извештајот на Државна ревизија при поделбата на овие 100 милиони евра, 33% од примателите на средствата немаат доставено извештај за реализираните активности до Владата. Или на владата на СДС и ДУИ и летнале 33 милиони евра во нечии џебови.
Колку за илустрација, овие околу 100 милиони се средства со кои можеше да се изгради нов клинички. Или за споредба, изградбата на нов клинички центар во Скопје според проектот од 2017 година ќе чинеше 128 милиони евра.
Оттука владата на СДС и ДУИ, средства колку за нов клинички, ги дели на сомнителен начин и без процедури.
Ова е само дел од злоупотреби констатирани од Државниот завод за ревизија. Продолжуваме со објава на детали од истиот Извештај во однос на други злоупотреби. Секој што постапувал спротивно на правните норми мора да одговара“, соопшти ВМРО-ДПМНЕ.
Скопје
Дел од општините Гази Баба и Сарај денеска без струја
Поради планирани зафати во електро дистрибутивната мрежа, денеска без напојување со електрична енергија ќе останат делови од општините Гази Баба и Сарај.
– Во период од 08:30 – 09:300 часот, струја ќе немаат корисниците на улица Лазар Поптрајков зграда бр. 25 во општина Гази Баба.
– Во период од 08:30 – 13:30 часот, корисниците на дел од село Кондово во општина Сарај ќе останат без електрична енергија.
Македонија
Сончево време со услови за пороен дожд попладне
Времето денес ќе биде променливо облачно и топло. Ќе дува слаб до умерен ветер од јужен правец. Од пладневните часови претежно во северните делови ќе има локална појава на пороен дожд и грмежи. Минималната температура ќе биде во интервал од 4 до 14, а максималната ќе достигне од 23 до 29 степени.
Во Скопје променливо облачно, попладне во делови од котлината ќе има услови за краткотраен пороен дожд и грмежи. Минималната температура ќе се спушти до 11, а максималната ќе достигне до 28 степени.
Од четврток до сабота ќе преовладува сончево и топло време. Промена на времето со локални врнежи од дожд, наместа пообилни и пад на дневната температура се очекува од недела.